məzəli sözünün azərbaycan dilində istifadasi, mənası, izahı, yazılışı, tərcüməsi / Sözlük

Məzəli (jurnal)

"Məzəli" juranlı (az.-əski. مه‌زه‌لی‎) — 1914–1915-cu illərdə Bakıda çıxan həftəlik ictimai, siyasi, satirik jurnal. Naşiri və redaktoru Haşım bəy Vəzirov idi. == Tarixi == "Məzəli" jurnalı 1914-cü ilin dekabrın 27-də nəşrə başlamış, 1915-ci il oktyabrın 17-də nəşrini dayandırmışdır. Jurnal Bakıda Azərbaycan türkcəsində nəşr edilirdi. Jurnalın əsas materiallarını redaktor özü yazırdı. 25-ci sayına kimi naşiri və redaktor Haşım bəy Vəzirov, 25–37 saylarında müvəqqəti müdiri Hacı İbrahim Qasımov, sonra isə yenidən müdir və naşiri Haşım bəy Vəzirov olmuşdur. H.Vəzirov "Kefim gələndə" sərlövhəli "Birisi" imzalı felyetonlar ilə məşhur olmuşdur. "Məzəli"nin 42 nömrəsi çapdan çıxmışdır. == Mövzusu == "Keyfim gələndə" ümumi başlığı altında yazdığı felyetonlar oxucular arasında geniş yayılmışdı.

Məzəli qız (film)

"Məzəli qız" (ing. Funny Girl) — rejissor Vilyam Uaylerin filmi. == Məzmun == Hadisələr Nyu-Yorkda baş verir. Fanni Brays şəhər ətrafından olan sadə qızdır. O, uşaqlıqdan məşhur olmaq istəyib və vodevillərdə çıxış etməklə öz karyerasını başlamaq qərarına gəlir. Çıxış vaxtı diyircəkdə olan Fanni səhnədə cinas yaradır. Teatrın sahibi hirslənərək onu qovmaq istəyir, lakin səhnədə baş vermiş anlaşılmazlıq tamaşaçıları əyləndirir, bu məzəli və gözəl səsli qız onların xoşuna gəlir. Fanni işə qəbul olunur. Çıxışdan sonra o, səhnə arxasında Niki Arnştaynla tanış olur. Fanni ona heyran olur.

Məzəli qız (film, 1968)

Məzəli sima (film, 1957)

"Məzəli sima" (ing. Funny Face) — rejissor Stenli Donenin filmi. == Məzmun == "Quality" qadın jurnalının redaktoru Meqqi Preskott və onun bir nömrəli fotoqrafı Dik Eyvern jurnalın üz qabığı üçün yeni sima axtarırlar. Elə bir sima ki, bütün moda dünyasını alt-üst eləsin. Onlar qadını təkcə gözəl kimi yox, həm də intellektual kimi göstərmək istəyirlər. Bunun üçün jurnalın heyəti kiçik kitab mağazasına gedir və fotoları orada çəkməyə başlayırlar. Orada satıcı Coya rast gələn Dik başa düşür ki, onun çox şən və məzəli siması var. Gələcəyin gözəllik etalonu. Co isə kitab mağazasına icazəsiz soxulanları əvvəl dəli hesab edir, lakin sonra onların Parisə çəkilişə getmək təkliflərinə razılaşdı. Getməyinə əsas səbəb isə onun kumiri professor Flosterin orada mühazirələr təşkil etməsidir.

məzəli sözünün leksik mənası və izahı

1 sif. 1. Dadlı, ləzzətli, tamlı. Məzəli xörək. – Vəsf eylədiyim zövqlə ənharibehiştin; Kövsər məzəli şərbəti-reyhanın üçündür. M.Ə.Sabir. 2. Əyləndirici, könülaçan, gülməli, güldürücü, duzlu. Məzəli söhbətlər. Məzəli (z.) danışmaq. – Qulaq as, duzlu bir hekayətdir; Məzəli, gülməli rəvayətdir. Ə.Qəmküsar. [Yazgül:] Fəridənin [uşağı] elə məzəli çağadır ki, ay ana!… Ə.Məmmədxanlı. O, hər bir fikrini maraqlı, məzəli sözlərlə deməyə çalışırdı. S.Vəliyev. // Maraqlı, qəribə. Mən deyirəm, bütün Qafqaziyyə vilayətində bizim Danabaş kəndi kimi məzəli kənd yoxdur. C.Məmmədquluzadə. 3. Məzəsi olan, çərəzli (bax məzə 1-ci mənada). Məzəli süfrə.
Azərbaycan dilinin izahlı lüğəti / məzəli

məzəli sözünün sinonimləri (yaxın mənalı sözlər)

1 duzlu — maraqlı
Azərbaycan dilinin sinonimlər lüğəti / məzəli
2 gülməli — əyləncəli
Azərbaycan dilinin sinonimlər lüğəti / məzəli
3 dadlı — ləzzətli — tamlı
Azərbaycan dilinin sinonimlər lüğəti / məzəli
4 zarafatcıl — oyunbaz
Azərbaycan dilinin sinonimlər lüğəti / məzəli
5 1. MƏZƏLİ [Vahid] sonra da bir neçə belə məzəli söz deyib meni güldürdü (B.Bayramov); GÜLMƏLİ Əli: Burada gülməli nə var ki.. Lağ ilə dedim.. (H.Abbaszadə); BAMƏZƏ, KOMİK. 2. MƏZƏLİ [Vahid:] Anam iş yazdıranda o məzəli, mehriban bəstəkarların evini tanımışdım (B.Bayramov); DUZLU, NƏMƏKİ Duzlu hekayətin, nəməki sözün; Pəçəndidə xülqü xuyun istərəm (Q.Zakir); BAMƏZƏ, QƏRİBƏ, MARAQLI.
Azərbaycan dilinin sinonimlər lüğəti / məzəli

məzəli sözünün antonimləri (əks mənalı sözlər)

1 MƏZƏLİ – QARAQABAQ Siz nə məzəli oğlansınız (S.Vəliyev); Bilirsənmi, Zaxar qardaş, Həsən yaman qaraqabaq oğlandır (İ.Şıxlı).
Azərbaycan dilinin antonimlər lüğəti / məzəli

məzəli sözünün rus dilinə tərcüməsi

1 1. потешный, забавный, смешной, смехотворный, шутливый, занимательный, юмористический; 2. комик, шутник, забавник, балагур;
Azərbaycanca-rusca lüğət / məzəli
2 I прил. 1. десертный. Məzəli süfrə десертный стол 2. забавный: 1) доставляющий развлечение, веселье; смешной. Məzəli görkəm забавный вид, məzəli lətifə забавный анекдот 2) занимательный, интересный. Məzəli əhvalat забавный случай 3. странный (вызывающий и удивляющий своей необычностью). Məzəli adam странный человек II нареч. 1. забавно, смешно. Məzəli danışır он говорит забавно 2. странно (вести себя)
Azərbaycanca-rusca lüğət / məzəli

məzəli sözünün inglis dilinə tərcüməsi

1 I. s. 1. funny, amusing; 2. comic, comical; ~ hekayələr / əhvalatlar funny stories; ~ artist comic actor; O, çox məzəli adamdır He / She is awfully funny man* (woman*) II. z. funnily, in an amusing way; ~ danışmaq to speak* funnily
Azərbaycanca-ingiliscə lüğət / məzəli

məzəli sözünün fransız dilinə tərcüməsi

1 sif. amusant, -e ; plaisant, -e ; drôle, rigolo, -te fam, marrant, -e ; comique ; ~ lətifə anecdote f assez plaisante ; ~ əhvalat histoire f drôle (və ya amusante) ; ~ aktyor comique m, f ; özünü ~ aparmaq comporter (se) comiquement
Azərbaycanca-fransızca lüğət / məzəli

məzəli sözünün ləzgi dilinə tərcüməsi

1 прил. 1. дадлу, тӀямлу, лезетлу (мес. къафун); 2. къемеди, рикӀ ахъайдай, рикӀ аладардай, хъуьруьнар квай, хъуьруьн гъидай, хъуьруьрдай, кьел квай (мес. ихтилат); 3. винел недай затӀар алай, мес. суфра (кил. məzə 1).
Azərbaycanca-ləzgicə lüğəti / məzəli

məzəli sözü azərbaycan dilində

Yazılış

Mündəricat