Göz rəngləri
Göz rəngi — gözün rəngi iki müxtəlif amillə müəyyən edilən poligenik fenotipik əlamətdir. İrsiyyətin piqmentasiyası və irisin stromasında bulanıq mühit tərəfindən işığın səpilməsinin tezlikdən asılıdır.
İnsanlarda irisin piqmentasiyası irisin piqment epitelində melaninin konsentrasiyasından, irisin stromasında (ön irisin üzərində yerləşir) melaninin miqdarından asılı olaraq açıq qəhvəyidən qara rəngə qədər dəyişir. İnsan irisində və ya göz mayesində nə mavi, nə də yaşıl piqmentlər heç vaxt mövcud deyil. Beləliklə, göz rəngi struktur rəng nümunəsidir və xüsusilə açıq gözlər üçün işıqlandırma şərtlərinə görə dəyişir.
Bir çox quş növünün parlaq rəngli gözləri pteridinlər, purinlər və karotenoidlər kimi digər piqmentlərin varlığının nəticəsidir . İnsanlarda və digər heyvanlarda çoxlu fenotipik göz rəngi variasiyaları var.
İnsanlarda göz rənginin genetikası və irsiyyəti mürəkkəbdir. İndiyə qədər 15-ə qədər gen göz rənginin miras qalması ilə əlaqələndirilib. Mavi gözlərin sadə bir resessiv xüsusiyyət olduğuna dair əvvəlki fikirlərin yanlış olduğu göstərildi.
Rənglər
Rəng — optik diapazonda elektromaqnit şüalanmasının keyfiyyətli subyektiv xarakteristikasıdır. Rəng hissetmənin fizioloji görüntüsü əsasında yaranır və bir sıra fiziki, fizioloji və psixoloji faktorlardan asılıdır.
Rəngin fərdi qəbul edilməsi onun spektr tərkibindən, əhatə edən işıq mənbəyi ilə rəng və
parlaqlıq kontrastından asılıdır. Bu faktor işıqlanmayan obyektlərlə də baş verir. Burada rəngin özündən, insan gözünün xüsusiyyətlərindən və psixikasından da asılılıq vardır.
== Mənbə ==
Berendsen, A. M., & Berendsen, A. M. (1989). Marine painting manual. London: Graham & Trotman. ISBN 1-85333-286-۰ p. 113.
Rənglərin melodiyası (film, 1981)
== Məzmun ==
Film Azərbaycanın xalq rəssamı, Azərbaycan və SSRİ Dövlət Mükafatları laureatı Toğrul Nərimanbəyova həsr edilmişdir.
== Festivallar və mükafatlar ==
1)1983-cü ildə Alma-Atada Ümumittifaq kinofestivalı
Film Diplom almışdır.
Rənglərin sehrli dünyası (film, 2007)
== Məzmun ==
Film Azərbaycanın xalq rəssamı Maral Rəhmanzadənin zəngin və son dərəcə maraqlı həyat və yaradıcılıq yolundan bəhs edir.
Ömrün rəngləri. Xalq rəssamı Oqtay Sadıqzadə (film, 2007)
== Məzmun ==
Film Azərbaycanın Xalq rəssamı Oqtay Sadıqzadənin ağır və maraqlı həyat və yaradıcılıq yolundan bəhs edir.
İşıqla rəngləmə
İşıq qrafikası (ing. light graphic) və ya işıqla rəngləmə (ing. light painting) — fotoqrafiya üslubu(texnikası) olub işıqla çəkmək(rəngləmək) texnikasıdır.
== Ümumi məlumat ==
Tam qaranlıq şəraitində fotoaparat ştativ üzərində yerləşdirilir. Kamerada uzun davametmə quraşdırılır və kamera qarşısında fənər və ya xüsusi cihazlarla naxış, ornament və ya obyektlər çəkilir. İşıqlandırma üçün məişət fənərləri (işıqdiodlu və ya halogen lampalı)istifadə olunur. Fotoçəkiliş zamanı multiekspozisiya rejimi istifadə olunur.
İşıq qrafikasının iki əsas metodu mövcuddur – statik və dinamik.
Əllər və rənglər (film, 1974)
== Məzmun ==
Filmin süjeti təzadlar üzərində qurulmuşdur. Burada rəssam Toğrul Nərimanbəyovun "Xoşbəxtlik", "Həyat Naminə" rəngkarlıq əsərləri gözlərimiz önündə canlanır. Onu xalça toxuyan qızın əlləri əvəz edir. Heykəltəraşın yeni əsər üzərində necə həvəslə işlədiyini görürük. Bu vaxt ekranda xronikal kadrlar nümayiş etdirilir. Hitlerçilər minlərlə günahsız insanları güllələyir, asırlar. Onların əlləri qana batır. Yenidən ekranda rəssamlarımızdan Kamil Nəcəfzadənin "Analıq", Toğrul Nərimanbəyovun "Şəhər Bazarı", R.Babayevin "Çayçı" əsərləri nümayiş etdirilir. Bu gözəl əsərləri birdən-birə Vyetnam müharibəsi əvəz edir. Göydən yerə bombalar yağış kimi yağdırılır, kəndlər yandırılır, qadınlar, uşaqlar, qocalar məhv edilir, qan su yerinə axıdılır.
Paniran rəngləri
Paniran rəngləri — İrandilli xalqların ortaq mənşəyini simvollaşdıran rənglər toplusu. Onlara əsas olaraq qırmızı, ağ, yaşıl və bəzən sarı və ya qızıl rəngləri daxildir. Onlar əksər İrandilli dövlət və xalqlarının bayraqlarında istifadə olunan rənglərdir.
== Tarixi ==
Paniran rənglərinin kökü antik dövrlərdən qaynaqlanır. "Avesta"ya görə, qədim İran cəmiyyətinin tam azad əhalisi hər biri müəyyən rənglə bağlı olan üç sinfə bölünürdü:
Hərbi zadəganlıq (avestaca: raθaē-štar) – qırmızı rəng hərbi şücaət və qan və yüksək ideallar naminə fədakarlıq rəmzidir və ona görə də ən hörmətli və nəcib sayılır;
Mobəd (āθravan) – ağ rəng mənəviyyat, mənəvi saflıq, təmizlik və müqəddəslik rəmzidir;
Pastoralist-fermer icması (vāstrya fšuyant) – yaşıl rəng təbiəti, gəncliyi və firavanlığı simvollaşdırır.
Pamir icmasında bu günə qədər qırmızı rəng xoşbəxtlik, rifah və sevinc, ağ rəng saflıq və aydınlıq, yaşıl rəng isə gənclik və firavanlıq anlayışlarını simvollaşdırır.
Qırmızı, ağ və yaşıl rənglərdən istifadə ənənəsi Əhəmənilər imperiyasında yaranmışdır və o vaxtdan da davam etdirilir.
Rənglərin sehrli dünyası
== Məzmun ==
Film Azərbaycanın xalq rəssamı Maral Rəhmanzadənin zəngin və son dərəcə maraqlı həyat və yaradıcılıq yolundan bəhs edir.
Ömrün rəngləri. Xalq rəssamı Oqtay Sadıqzadə
== Məzmun ==
Film Azərbaycanın Xalq rəssamı Oqtay Sadıqzadənin ağır və maraqlı həyat və yaradıcılıq yolundan bəhs edir.
Panslavyanizm rəngləri
Panslavyanizm rəngləri - Mavi, ağ və qırmızı rənglərdən ibarətdir. Bu rənglər birinci dəfə 1848-ci ildə Praqada keçirilmiş olan Slavyan konqresində Rusiya bayrağından ilham alınaraq qəbul edilmişdir. Rusiya bayrağı isə öz növbəsində Niderland bayrağından ilhamlanaraq yaradılmışdır. Tarix boyu bu rənglərdən slavyan mənşəli xalqlar tərəfindən yaradılmış olan əksər dövlətlərin bayraqlarında istifadə olunmuşdur. Bu rənglər Rusiya, Yuqoslaviya, Çexoslovakiya, Çexiya, Slovakiya, Xorvatiya, Serbiya və Sloveniya kimi slavyan ölkələrinin bayraqlarında görünsə də, Belarus, Bolqarıstan, Bosniya və Herseqovina, Şimali Macarıstan, Monteneqro, Polşa və Ukrayna kimi slavyan ölkələrinin bayraqlarında bu rənglərə rast gəlinmir.
