Səlimxan sözü azərbaycan dilində

Səlimxan Bayramov (Bayramov Səlimxan Vüqar oğlu; 13 iyul 1998 - 19 oktyabr 2020) — Azərbaycan Silahlı Qüvvələrinin əsgəri, İkinci Qarabağ müharibəsinin şəhidi. Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamına əsasən, ölümündən sonra, "Vətən uğrunda" medalı, "Füzulinin azad olunmasına görə" medalı, "Xocavəndin azad olunmasına görə" medalı və "Cəsur döyüşçü" medalı ilə təltif edilib. == Həyatı == Bayramov Səlimxan Vüqar oğlu 13 iyul 1998-ci il tarixində Sumqayıt şəhərində dünyaya göz açıb. 2005-2015-ci illərdə həmin şəhərin 3 nömrəli orta məktəbində təhsil alib. Məktəbi bitirdikdən sonra təhsilini xaricdə davam etdirmək qərarına gələn Səlimxan, 2015-2019-cu illərdə Gürcüstan Dövlət Texniki Universitetinin tələbəsi olub. == Hərbi xidməti == Təhsilini bitirib doğma Azərbaycana qayıtdıqdan sonra, vətənpərvərlik və milli dəyərlərimizə olan sevgisi ilə hərbi xidmətə yollanır. 2019-cu ilin oktyabrın 28-i Sumqayıt şəhərindən hərbi xidmətə yollanan Səlimxan, Qusarda xidmətin davam elətdirir. Əsgər yoldaşlarının tez bir zamanda sevimlisinə çevrilən Səlimxan, zabitlərin yanında da özünə məxsus hərəkətləri ilə, hamının sevgisini qazanır. 27 sentyabr 2020-ci il tarixində Azərbaycan Respublikasının ərazi bütövlüyü uğrunda gədən döyüşlərə yollanmış və Füzüli, Cəbrayıl, Xocavənd rayonlarında gədən döyüşlərdə çox yüksək şücaətlə iştirak etmiş, 3 nəfər döyüş yoldaşları ilə erməni təcavüzkarlarından post almış və o posta oz doğma şəhəri Sumqayıtın adın vermişdir.19 oktyabr 2020-ci il tarixində Xocavənd rayonu uğrunda gedən döyüşlərdə Şəhidlik zirvəsinə ucalıb. Ölümündən sonra Azərbaycan Respublikası prezidenti İlham Əliyev tərəfindən "Füzuli uğrunda", "Vətən uğrunda" və "Cəsur döyüşçü" medalları ilə təltif olunub.

Səlimxanov Cahangir Talib oğlu — Azərbaycan Milli Konservatoriyasının Beynəlxalq əlaqələr departamentinin rəhbəri. Musiqişünas, 1959-cu il noyabrın 29-da anadan olub. == Əsərləri == Cavanşir Quliyev. «Musiqi dünyası» jurnalı, B., №1, 1999. Azərbaycanın ən'ənəvi və müasir musiqisinə dair mühazirələr: Oslo Universiteti. Norveç, 1990; Vyana Yeni Musiqi seminarı. Avstriya, 1992; Köln Universiteti nəzdində Musiqişünaslıq İnstitutu. Almaniya, 1996. Azərbaycanda (Milli Radio, ANS ÇM) və xarici ölkələrdə – «Mayak» (Rusiya), Radio Svizzera İtaliana (İsveçrə), BBC-3 (Böyük Britaniya), VPRO (Niderland), BR&T (Belçika) və s. – Azərbaycan musiqisinə dair radio verilişləri (1990 - 2001).

Səlimxanlı Dəyanət Fətulla oğlu — şair, publisist, Məmməd Araz ali ədəbi mükafatı laureatı (1994). == Həyatı == Dəyanət Səlimxanlı 1960-cı il iyulun 1-də Azərbaycanda Yardımlı rayonunun Çanaxbulaq kəndində anadan olmuşdur. Burada kənd yeddiillik məktəbi, qonşu Bərcan kəndində orta məktəbi bitirmişdir. Azərbaycan Dövlət Universitetinin jurnalistika fakültəsində təhsil almışdır (1983-1989). Əmək fəaliyyətinə Sumqayıt şəhərindəki 2 saylı yataqxanada tərbiyəçi müəllim kimi başlamışdır (1989-1990). "Açıq söz" qəzetində müxbir, Azərbaycan Dövlət Teleradio Verilişləri Şirkətində böyük redaktor işləmişdir (1991-1992). Bir müddət fərdi yaradıcılıqla məşğul olmuşdur. Hazırda "Respublika" qəzetinin ştatdankənar müxbiridir (2002-ci ildən). Bədii yaradıcılığa tələbəlik illərindən başlamışdır. İlk mətbu şeri "Qayıt ata" 1983-cü ildə "Azərbaycan qadını" jurnalında çıxmışdır.

Qüdrət Səlimxanov (tam adı: Qüdrət Əhmədbəy oğlu Səlimxanov) — 1905-ci ildə Bakı şəhərində,Fatmayı kəndində anadan olub.1981-ci ildə dünyasını dəyişib. Tibb elmləri doktoru, professor. == Həyatı == Qüdrət Əhmədbəy oğlu Səlimxanov 1905-ci ildə Bakı şəhərində, Fatmayı kəndində anadan olub. İlk təhsilini kənddə dördsiniafli ibtidai məktəbdə almışdır. Orta təhsilini Binəqədi kəndində alır. 1923-cü ildə Qüdrət Səlimxanov Azərbaycan Tibb Universitetinə daxil olur. 1928-ci ildə Azərbaycan Tibb Universitetini bitiən Qüdrət ixtisas üzrə işləmək üçün Ağdama göndərilir. İlk əmək fəaliyyətinə Ağdam rayonundan başlayır. 1930-cu ildə Tibb İnstitutunun pataloji anatomiya kafedrasında işləmk üçün dəvət olunur. 1938-ci ildə dissertasiya müdafiə edərək tibb elmləri namizədi, 1960-cı ildə doktorluq dissertasiyası müdafiə edərək tibb elmləri doktoru elmi dərəcə alır.

Rza bəy Səlimxanov – azərbaycanlı botanik. Azərbaycanda ilk dəfə, 1890-cı ildə çiçəkbecərilmə işi ilə Rza bəy Səlimxanov məşğul olmuşdur. O, Peterburqdan 1989-cu ildə geofit bitkilərin bir çoxunun əkin və səpin materialları gətirərək özünün həyətyanı sahəsində becərmişdir.

Zemfira Səlimxanova (tam adı:Zemfira Qüdrət qızı Səlimxanova) — 1942-ci ildə Bakı şəhərində anadan olub. Tibb elmləri namizədi. == Həyatı == Zemfira Qüdrət qızı Səlimxanova 1942-ci ildə Bakı şəhərində həkimlər ailəsində anadan olub. Atası professor Qüdrət Səlimxanov, anası genekoloq Bilqeys xanımdır. Zemfira orta təhsilini Bakıda almış və 1960-cı ildə Azərbaycan Tibb Universitetinə daxil olmuşdur. 1966-cı ildə instututu bitirmişdir. İlk əmək fəsliyyətinə 1968-ci ildən Semoşka adına xstəxananın ikinci uşaq cərrahiyyə şöbəsindən başlamışdır. Uşaq cərrahiyyə kafedrasında elmi pedaqoji fəaliyyət göstərmişdir. 1975-ci ildən tibb elmləri namizədidir. Zemfira 60-a yaxın elmi məqalə və 5 metodik dərsliyin müəllifidir.

Zeynal bəy Səlimxanovun evi — 1897-ci ildə o dövrdə Mixaylovskaya (indiki Əziz Əliyev) küçəsində tikilib. Evin sahibi Zeynal bəy Səlimxanov olub. 2 mərtəbəli tikilən evin üzərinə 1950-cı ildə daha 2 mərtəbə əlavə olunub.

İsa Səlimxanov (tam adı: İsa Rzabəy oğlu Səlimxanov; 31 oktyabr 1908, Bakı – 22 aprel 1998, Bakı) — Azərbaycan kimyaçısı, tarixçi, kimya elmləri doktoru (1960), professor (1963), tarix elmləri doktoru (1986), Azərbaycan SSR əməkdar elm xadimi (1974). == Həyatı == İsa Rzabəy oğlu Səlimxanov 1908-ci ildə Bakı şəhərində anadan olmuşdur. İsa Səlimxanov Dünya maddi mədəniyyəti tarixi öyrənən Almaniya Arxeologiya İnstitutunun həqiqi üzvü (1977), Kaliforniya Universiteti Arxeologiya Cəmiyyətinin üzvü (1977) və İngiltərə Metallurgiya Cəmiyyətinin fəxri üzvü (1981). O, 1932-ci ildə D. N. Mendeleyev adına Mockva Kimya Texnologiyası İnstitutunu bitirmişdir. AMEA Kimya İnstitutunda (1947–1950), Azərbaycan Tarix İnstitutunda (1950–1952) işləmişdir və 1953-cü ildə AMEA-nın Tarix İnstitutunda şöbə müdiri olmuşdur. Rza Səlimxanov ilk dəfə olaraq qədim metallurgiya tədqiqinə sentual analizi tətbiq etmişdir. O, 1952-ci ildə Azərbaycan EA-nın Arxeologiya Texnologiyası laboratoriyasını yaratmışdır. Metal məlumatlarının tərkibinin öyrənilməsinə dair bir neçə tədqiqat metodunun müəllifi olub. Onun tədqiqatları xarici ölkələrdədə tətbiq edilmişdir. İsa Səlimxanov 1978-ci ildən YUNESKO nəzdindəki beynəlxalq metal tarixi komitəsinin vitse prezidentidir.

Şamil Səlimxanov- Şamil Ağaməmməd oğlu Səlimxanov 17 dekabr 1923-cü ildə Bakı şəhərində anadan olnuşdur. Tibb elmləri doktoru. == Həyatı == Şamil Ağaməmməd oğlu Səlimxanov 17 dekabr 1923-cü ildə Bakı şəhərində anadan olmudur. Orta təhsilini 31 N-li məktəbdə almış, 1940-cı ildə Azərbaycan Tibb İnstitutunun müalicə-profilaktika fakültəsinə daxil olmuşdur. 1946-cı ildə institutu fərqənmə diplomu ilə bitirib aspiranturaya daxil olmuşdur. Əmək fəaliyyətinə məhkəmə təbiəti kafedrasında assitent işləməklə başlamışdır. Sonra həmin kafedrada dosent və 1970-91-ci illərdə isə kafedra müdiri işləmişdir. 1991-ci ildən kafedranın professorudur.Şamil Səlimxanov Səhiyyə Nazirliyinin məhkəmə-tibbi ekspertiza bürosunda şöbə müdiri, Baş məhkəmə tibb eksperti kimi məsul vəzifələrdə çalışmışdır. Şamil Səlimxanov Ümumittifaq elmi cəmiyyətin üzvü, 1963-cü ildən İnstitut Həmkarlar Təşkilatının sədri, Respublika Həmkarlar Təşkilatı Komitəsinin plenum üzvü olmuşdur. Onun elmi dövlət tərəfindən qiymətləndirilmiş və Rəşadətli əməyə , Əməkdə fərqlənməyə Səhiyyə əlaçısı medalları ilə mükafatlandırılmışdır.