mənzərə sözünün azərbaycan dilində istifadasi, mənası, izahı, yazılışı, tərcüməsi / Sözlük

Mənzərə

Peyzaj (fr. Paysage, pays - ölkə) ya da Mənzərə (fars. منظره‌‎)— təsviri incəsənətdə landşaftın, təbii mənzərənin rəsmi. Dənizin tabloda əks olunduğu mənzərələr isə "marina" adlanır, onu çəkənlər isə "marinist". == Azərbaycanlı peyzajistlər və əsərləri: == Səttar Bəhlulzadə (1909-1974) - "Suraxanının qədim odları" (1971), "Gülüstan" (1965), "Qızbənövşəyə gedən yol" (1953), "Göyçay" (1972), "Bilgəh" (1962), "Torpağın arzusu" (1963) və s., Bəhruz Kəngərli (1892-1922) - "Türbə" (1919), "Naxçıvan, Sınıq minarəli məscid" (1920), "Nuhun məzarı" (1921), "Naxçıvanda rus kilsəsi" (1920), "Atabəyin türbəsi" (1919) və s., Nəcəfqulu İsmayılov (1923-1990) və b.

Mənzərə Məmmədova

Mənzərə Məmmədova — Filologiya elmləri namizədi, dosent Mənzərə Məmmədova 1934-cü ildə martın 25-də İrəvan şəhərində anadan olub. 1940–50-ci illərdə İrəvanda 16 nömrəli orta məktəbi bitirib. 1951–56-cı illərdə Azərbaycan Dövlət Universitetinin (indiki BDU) filologiya fakültəsinin Şərq şöbəsində oxuyub. 1957–1964-cü illərdə Azərbaycan EA-nın Əlyazmaları fondunda kiçik elmi işçi vəzifəsində çalışıb. 1964–1967-ci illərdə Azərbaycan EA-nın Əlyazmaları fondunda aspiranturada oxuyub. 1968-ci ildə "XI-XVII əsr fars dilinin izahlı lüğətlərinin əsas tərtib prinsipləri" mnövzusunda dissertasiya müdafiə edib. 1969-cu ildən Azərbaycan Dövlət Universitetində (indiki BDU) dosent vəzifəsində işləyir. 1969-cu ildən ADU-da (indiki BDU) İran filologiyası, Fars dili, Fars dili tədrisinin metodikası, Mətnşünaslıq, Mənbəşünaslıq, Ümumi və İran dilçiliyinin əsasları mövzularında mühazirələr aparır. Mənzərə Məmmədova İran filologiyası sahəsində tədqiqat aparır. O, 41 məqalənin, 1 dərsliyin müəllifidir.

Yağışdan sonra Overdə mənzərə

"Yağışdan sonra Overdə mənzərə" (fr. Paysage d'Auvers après la pluie, nid. Landschap bij Auvers na de regen) və yaxud "Arabayla və qatarla mənzərə" (fr. Paysage avec chariot et train, nid. Landschap met rijtuigje en trein) — məşhur holland rəssamı Vinsent van Qoqun 1890-cı ildə çəkdiyi rəsmi. Moskvada yerləşən A.S.Puşkin adına Dövlət təsviri incəsənət muzeyinə məxsusdur. XIX–XX əsr Avropa və Amerika ölkələrinin incəsənət qalereyasında saxlanılır. Rəsmin ölçüləri 72 x 90 sm-dir. == Rəsmin tarixçəsi == "Overdə yağışdan sonra peyzaj" rəsmi 1890-ci ildə, rəssamın ölümündən əvvəl çəkilmişdir. Sonra o, qardaşı Teoyaya keçib.

Yağışdan sonra overdə mənzərə

Alaqaranlıqda kilsə mənzərəsi (rəsm əsəri)

Alaqaranlıqda kilsə mənzərəsi — 1883-cü ilin aprelində Vinsent Van Qoq tərəfindən yağlı boya ilə çəkilmiş rəsm əsəri.

Azərbaycan mənzərələri (film, 1975)

Azərbaycan mənzərələri rəssamlarımızın əsərlərində (film, 2015)

Bakının mənzərələri (film, 1966)

Bakının mənzərələri qısametrajlı sənədli televiziya filmi 1966-cı ildə Bakı Televiziya Studiyasında istehsal edilmişdir. Film "SSRİ-nin şəhərləri" proqramında Almaniya Demokraik Respublikasında nümayiş etdirilməsi üçün Bakı haqqında reklam rolikidir. == Məzmun == Film "SSRİ-nin şəhərləri" proqramında Almaniya Demokraik Respublikasında nümayiş etdirilməsi üçün Bakı haqqında reklam rolikidir.

Budanmış söyüd ağacları mənzərəsi (rəsm əsəri)

Budanmış Söyüd Ağaclarının Mənzərəsi — 1884-cü ilin aprelində Vinsent Van Qoq tərəfindən yağlı boya ilə çəkilmiş rəsm əsəridir.

Delft mənzərəsi (rəsm əsəri)

Delft mənzərəsi—hollandiyalı rəssam Yan Vermeerin 1660–1661-ci illərdə yağlı boya ilə çəkdiyi rəsm əsəri. Hollandiyalı rəssamın öz doğma yurdunu təsvir etdiyi rəsm onun ən çox sevilən əsərləri arasında yer alır. Rəssamın nadir mənzərə əsərlərindən biri olan rəsm 1822-ci ildən bəri Mauritşuis muzeyinin kolleksiyasındadır. == Təsirləri == Tablo 2011-ci ildə Royal Dutch Mint tərəfindən buraxılmış qızıl və gümüş xatirə sikkələrinin üzərində təsvir olunmuşdur. Tablodan Marsel Prustin İtirilmiş zamanın izində adlı romanında da istifadə olunmuşdur. Marsel Prust xüsusilə Delft mənzərəsi əsərini bəyənmiş və əsəri ilk dəfə gördükdə bu sözləri demişdir: == Rəsm materialları == İş üzrə texniki analiz Vermeerin bu rəsm üçün məhdud piqment seçdiyini göstərir. Tünd göy, aşıboyası, alizarin rəsmdə istifadə olunmuş əsas materiallardır. Digər tərəfdən rəsmin çəkilmə texnikası çox diqqətlidir.

Məmləkətimdən İnsan Mənzərələri

Məmləkətimdən İnsan Mənzərələri — Nazim Hikmətin 1939-cu ildə yazmağa başladığı və təxminən 1960-cı illərin ikinci yarısında çap olunan bir şeir kitabıdır. 17 min misradan ibarət olan əsər Nazim Hikmət yaradıcılığının zirvəsi sayılır. İkinci Konstitusiya Monarxiyasından İkinci Dünya Müharibəsinə qədər Anadoluda yaşamış adi insanların hekayələrini təqdim edir. Digər tərəfdən, İkinci Dünya Müharibəsi, Milli İstiqlal Müharibəsi də daxil olmaqla, 1920-1940-cı illər arasında Türkiyənin sosial tarixindən bəhs edir. II Dünya müharibəsində nasizmin məğlubiyyəti müxtəlif aspektlərdə həll olunur və əks olunur. Nəsr, şeir və ssenari texnikasının bir-birinə bağlı olduğu bir əsərdir. Beş cilddən ibarətdir, beşincisi yarımçıqdır. 1938-ci ildə Nəzim Hikmətin həbsə atılmasından sonra qoyulan əsərlərin nəşrinə və oxunmasına qadağa qoyulduğundan şairin sağlığında çap oluna bilməyən əsər 1965-ci ildə qadağanın ləğv edilməsindən sonra,1966-1967-ci illərdə oğlu Memet Fuadın sahibi olduğu De Nəşriyyatında 5 cilddə nəşr olunmuşdur. Əsər Milli Təhsil Nazirliyi tərəfindən 100 əsas əsər siyahısına daxil edilmişdir. == Əsərin yazılma prosesi == Nazim Hikmət 1939-cu ildə İstanbulda "Məmləkətimdən İnsan Mənzərələri"-ni yazmağa başladı: "1939-cu ildə tövqifxanada başlanıb ..................................bitən bu kitab..." (Məmləkətimdən İnsan Mənzərələri, Nazim Hikmət) 1939-cu ildə şair üzərində işləməyə başladığı zaman əsərin adı; "Məşhur adamların ensiklopediyası" idi.

mənzərə sözünün leksik mənası və izahı

1 is. [ər.] 1. Bir yerin uzaqlara qədər gedən ümumi görünüşü, gözün qavraya bildiyi yerin, sahənin, təbiətin görünüşü; axar-baxar. Dağ mənzərəsi. Meşə mənzərəsi. – Mənzərələr tez-tez dəyişirdi: gah göy ot və çəmən, gah yaşıl təpələr və dağlar, gah qaranlıq meşələr və dərələr… S.S.Axundov. Furqon Ağsudan ötüb çaya yaxınlaşanda ayrı bir mənzərə müşahidə olundu. Mir Cəlal. 2. Təbiəti əks etdirən şəkil, rəsm. Təbiət mənzərələri. – [Lətifə:] Sizin dağlardan çəkib gətirdiyiniz mənzərələr çox gözəldir! M.Hüseyn. // Bədii əsərlərdə təbiətin təsviri. Nizaminin əsərlərində mənzərələr. 3. məc. Konkret şəkildə təsəvvür olunan, göz qabağına gətirilə bilən şey, hadisə və s. Keçmişin mənzərələri. Yürüş mənzərələri. Axşam mənzərəsi. – Tacirlərin və əsnafın abı, yaşıl, qara çuxaları qəribə bir mənzərə təşkil edirdi. Çəmənzəminli. Kosa qapının açar yerindən bu mənzərəni görürdü. S.Rəhimov.
Azərbaycan dilinin izahlı lüğəti / mənzərə
2 ümumi görünüş; nəzəri oxşayan yer.
Azərbaycan qadın adlarının izahlı lüğəti. / mənzərə
3 ə. 1) seyr olunan təbiət, təbiətin görünüşü; 2) belə yerləri təsvir edən şəkil; peyzaj, panorama; 3) perspektiv.
Klassik Azərbaycan ədəbiyyatında işlənən ərəb və fars sözləri lüğəti / mənzərə

mənzərə sözünün sinonimləri (yaxın mənalı sözlər)

1 görünüş — şəkil
Azərbaycan dilinin sinonimlər lüğəti / mənzərə
2 1. MƏNZƏRƏ Mənsur ..ətrafdakı mənzərəyə tamaşa eləyirdi (H. Abbaszadə); AXAR-BAXAR ..kəndin çox gözəl və qəşəng axar-baxarı vardı (Ə.Vəliyev); LANDŞAFT Kiprin .. landşaftı bir növ bizim Abşeron yarımadasını xatırladır (Qəzetlərdən); GÖRKƏM, GÖRÜNÜŞ, PERSPEKTİV. 2. MƏNZƏRƏ, PANORAMA (mənzərə janrı), PEYZAJ 3. MƏNZƏRƏ (təbiəti əks etdirən şəkil), TƏSVİR, LÖVHƏ
Azərbaycan dilinin sinonimlər lüğəti / mənzərə

mənzərə sözünün rus dilinə tərcüməsi

1 1. вид, пейзаж, зрелище, панорама; 2. картина;
Azərbaycanca-rusca lüğət / mənzərə
2 I сущ. 1. вид: 1) то, что открывается взору. Картина. Gözəl mənzərə красивый вид, Göygölün mənzərəsi вид озера Гёйгёль, Bakı körfəzinin mənzərəsi вид Бакинской бухты 2) изображение картины природы. Azərbaycanın mənzərələri виды Азербайджана 2. картина: 1) перен. то, что можно видеть, представить себе. Keçmişin mənzərələri картины прошлого, Bakı baharının mənzərələri картины бакинской весны 2) яркое и выразительное словесное изображение чего-л. Romanda həyatın geniş mənzərəsi verilmişdir в романе дана широкая картина жизни, mübarizə mənzərəsini qələmə almaq набросать картину борьбы 3. зрелище: 1) то, что является предметом созерцания, обозрения. Gözləmədiyim bir mənzərə неожиданное зрелище, qarşımda qorxunc bir mənzərə açıldı передо мной открылось страшное зрелище, qəribə bir mənzərəyə rast gəldim я встретился с любопытным зрелищем 2) наблюдение чего-л. Firavan həyat mənzərəsi зрелище раздольной жизни 4. пейзаж: 1) общий вид какой-л. местности, картина природы. Dağ mənzərəsi горный пейзаж, meşə mənzərəsi лесной пейзаж 2) картина, рисунок, изображающие природу. Mənzərə çəkmək писать пейзаж 3) описание природы в литературном произведении. Süleyman Rəhimovun əsərlərində təbiət mənzərələri пейзажи в произведениях Сулеймана Рагимова II прил. 1. видовой (относящийся к изображению картин природы). Mənzərə filmi видовой фильм 2. пейзажный (изображающий пейзаж). Mənzərə kompozisiyası пейзажная композиция, mənzərə rəsmləri пейзажная живопись, mənzərə janrı пейзажный жанр
Azərbaycanca-rusca lüğət / mənzərə

mənzərə sözünün inglis dilinə tərcüməsi

1 I. i. 1. appearance, air; 2. view, landscape, sight, panorama; heyranedici ~ a magnificent view; dəniz ~si view of the sea; ümumi ~ general view II. s. pictorial, picturesque, scenic; (i.s.) having a beautiful view
Azərbaycanca-ingiliscə lüğət / mənzərə

mənzərə sözünün fransız dilinə tərcüməsi

1 is. vue f, paysage m ; panorama m ; tableau m ; heyranedici ~ vue f magnifique ; dəniz ~si vue de la mer ; ~ rəsmi paysage m
Azərbaycanca-fransızca lüğət / mənzərə

mənzərə sözünün ləzgi dilinə tərcüməsi

1 [ər.] сущ. мензера (1. акунар, пейзаж, панорама; çay mənzərəsi вацӀун мензера; 2. шикил (тӀебиатдин акунар авай); 3. пер. конкретдаказ хиялдиз гъиз жедай, вилин кӀаник гъиз жедай затӀ, вакъиа ва мс.; keçmişin mənzərələri алатай девирдин мензереяр).
Azərbaycanca-ləzgicə lüğəti / mənzərə

mənzərə sözünün türk dilinə tərcüməsi

1 manzara
Azərbaycanca-türkcə lüğət / mənzərə

mənzərə sözü azərbaycan dilində

Yazılış

Mündəricat