təşviş sözü azərbaycan dilində

təşviş sözünün leksik mənası və izahı

• 1 is. [ər.] 1. Bir-birinə əks hisslərin mübarizəsindən doğan narahatlıq; təlaş, həyəcan. [Bayram:] Ancaq elə ondan ötrü təşvişdəyəm, ağa, … bir sevgilim var. M.F.Axundzadə. Ovçu təşviş içərisində gənc həkimə baxdı. H.Seyidbəyli. □ Təşviş etmək (keçirmək), təşvişə düşmək – narahat olmaq, təlaşa düşmək, həyəcanlanmaq. [Almaz:] Ay ana, sən elə nahaq yerə belə təşvişə düşürsən. C.Cabbarlı. Mənzil alanların bu qədər təşviş keçirmələrinin əsas iki səbəbi vardı… B.Bayramov. Təşvişə salmaq – narahat etmək, təlaşa salmaq, həyəcanlandırmaq. Getmişdi on günə, çıxdı on beşə; Neçin saldı məni belə təşvişə? Ə.Cavad. 2. Təşvişlə şəklində zərf – narahatlıqla, həyəcanla, təlaşla. Yoxsullar soyuq və sərt Bakı qışını təşvişlə qarşılayırdılar. A.Şaiq. Seymur əlini [Teymurun] sağ əlinə toxundurub təşvişlə soruşdu… H.Seyidbəyli.

  Azərbaycan dilinin izahlı lüğəti / təşviş

təşviş sözünün sinonimləri (yaxın mənalı sözlər)

• 1 həyəcan — iztirab — təlaş — vəlvələ — çaxnaşma

  Azərbaycan dilinin sinonimlər lüğəti / təşviş

• 2 TƏŞVİŞ Güləbətin onun səsindəki qorxu və təşvişi duyub dərhal sakit etməyə çalışdı (M.İbrahimov); İZTİRAB [Arif:] Sorma, heç sorma, Nazənin xavər; Məni məhv etdi iztirabü kədər (H.Cavid); SƏKSƏKƏ Rübabə: Bu iki pudluqlar bu həyətə gələni səksəkə içindəyəm, ay qadanızı alım, mənə yazığınız gəlsin (H. Abbaszadə); TƏLAŞ Və ikisinin də qorxu və təlaşdan gözləri kəlləsinə çıxmışdı – sinələri dəmirçi körüyü kimi qalxıb-enirdi, ikisi də birdən dedi: – Qədeş, bilirsən nə olub? (H.Abbaszadə); NARAHATLIQ (bax).

  Azərbaycan dilinin sinonimlər lüğəti / təşviş

təşviş sözünün antonimləri (əks mənalı sözlər)

• 1 TƏŞVİŞ – RAHATLIQ Sifətində dərhal təşviş ifadəsi göründü... (S.Vəliyev); Vəziyyət yaxşıdır, rahatlıqdır (S.Qədirzadə).

  Azərbaycan dilinin antonimlər lüğəti / təşviş

təşviş sözünün rus dilinə tərcüməsi

• 1 беспокойство, волнение, смятение, тревога

  Azərbaycanca-rusca lüğət / təşviş

• 2 сущ. волнение, беспокойство, тревога, смятение. Dərin təşviş глубокое волнение, gələcəyə görə təşviş тревога за будущее; təşvişə düşmək волноваться, взволноваться, беспокоиться, забеспокоиться, тревожиться, встревожиться, испытывать волнение; təşvişə salmaq kimi, nəyi волновать, взволновать, тревожить, встревожить кого, вселить тревогу в кого. Məktub hamını təşvişə salmışdı письмо встревожило всех; təşviş doğurmaq вызывать, вызвать тревогу (волнение, смятение). İşin gedişi təşviş doğurur ход работы вызывает тревогу; təşviş keçirmək испытывать волнение, тревогу; təşviş içində olmaq быть в тревоге

  Azərbaycanca-rusca lüğət / təşviş

təşviş sözünün inglis dilinə tərcüməsi

• 1 i. anxiety; uneasiness; nervousness; agitation; ~ə düşmək / ~ keçirmək to be* anxious / uneasy (about), to worry (about); to be* agitated, to be* in agitation; to become* anxious (about); to take* alarm; ~ə salmaq to agitate (d.), to trouble (d.); to excite (d.); to alarm (d.)

  Azərbaycanca-ingiliscə lüğət / təşviş

təşviş sözünün fransız dilinə tərcüməsi

• 1 is. inquiétude f, anxiété f, angoisse f, agitation f ; ~ə düşmək éprouver de l’anxiété ; ~ə salmaq inquiéter vt, agiter vt, émouvoir vt

  Azərbaycanca-fransızca lüğət / təşviş

təşviş sözünün ləzgi dilinə tərcüməsi

• 1 [ər.] сущ. 1. тешвиш, талаш, рикӀин къалабулух, гъалаба, рикӀин секинсузвал, нарагьатвал (сад-садаз акси гьиссерикай арадал къведай); təşviş etmək (keçirmək), təşvişə düşmək тешвишда гьатун, талашда гьатун, рикӀ секинсуз хьун, рикӀик къалабулух акатун, рикӀи гъалаба къачун, нарагьат хьун; təşvişə salmaq тешвишда ттун, талашда ттун, рикӀик къалабулух кутун, секинсузвал кутун, нарагьат авун; 2. təşvişlə нареч. тешвиз кваз, тешвишдалди, талашдалди, рикӀ секинсуз яз, нарагьатвилелди, рикӀик гъалаба (къалабулух) кваз.

  Azərbaycanca-ləzgicə lüğəti / təşviş

təşviş sözü azərbaycan dilinin lüğətlərində