Cüneyt Özdəmir
Cüneyt Özdəmir (türk. Cüneyt Özdəmir; 8 fevral 1970, Ankara) — Türkiyəli jurnalist, televiziya və sənədli film istehsalçısı, yazar, TV aparıcısı.
== Həyatı ==
Cüneyt Özdəmir, 8 fevral 1970-ci ildə Ankarada anadan olmuşdur. İki bacısı var. İbtidai və orta təhsilini Yüksəliş Kollecində tamamlayan Cüneyt Özdəmir, tam orta təhsilini(10–11-ci sinif) isə Ankara Atatürk Liseyində tamamlamışdır. Ankara Universiteti, Rabitə fakültəsinin Radio, Televiziya və Kino bölümünün məzunudur. 1993-cü ildə British Council Təqaüd Proqramı alaraq Londonda multimedia təhsili aldı.
Cüneyt Özdəmir, 2016-cı ilin aprel ayında ilk evliliyini etmişdir. Həyat yoldaşı reklamcı Ayşə Bali olmuşdur. Daha sonra boşanan jurnalist, 3 fevral 2011 tarixində rejissor Türkər İnanoğlu və aktrisa Gülşən Bubikoğlunun qızı olan Zeynəb İnanoğlu ilə Paris Səfirliyində evləndi.
Ridvan Özdən
Ridvan Özdən — Türk polkovnik, sabiq Mardin Jandarma Alay Komandiri.
== Həyatı ==
17 Fevral 1993-cü ildə təyyarə qəzasında həyatını itirən sabiq Jandarma Ümumi Komandiri general Əşrəf Bitlisin qrupundandır. İstanbulda vəzifə yerinə yetirdiyi sırada maye yanacaq qaçaqçılığında istifadə edilən vasitələrin Jandarmaya aid təsislərdən birində saxlandığını ortaya çıxararaq məsulların mühakimə önünə çıxmasını təmin etmişdir. Təyin səbəbi ilə 1994-cü ilin aprel ayında Mardinə getmiş, burada PKK və JİTEM-in narkotik ticarətini ortaya çıxarmışdır. 1994-cü ilin noyabr ayında rəsmi vasitəsinə qurulan pusqudan sağ olaraq xilas olmağı bacarmışdır.
12 Avqust 1995-də PKK ilə girdiyi bir qarşıdurmada alınından vurularaq həyatını itirdiyi açıqlandı. Cənazəsi yarılma edilmədən torpağa verildi.
Həyat yoldaşı Tomris Özdən 1995-dən bu yana, "Ridvan Özdənin ölümünü şübhəli gördüyünü" ifadə etməkdədir. Ölüm hesabatına görə Özdənin sol qaşının 6 santimetr üstündə bir güllə dəliyi tapılmaqda idi.Həyat yoldaşı isə cənazə mərasimindən əvvəl yoldaşını cansız bədəninə baxdığında alınında heç bir güllə yarasına olmadığını və başının arxa tərəfi qan içində olduğu üçün peysərindən vurulmuş ola biləcəyini söyləməkdədir.
Səlahəddin Özdəmir
Səlahəddin Özdəmir (türk. Selahattin Özdemir; 1963, Adana – 27 avqust 2019, Mersin) — türk arabesk musiqi sənətkarı. Özdəmir, qardaşının gənc yaşlarında dinlədiyi və daha sonra sənət aləminə girdiyi Orxan Gəncəbayın musiqilərindən xeyli təsirlənmişdir. 1982-ci ildə ilk musiqisini buraxan sənətçi 2019-cu ildə sənət dünyasını tərk etmişdir. Mersində idarəçilik edərək keçinən Səlahəddin, 56 yaşında Mersində ürək tutması nəticəsində xəstəxanada bir müddət müalicə aldıqdan sonra vəfat etmişdir.
2000-ci illərdə irəli sürdüyü ingilis dilli arabesk musiqi layihəsi o qədər də diqqət çəkməmişdir. Səlahəddin Özdəmir, Adana Dövlət Təhlükəsizlik Məhkəməsinə gəncliyində oxuduğu 4 mahnıdan peşman olduğunu bildirmiş və bu mahnıların kasetlərindən çıxarılmasını və radiolarda çalınmamasını istəmişdir. Gəncliyinin verdiyi həyəcan ilə onları oxuduğunu söyləmiş, lakin indi bu mahnıların çalındığına görə peşman olduğunu bildirmişdir. Bu mahnılar ayrılıq və sevgidən bəhs edən "Yanlış Yerde Doğmuşum", "Yaşamam Artık", "Esrar Perdesi" və "Hem Yaratıyorsun Hem Unutuyorsun"dur. Sənətçi 27 avqust 2019 tarixində Mersində ürək tutması nəticəsində 56 yaşında vəfat etmişdir.
Özdəmir Asəf
Özdəmir Asəf (türk. Özdemir Asaf; 11 iyun 1923, Ankara, Ankara vilayəti – 28 yanvar 1981, İstanbul) — Türkiyə yazıçısı və şairi.
== Həyatı ==
Özdəmir Asəf 11 iyun 1923-cü ildə Ankara şəhərində doğulub, boya-başa çatmış, əsl adı isə Xalid Özdəmir olmuşdur. O ilk və orta təhsilini Qalatasaray liseyində almışdır. 1942-ci ildə Kabataş oğlanlar liseyindən məzun olmuşdur. İstanbul universitetində öncə Hüquq fakültəsində, sonra İqtisad fakültəsində təhsilini davam etdirmişdir. Lakin bir sıra səbəblərin ucbatından təhsilini 1947-ci ildə yarımçıq qoymuşdur. O, "Zaman" qəzetində tərcüməçi işləmişdir. 1951-ci ildə öz məqalələri ilə mətbuat aləminə daxil olmuşdur və beləliklə öz şeir kitablarını çap etdirmişdir.
28 yanvar 1981-ci il də İstanbul şəhərində vəfat etmişdir.
Özdəmiroğlu Osman Paşa
Özdəmiroğlu Osman Paşa (1526, Qahirə – 29 oktyabr 1585, İran) — III Murad dönəmində 28 iyul 1584 - 29 oktyabr 1585 tarixlərində ümumilikdə 1 il 3 ay Osmanlı imperiyasının sədrəzəmi olmuş dövlət adamıdır. Cənubi Qafqazda gedən döyüşlərdə əldə etdiyi uğurlar səbəbilə "Qafqaz fatehi" olaraq anılır.
== Həyatı ==
Özdəmiroğlu Osman Paşa 1526-cı ildə Qahirədə dünyaya gəlmişdir. Atası Özdəmir Paşa Məmlük dönəmində Misirə köçən çərkəz ailələrindən olub, ilk Həbəşistan bəylərbəyi olaraq vəzifələndirilmişdir. Anası isə Misirdə yaşayan Abbasi xəlifələrinin nəslindəndir.
Osman Paşa hələ 20 yaşlarında ikən Osmanlı imperiyasının idarəetmə strukturuna daxil olmuşdur. Əvvəlcə Misir bəylərbəyliyinə daxil olan bəzi sancaqlarda sancaqbəyi olmuş, daha sonra 1561-ci ildə atasının vəfatının ardından onun yerinə 7 il boyunca Həbəşistan bəylərbəyi olaraq fəaliyyət göstərdi. 14 yanvar 1569-cu ildə Yəmən əyaləti Yəmən və Sinay bəylərbəyliyi arasında ikiyə bölündü və Osman Paşa Sinay bəylərbəyliyinə gətirildi. Bu əsnada Yəməndə Zeydi İmam Topal Mutahhar üsyanı çıxmış, üsyanı yatırmağa çalışan Yəmən bəylərbəyi Murad Paşa isə üsyançılar tərəfindən öldürülmüşdür. Bu üsyanı yatırmaq məqsədilə Sinay və Yəmən bəylərbəylikləri yenidən birləşdirilərək Özdəmiroğlu Osman Paşaya verildi.
Özdən
Özdən yaxud uzdən (türk.) — Qafqazda türk xalqları mühitində zümrə. Öz sözü və dən şəkilçisindən ibarətdir. Özdən — özündən, özü qərar verən, azad, əsilzadə deməkdir. Bu ad altında Şimali Qafqazda zadəgan zümrəsi, azad təbəqə, yaxud müvafiq davranış nəzərdə tutulur.
Qaraçay-balkarlarda bəylərdən sonra gələn, öz torpaqları, asılı rəyyəti və mülkləri olan zümrəyə deyilir.
Buradan da özdən adəti yaranır. Özdənlər həm də bir neçə dərəcəyə bölünür.
Dağıstanda özdən adı altında sadəcə azad insan nəzərdə tutulur, azad icmalarda yaşayan, ya da hər hansı feodalın təbəçiliyində olanlara deyilir.
Qumuqlarda bu söz daha çox uzdən kimi tələffüz olunur, və eyni mənanı ifadə edir.
Osetiyada özdənlər deyəndə adətən knyazları və aldarları nəzərdə tuturdular.
Mahinur Özdəmir
Mahinur Özdəmir Göktaş (7 noyabr 1982, Sxarbek[d], Brüssel paytaxt vilayəti[d]) — Türkiyə və Belçika siyasətçisi, diplomat. Brüssel Regional Məclisinin üzvü və 2020–2023 illər arasında Türkiyənin Əl-Cəzayirdəki fövqəladə və səlahiyyətli səfiri kimi vəzifələrdə çalışmışdır. Həmçinin o, parlamentin ən gənc və ilk hicablı qadın üzvü olub. 3 iyun 2023-cü ildən Ailə və Sosial Xidmətlər naziridir.
== Erkən illəri ==
7 noyabr 1982-ci ildə Brüksel şəhərinə aid 19 bələdiyyədən biri olan Sxarbek-də doğuldu.
Fransız, niderland, ingilis, türk və ispan dillərində danışa bilir.
== Siyasi fəaliyyəti ==
29 may 2015-ci ildə Erməni soyqırımını tanımadığını bildirdiyi üçün partiyasından atıldı və siyasətə bitərəf davam etdi.
Rəcəb Tayyib Ərdoğan yenidən prezident seçildikdən sonra iyun 2023-cü ildə Ailə və Sosial Xidmətlər naziri təyin edildi.
== Şəxsi həyatı ==
2010-cu ildə AKP siyasətçisi Rəhmi Göktaşla evləndi. 2 uşağı var.
Mahinur Özdəmir Göktaş
Mahinur Özdəmir Göktaş (7 noyabr 1982, Sxarbek[d], Brüssel paytaxt vilayəti[d]) — Türkiyə və Belçika siyasətçisi, diplomat. Brüssel Regional Məclisinin üzvü və 2020–2023 illər arasında Türkiyənin Əl-Cəzayirdəki fövqəladə və səlahiyyətli səfiri kimi vəzifələrdə çalışmışdır. Həmçinin o, parlamentin ən gənc və ilk hicablı qadın üzvü olub. 3 iyun 2023-cü ildən Ailə və Sosial Xidmətlər naziridir.
== Erkən illəri ==
7 noyabr 1982-ci ildə Brüksel şəhərinə aid 19 bələdiyyədən biri olan Sxarbek-də doğuldu.
Fransız, niderland, ingilis, türk və ispan dillərində danışa bilir.
== Siyasi fəaliyyəti ==
29 may 2015-ci ildə Erməni soyqırımını tanımadığını bildirdiyi üçün partiyasından atıldı və siyasətə bitərəf davam etdi.
Rəcəb Tayyib Ərdoğan yenidən prezident seçildikdən sonra iyun 2023-cü ildə Ailə və Sosial Xidmətlər naziri təyin edildi.
== Şəxsi həyatı ==
2010-cu ildə AKP siyasətçisi Rəhmi Göktaşla evləndi. 2 uşağı var.
İsmayıl Özdəmir
İsmayıl Özdəmir (1985, Əskişəhər ili[d]) — mühəndis və siyasətçi; Türkiyə Böyük Millət Məclisinin 27 və 28-ci çağırışlarının deputatı.
== Həyatı ==
İsmayıl Özdəmir 1985-ci ildə Eskişehir ilində anadan olub. İbtidai və orta təhsilini Kayseridə alıb. 2007-ci ildə Ərciyəs Universiteti Maşınqayırma Bölməsindən məzun olub. 2013-cü ildə həmin universitetin magistr dərəcəsi alıb.
2005-2007-ci illərdə ali təhsil alan tələbələrin yeganə təmsil olunduğu Milli Tələbə Şurasının sədri olub. 2007-ci ildə Kayseri Maşın Mühəndisləri Palatasına üzvü olub. Əməyin mühafizəsi, enerji və xarici siyasət mövzuları üzrə araşdırmaları və tədqiqatları olub. 2008-2018-ci illərdə “Ortadoğu” qəzetində məqalələri dərc olunub, “Kutlu Sesleniş” jurnalında isə rəhbər vəzifədə çalışıb.
Uzun illərdir MHP üzvüdür.
