zülmət sözünün azərbaycan dilində istifadasi, mənası, izahı, yazılışı, tərcüməsi / Sözlük

Gözqamaşdırıcı zülmət (roman)

Gözqamaşdırıcı zülmət (alm. Sonnenfinsternis‎) — Artur Kostlerin romanı. Əslən yəhudi olan ingilis yazıçısı Artur Köstler "Gözqamaşdırıcı zülmət" romanını yazmağa 1938-ci ildə başlasa da, həbslər və düşərgələrə göndərilməsi səbəbindən əsər üzərində işini həbsxanada bitirib və roman Köstler hələ azadlığa çıxmazdan əvvəl, 1940-cı ildə nəşr olunub. Sonra yazıçı Fransa paytaxtı Parisdən, nasistlərdən qaçmalı olub. Qaçdığı zaman romanın yeganə alman dilli nüsxəsi itirilib və 75 il sonra alman ədəbiyyatşünası Mattias Vesselin nəşriyyatlardan birinin arxivində əsərin əlyazması tapılıb. Köstlerlə yaxın münasibətdə olan Dafna Hardi Henrion romanı ingilis dilinə tərcümə edir və onu Londona göndərir. Bundan sonra əsər 30 dilə tərcümə olunur. 1948-ci ildə əsər müəllifin özü tərəfindən ingilis dilli versiyadan alman dilinə də tərcümə olunub. Ancaq Köstler 1960-cı ildə bununla bağlı belə bir fikir bildirir: "Gözqamaşdırıcı zülmət" romanımı özüm alman dilinə tərcümə etdim, amma romanın orijinalında olan spontanlığının itməsi hissi məni tərk etmir". Belə ki, əvvəlcə "Rubaşov" adlı alman dilində olan əlyazması itkin düşür.

zülmət sözünün leksik mənası və izahı

1 is. [ər.] 1. Qaranlıq. Axşamdır, gün batmış, şəfəq saralmış; Çölə zülmət çökmüş, hava qaralmış. A.Səhhət. Çıraq ol! Nurunu artır günbəgün; Hər yerdə həyatın boğ zülmətini… B.Vahabzadə. Zülmət çökdü, gecə gəldi; Zalım gecə necə gəldi! M.Dilbazi. 2. folk. Nağıllarda: İskəndərin dirilik çeşməsi axtarmaq üçün getdiyi çox qaranlıq yer. 3. məc. kit. Mədəniyyətsizlik, nadanlıq, cəhalət mənasında. Elm bir nur, cəhl zülmətdir; Cəhl duzəxdir, elm cənnətdir. S.Ə.Şirvani.
Azərbaycan dilinin izahlı lüğəti / zülmət
2 ə. qaranlıq. Zülməti-zülf zülfün qaralığı, saçın qaralığı.
Klassik Azərbaycan ədəbiyyatında işlənən ərəb və fars sözləri lüğəti / zülmət

zülmət sözünün etimologiyası

1 Ərəbcədir, gün batanda şərqdə görünən qaranlığa deyirlər. (Bəşir Əhmədov. Etimologiya lüğəti)
Azərbaycan dilinin etimologiya lüğəti / zülmət

zülmət sözünün sinonimləri (yaxın mənalı sözlər)

1 qaranlıq — nadanlıq — cəhalət
Azərbaycan dilinin sinonimlər lüğəti / zülmət
2 zülmət bax qaranlıq 1
Azərbaycan dilinin sinonimlər lüğəti / zülmət

zülmət sözünün antonimləri (əks mənalı sözlər)

1 ZÜLMƏT – İŞIQLIQ Zülmət çökdü, gecə gəldi; Zalım gecə necə gəldi (M.Dilbazi); Aşağıda Cəbir ağzında başlanan açıqlıq, işıqlıq, düzlükdə isə azad təbiət dincəlirdi (Mir Cəlal). ZÜLMƏT – NURLU Yüz zülmət gecənin fırtınasından; Bir nurlu səhərin yeli gözəldir (H.Hüseynzadə).
Azərbaycan dilinin antonimlər lüğəti / zülmət

zülmət sözünün rus dilinə tərcüməsi

1 тьма, мрак
Azərbaycanca-rusca lüğət / zülmət
2 I сущ. темнота, тьма, мрак: 1. отсутствие света. Zülmət çökdü опустился мрак, zülmət çəkildi тьма расступилась, zülmətə qərq olmaq погрузиться во тьму, gecənin zülmətində во тьме ночи, zülmət içində во мраке 2. перен. невежство, культурная отсталость. Zülmətdə yaşamaq жить во мраке II прил. тёмный. Zülmət gecələr тёмные ночи; zülmət kimi qaranlıq тьма-тьмущая
Azərbaycanca-rusca lüğət / zülmət

zülmət sözünün inglis dilinə tərcüməsi

1 I. i. 1. dark, darkness; gloom; gecənin ~ində under the cover of night; 2. məc. (cəhalət) ignorance II. s. dark; gloomy; ~ gecə a very dark / a pitch night; ~ gecədə in the dark night
Azərbaycanca-ingiliscə lüğət / zülmət

zülmət sözünün fransız dilinə tərcüməsi

1 1) is. noir m, obscurité f, ténèbres f pl ; gecənin ~ində dans les ténèbres de la nuit ; 2) sif. məc. (cəhalət) ignorant, -e ; ténébreu/x, -se ; noir, -e, obscur, -e ; ~ gecə nuit f noire ; nuit ténébreuse ; ~ gecədə dans la nuit noire ; ~ meşə forêt f ténébreuse
Azərbaycanca-fransızca lüğət / zülmət

zülmət sözünün ləzgi dilinə tərcüməsi

1 [ər.] сущ. 1. мичӀ, мичӀивал; 2. фольк. зумлус (махарик: гзаф, акьалтӀай мичӀи чка); 3. пер. буьндуьгуьрвал, авамвал, медениятсузвал.
Azərbaycanca-ləzgicə lüğəti / zülmət

zülmət sözü azərbaycan dilində

Yazılış

Mündəricat