kursiv sözü azərbaycan dilində

1 [lat.] Əlyazısına oxşar mailli mətbəə şrifti. ◊ Kursiv mənimdir (bizimdir) – sitatda kursivlə çap olunmuş sözlərin orijinalda deyil, (nəzərə çarpdırmaq üçün) sitatı gətirənin özü tərəfindən ayrıldığını göstərən ifadə.

2 lat. cursivus, cursus – qaçış, hərəkət; cursiva littera – əlyazma 1) maili mətbəə hürufatı, maili yazı; 2) sitatda müəllifin nəzərə çarpdırdığı söz, ifadə və ya cümlə; 3) çap şrifti formalarından biri; 4) mətnin müəyyən hissəsini fərqləndirmək məqsədi ilə hərflərin sağa meylli, əlyazmasına bənzər şəkildə yığılması. Sözün kursivlə yığılması üçün əlyazmasında onun altında dalğalı xətt çəkilir; 5) latın və qədim yunan yazısında sürətli yazı xətti. Bu məqsədlə qələmin ucu kağızdan götürülmədiyi üçün hərflər bitişik yazılır. Ən qədim antik kursiv yazısı I-II əsrlərə aiddır; Bizans – yunan yazısında XI əsrdən yayılmışdır. Bu məqalədə “şrift” və “sürətli yazı” sözləri kursivlə yığılmışdır; 6) əlyazmasını xatırladan maili mətbuat şrifti.

1 Təxminən 1450-ci ildə alman ixtiraçısı İohann Qutenberq çap dəzgahını icad etdi. O, Qərb mədəniyyətində baş və kiçik hərflərdən istifadənin əsasını qoydu. Ancaq Qutenberqin istifadə etdiyi şrift olduqca mürəkkəb, sətirlərdə hərflərin qalınlığı müxtəlif idi (şaquli hərflər qalın, üfüqi hərflər isə nazik). O, qaz lələyi ilə yazını xatırladan hərflər yaratmışdı. Zahirən bu yazı çox qəşəng olsa da, oxunması olduqca çətin idi. İtaliyalılar bu şrifti nifrətlə qotik adlandırırdılar. Biz də indiyədək onu bu adla tanıyırıq. Venesiyada işləyən italyan çapçı Aldo Manuzio olduqca nazik, zərif və azca maili olan yeni srift işləyib hazırladı. Bu şriftdən ilk dəfə 1501-ci ildə Qədim Roma şairi Vergilinin əsərlərinin nəşri zamanı istifadə olundu. Bu şrift kursiv, yəni iti yazmaq, adlanmağa başlandı. İndi ondan mətndə adi, maili olmayan şriftdən seçilsin deyə vacib sözləri xüsusi qeyd etmək üçün istifadə edirlər. Kursivlə ayırmaq – sözlərə xüsusi məna vermək deməkdir. (Ayzek Azimov. Sözlərin tarixi)

1 I сущ. курсив (наклонный шрифт, подобный рукописному) II прил. курсивный. Kursiv şrift курсивный шрифт; kursiv mənimdir, bizimdir курсив мой, наш (указание на то, что напечатанные курсивом слова выделены не в подлиннике, а тем, что цитирует)

1 i. poliqr. italics pl., italic type; Kursiv bizimdir (It is) italicized by us / me, Italics supplied; ~lə in italics; ~lə vermək / fərqləndirmər to print / to distinguish by italics

1 is. poliqr. italique m ; ~lə en italique

1 [lat.] курсив (гъилин хатӀариз ухшар шрифт, кирсеба гьарфар).