Şölə sözünün azərbaycan dilində istifadasi, mənası, izahı, yazılışı, tərcüməsi / Sözlük

Şölə

Şölə — qız adı. Sözün mənası Od, işıq, parilti deməkdir. Bu isim həm ümumi həm də xüsusi isimdir.

Səfərəliyeva Şölə

Şölə Cavanşir qızı Səfərəliyeva (29 avqust 1984, Bakı) — Azərbaycan müğənnisi. Azərbaycan Respublikasının əməkdar artisti. == Həyatı == Şölə Cavanşir qızı Səfərəliyeva 29 avqust 1984-cü ildə Bakı şəhərində anadan olub. 1991-ci ildə 200 saylı BMLK-da orta təhsilə başlayıb. 1992-ci ildə 21 nömrəli musiqi məktəbinin fortepiano sinfinə qəbul olub. 2 oktyabr 1995-ci ildə əfsanəvi " Qaya " kvartetinin solisti, Rauf Babayevin musiqi məktəbində başladığı vokal sinfinə qəbul olub, "Bəri Bax" uşaq ansamblının solisti kimi fəaliyyətə başlayıb. 11 illik vokal sinfini bitirib. == Ailəsi == (Atası) Səfərəliyev Cavanşir Xalid oğlu 15.08.1958, (anası) Səfərəliyeva Sona Sabir qızı 09.06.1959 (qardaşı) Səfərəliyev Elçin Cavanşir oğlu 13.02.1986 == Təhsili == 2001-ci ildə İctimai-Siyasi universitetin Azərbaycan dili və ədəbiyyatı filologiya fakültəsinə daxil olub. Təhsil illərində şairlər Zöhrab Tahir, Nəriman Həsənzadə, görkəmli tarixçi alim İqrar Əliyev, politoloq Aydın Mirzəzadədən dərs alıb. 2019-cu ildə Azərbaycan Milli Konservatoriyasının populyar musiqi və caz fakültəsinin magistr pilləsinə (solo oxuma) qəbul olub.

Şölə Səfərəliyeva

Molla Abbas Şölə

Hacı Molla Abbas Hacı Abdulla oğlu Şölə (İsfahan – 1899, Yelizavetpol) — şair. == Həyatı == Mərhum Hacı Molla Abbas Hacı Abdulla oğlu əslən isfahanlı imişsə də, yenə Gəncə şüərasının zümrəsindən hesab olunur. Hacı Molla Abbas "Şölə" təxəllüs təxminən qırx beş sənə bundan müqəddəm Gəncəyə gəlib, orada evlənibdir və lakin övladı olmayıbdır. Şölə Hindistanı, İranın çox yerlərini, ərəbistanı və Misiri seyrü səyahət edib xeyli bilik və təcrübə kəsb etmiş bir vücud idi. Qafqaziyanın dəxi çox yerlərini gəzib, onda olan müxtəlif əqvamü miləlin adabü ayini ilə bələd olmuşdu. Mərhum Şölə təvəllüdü zamanından ömrünün müsinn çağına qədər xəstə olmadığını və hətta baş və diş ağrısı nə olduğunu bilmədiyini öz dost və tanışları yanında iddia edərmiş. Şölə fars və türk dillərini kamil vəchdə bilirmiş. Amma əşarü kəlamının çoxusu türk dilindədir. Yazdığı əşarın əksəri, demək olur ki, Gəncə şəhərinin xüsusi vüquatına və onda vaxtbəvaxt zühur edən əlamata, vüqua gələn təğyirata və Gəncə əhlinin əxlaqü adatına dairdir. Şölənin dili açıq və sadə olduğuna binaən, onun kəlamları hər kəsə, hətta kəmsavad adamlara da xoş gəlir.

Şölə Yüksəl Şənlər

Şölə Yüksəl Şənlər və ya Yüksəl Şənlər (türk. Şule Yüksel Şenler; 29 may 1938, Kayseri – 28 avqust 2019, İstanbul) — türk yazıçısı və jurnalisti. O, Türkiyədə yüksəlişdə olan islamçılığın qadın fəallarından və təşəbbüskarlarından biridir. Şölə Şənlər Anadoluda əsrlər boyu yayılmış ənənəvi “çadra” əvəzinə “türban” dizayn edib populyarlaşdırıb. == Həyatı == === İlk illəri === Şölə Yüksəl Şənlərin ailəsi, əslən kipr türklərindəndir. Onun ailəsi 1930-cu illərin əvvəllərində Kiprdən Kayseriyə köçüblər. Yüksəl Şənlər 29 may 1938-ci ildə Kayseridə anadan olub. Atasının dövlət qulluğuna görə Anadolunun bir çox şəhərlərində yaşayıb. O, valideynlərinin evdə ballar təşkil etdiyi çox sekulyar bir ailədə böyüyüb. Şənlər TRT Avaz-da yayımlanan proqramda ailə quruluşunu belə izah edib: "Müasir ailə quruluşu...

Şöləburan (Əhər)

Şöləburan (fars. شله بران‎) - İranın Şərqi Azərbaycan ostanının Əhər şəhristanı ərazisinə daxil olan kənd. == Əhalisi == 2006-cı il məlumatına görə kənddə 583 nəfər yaşayır (103 ailə).

şölə sözünün leksik mənası və izahı

1 is. [ər.] Alov, parıltı, işıltı, şəfəq. [Xortdan:] Səhranın günbatan tərəfindən, gördüm, bir şölə asimanə bülənd olub. Ə.Haqverdiyev. Qaraca qızın sevgili şəlaləsi Günəşin qırmızı şöləsindən parlayırdı. S.S.Axundov. Aslanın gözlərində ani bir şölə parıldayıb söndü. M.Hüseyn. □ Şölə çəkmək – alovla yanmaq, zəbanə çəkmək, alovlanmaq; işıq saçmaq. Gəldi həm növ-növ şərbətlər; Şəmlər asimanə şölə çəkər. S.Ə.Şirvani. [Qızıl qayada] yer altından çıxan qaz, kim bilir, nə zaman bir yolçunun, bir ovçunun ya bir çobanın çaxmaq daşından od alıb gecəgündüz şölə çəkib yanır. R.Rza. // Məc. mənada. Alışıb şölə çəkib suz ilə yandım, gördüm; Hicrini atəşi-niyran dedilər, gərçək imiş. S.Ə.Şirvani. Şölə vermək (saçmaq) – qızarmaq, allanmaq; parıldamaq, işıldamaq, şölələnmək, işıq saçmaq. Başına dönüm, ay saqi; Doldur piyalədən yaxşı; Yanaqların şölə verir; Qırmızı lalədən yaxşı. Aşıq Rəcəb. Yer üzündə şölə saçır neçə min çıraq; Şəfəqlərin ağ sütunu ərşə toxunur. S.Vurğun.
Azərbaycan dilinin izahlı lüğəti / şölə
2 tonqaldan qalxan alov, parıltı, işıltı, şəfəq.
Azərbaycan qadın adlarının izahlı lüğəti. / şölə
3 ŞÖ’LƏ ə. alov parıltısı, işıq. Şö’lei-azər od parıltısı.
Klassik Azərbaycan ədəbiyyatında işlənən ərəb və fars sözləri lüğəti / şölə

şölə sözünün sinonimləri (yaxın mənalı sözlər)

1 şəfəq — işıq — parıltı — nur — şüa
Azərbaycan dilinin sinonimlər lüğəti / şölə
2 şölə bax şəfəq
Azərbaycan dilinin sinonimlər lüğəti / şölə

şölə sözünün rus dilinə tərcüməsi

1 блеск, сияние
Azərbaycanca-rusca lüğət / şölə
2 сущ. 1. свет (лучистая энергия, воспринимаемая глазом, делающая окружающий мир видимым). Ayın şöləsi свет луны (лунный свет), şamın şöləsi свет свечи, çırağın (lampanın) şöləsi свет лампы (светильника), nəyin zəif şöləsi слабый свет чего 2. луч: 1) узкая полоса света, исходящая от какого-л. светящегося предмета. İşığın şöləsi луч света, günəşin şölələri лучи солнца (солнечные лучи) 2) перен. быстрое, неожиданное проявление, проблеск чего-л., свет. Ümid şöləsi луч надежды, məhəbbət şöləsi луч (свет) любви, həqiqət şöləsi луч (свет) истины 3. пламя (огонь, поднимающийся над горящим предметом). Tonqalın şöləsi пламя костра 4. блеск; озарение, сияние (яркий свет, излучаемый чем-л.). Ulduzların şöləsi сияние звёзд; şölə saçmaq (vermək): 1. сиять, светить (излучать свет). Günəş şölə saçır солнце светит 2. перен. пылать (становиться красным, горячим от прилива крови); гореть. Yanaqları şölə verir kimin пылают (горят) щеки у кого, чьи; şölə çəkmək: 1. пламенеть, пылать; гореть, ярко освещать, издавать сильный жар. Şölə çəkib yanmaq пылать, пламенеть любовью к кому-л., гореть в огне любви; 2. светиться (излучать ровный свет – об источнике света) ◊ gözlərimin şöləsi (işığı) свет очей моих
Azərbaycanca-rusca lüğət / şölə

şölə sözünün inglis dilinə tərcüməsi

1 i. lustre, brilliance, brilliancy, radiance; şöhrətin ~si lustre of fame; ~ saçmaq bax şölələnmək
Azərbaycanca-ingiliscə lüğət / şölə

şölə sözünün fransız dilinə tərcüməsi

1 is. 1) lumière f, lueur f ; 2) éclat m, brillant m ; sevinc ~ si rayon m de joie ; ~ saçmaq rayonner vi, briller vi
Azərbaycanca-fransızca lüğət / şölə

şölə sözünün ləzgi dilinə tərcüməsi

1 [ər.] сущ. ялав, цӀарцӀар, экв, нур, яр; şölə çəkmək ялав кваз ккун; экв атӀумун; şölə vermək (saçmaq) яр ягъун, яру хьун, ал хьун (мес. хъуькъвер); экв гун, экв атӀумун, цӀарцӀар гун, нур гун (мес. чирагъри).
Azərbaycanca-ləzgicə lüğəti / şölə

şölə sözünün türk dilinə tərcüməsi

1 şule
Azərbaycanca-türkcə lüğət / şölə

Şölə sözü azərbaycan dilində

Yazılış

Mündəricat