Aksel Bakayoko
Aksel Məhəmməd Bakayoko (fr. Axel Mohamed Bakayoko; 6 yanvar 1998, X arondisman) — vinger mövqeyində çıxış edən peşəkar Fransa futbolçusu.
== Klub karyerası ==
=== İnter Milan ===
Bakayoko "İnter"in heyətində ilk oyunu 8 dekabr 2016-cı ildə keçirilən UEFA Avropa Liqasının "Sparta Praqa"ya qarşı oyunda baş tutdu. O, 80 dəqiqədən sonra Andrea Pinamontini əvəzlədi.
=== Srvena Zvezda ===
22 dekabr 2020-ci ildə Bakayoko Serbiyanın "Srvena Zvezda" klubu ilə üç il yarımlıq müqavilə imzaladı.
==== "Novı Pazar" klubunda icarə ====
7 fevral 2022-ci ildə Bakayoko 2021-22 mövsümünün sonuna qədər Serbiya Superliqa təmsilçisi "Novi Pazar" klubuna icarəyə verildi.
== Şəxsi həyatı ==
Bakayoko Fransada anadan olub və Kot-d'İvuar əsillidir.
Aksel Enström
Paradise Oskar (azərb. Paradays Oskar; gəlçək adı- Aksel Enström isv. Axel Ehnström; 23 oktyabr 1990) — Finlandiyada yaşayan İsveçli müğənni.
Aksel Munte
Aksel Martin Frederik Munte (31.10.1857, Oskarshamn – 11.2.1949, Stokholm) — İsveç həkimi, yazıçı.
== Həyatı ==
1857-ci ildə əczaçı ailəsində dünyaya gəlmişdir. 1874-cü ildə Upsala universitetinin tibb fakultəsinə daxil olmuşdur. Fakultənin ən parlaq və çalışqan tələbəsi olan Aksel Munte iki il sonra 1876 cı ildə ciddi xəstələnir. Həkimlərin qoymuş olduğu ağciyər qanaxması diaqnozundan sonra yeganə ümidlə cənuba, dəniz sahillərinə üz tutur. 1876-1878 ci illərdə Fransanın cənubunda, Monpele universitetində, 1878-1880 cı illərdə isə Paris universitetinin tibb fakultəsində təhsilini davam etdirərək, Fransada ən gənc diplomlu həkim olur. Hələ Parisdə oxuyarkən, işgüzarlığı, bilik və təcrübəliliyi ilə Jan-Martin Şarkonun diqqətini cəlb etmiş və onun rəğbətini qazanmış olur.
1880 cı ildə evləndikdən dərhal sonra Kapri adasına yaşamağa gedir.
Onun peşəkar karyera nailiyyətləri özünə məxsusluğu ilə seçilir. 1881 ci ilin payızında Parisə dönərək avenyu Viledə öz praksisini açır.
Aksel Tuanzebe
Aksel Tuanzebe (ing. Axel Tuanzebe; 14 noyabr 1997) — Premyer Liqanın Mançester Yunayted klubunda müdafiəçi mövqeyində çıxış edən İngiltərə futbolçusu.
İngiltərə milli komandasının 19 və 20 yaşlılardan ibarət heyətlərində çıxış etmişdir.
== Klub karyerası ==
=== Mançester Yunayted ===
===== İlk illəri =====
Tuanzebe səkkiz yaşında Mançester Yunayted futbol akademiyasına daxil olmuşdur. O, burada 2013 və 2014-cü illərdə "Milk Cup" mükafatını qazanan heyətin üzvü olmuşdur. 2015-ci ilin mayında Mançester Yunayted klubunda "Cimmi Mörfi" adına İlin gənc futbolçusu mükafatına layiq görülmüşdür.
31 oktyabr 2015-ci ildə Premyer Liqada Kristal Palas klubuna qarşı baş tutan qarşılaşma zamanı Mançester Yunaytedin 18 nəfərdən ibarət heyətinə seçilmişdir.
===== 2016-17 mövsümü =====
29 yanvar 2017-ci ildə FA Kuboku çərçivəsində Uiqan Atletik klubuna qarşı oyunun 68-ci dəqiqəsində Timoti Fosu-Mensahın əvəzinə meydana daxil olaraq klubun heyətində debüt oyununa çıxmışdır. Bundan dörd gün sonra o, Mançester Yunaytedlə olan müqaviləsinin müddətini 2020-ci ilə qədər uzatmışdır. 7 may 2017-ci ildə Premyer Liqada Arsenala qarşı matçda ilk dəfə oyuna əsas heyətdə başlamışdır.
Aksel Şpringer
Aksel Şpringer (alm. Axel Cäsar Springer; 2 may 1912[…] – 22 sentyabr 1985[…], Qərbi Berlin) — Almaniya jurnalisti. O, "Axel Springer AG" şirkətinin yaradıcısı və sahibidir.
== Həyatı ==
Aksel Şpringer 2 may 1912-ci ildə Almaniyanın Hamburq şəhərində, naşir Henrix Şpringerin ailəsində anadan olmuşdur. O, karyerasına 1947-ci ildə Hamburqda "Axel Springer GmbH" şirkətinin yaradılması ilə başlamışdır. Bu şirkətin damı altında "Hamburger Abendblatt" qəzeti fəaliyyət göstərirdi, daha sonra "Springer" televiziya və radio proqramları üçün məşhur jurnal olan "Hör zu" kimi yeni jurnalların nəşrinə başlamaqla fəaliyyəti genişləndirilmişdir. 1952-ci ildə Şpringer öz fəaliyyət siyahısına tezliklə 1 milyondan çox tirajla gündəlik nüfuzlu kütləyə çevrilən "Bild" tabloidinin nəşrini əlavə etmişdir.
== İstinadlar ==
== Əlavə ədəbiyyat ==
Стржижовский Л. Ф. Стреляет пресса Шпрингера. — М.: Политиздат, 1978. — 80 с.
Riçard Aksel
Riçard Aksel (ing. Richard Axel) - amerikan alim, molekular bioloq, 2004-cü ildə iybilmə reseptorlarının kəşfi və iybilmə sisteminin quruluşu üzrə araşdırmalarına görə Dr. Linda B. Buck-la birgə Nobel mükafatına layiq görülüb .
== Həyatı ==
Riçard Aksel 1946-cı ilin iyul ayının 2-də ABŞ-də Nyu-York şəhərində anadan olub. 1970-ci ildə Johns Hopkins Universitetini bitirib. 1978-ci ildə
Columbia Universitetinin Patologiya and Biokimya fakultəsinin professoru olub. 1984-ci ildən bəri Columbia Universitetinin nəznində Howard Hughes Tibb İnstitutunun araşdırmacısı, 1999-cu ildən isə Universitet professorudur.
== Üzvlüklər və ödüllər ==
1969 - Johns Hopkins adına Tibbi Toplumun Tədqiqat Ödülü
1983 - Eli Lilly Ödülü
1983 - Amerikada Milli Elmlər Akademiyasının üzvü
1983 - Amerikada Humanitar və Təbii Elmlər Akademiyasının üzvü
1984 - Nyu-York Akademiyasının biologiya və tibb üzrə Təbii Elmlər ödülü
1989 - Amerikanın Milli Elmlər Akademiyasının Riçard Lounsbery ödülü
1996 - Dr. Linda Buck ilə birgə Unilever Təbii Elmlər Ödülü
1997 - Elm və Texnologiyada Təkmilləşməyə görə Nyu-York Şəhər Merinin Ödülü
1998 - Nevrologiji tədqatda yüksək nailiyyətlərə görə Bristol-Myers Squibb Ödülü
1999 - Columbia Universitetinin Aleksander Hamilton Ödülü
2001 - Biotibbi elmlərdə yüksək xidmətlərə görə Nyu-York Tibbi Academiyasının medalı
2003 - Gairdner Fondunun Nevrologiyada nailiyyətlərinə görə Beynəlxalq ödülü
2003 - Dr.
Aksel (hoppanma)
Aksel ― fiquristin hərəkətdə ikənirəli-xaricə icra edilən yellə ən ayaqüzərinə düşməklə arxaya-xaricə gedişinə 1,5 dövrəli hoppanma. Uçuşda bədənin fırlanma istiqaməti tamdır, yəni təkan ayağının əyrilik istiqamətinə uyğun gəlir. Hoppanma məşhur Norveç fiquristi Aksel Paulsenin adı ilə adlandırılmışdır.
Aksel Heyberq adası
Aksel-Heyberq (ing. Axel Heiberg Island) — yaşayışı olmayan ada olaraq Kanada Arktik arxipelaqı daxildir. Adadan qərbdə Elsmir adası yerləşir və ondan Yurika boğazı vastəsi ilə ayrılır. İnzibati cəhətdən Nunavut vilayətinin Kikiktani regionuna daxildir.
== Coğrafiyası ==
Qərbdən Mien adasından Sverdrup boğazı vastəsi ilə ayrılır. Sverdrup və Kraliça Yelezaveta adaları qrupuna daxildir. Sahəsi 43,178 km² təşkil edərək, Adaların dünyada sahəsinə görə sıralamasında 32-ci yerdə gedir. Dağların hündürlüyü 2000 metri keçir.
== Tarix ==
Ada əvvəllər inuitlər məskunlaşmışdı. Adanın Otto Sverdrup tərəfindən kəşf edilərkən ərazidə həyat əlaməti yox idi.
Aksel Heyberq buzlağı
Antarktidadakı Aksel Heyberq buzlağı Antarktik platosunun yüksəkliklərindən Ross şelf buzlağına (təxminən dəniz səviyyəsinə) doğru alçalan, Kraliça Mod dağlarındakı Don Pedro Kristofersen və Herbert silsilələri arasında yerləşən 48 km uzunluğundakı vadi buzlağı.
Bu nəhəng buzlaq 1911-ci ilin noyabrında norveçli qütb səyyahı Roald Amundsen tərəfindən kəşf edilmiş və onun tərəfindən buzlağa çox sayda Norveç qütb tədqiqatına töhfəsini verən alim və norveçli biznesmen Aksel Heyberqin adı verilmişdir. Amundsen buzlaqdan uğurlu Cənub qütbü ekspedisiyası ərzində qütb platosu üzərindən öz marşrutunu tapmaq üçün istifadə etmişdi.
Dan-Aksel Zaqadu
Dan-Aksel Zaqadu (3 iyun 1999, Kretey) — Bundesliqa təmsilçilərindən olan Borussiya Dortmund klubunda müdafiəçi kimi çıxış edən peşəkar Fransa futbolçusudur.
== Klub karyerası ==
=== Erkən karyerası ===
Zaqadu öz futbolçu karyerasına yerli klublardan olan Kreteil klubunun akademiyasında başlamışdır. 2011-ci ildə 12 yaşı olarkən Pari Sen-Jermen klubu ilə müqavilə imzalamışdır. O, növbəti beş mövsümü PSJ akademiyasında keçirtdikdən sonra 2016-cı ildə əvəzedici komandaya dəvət almışdır. Zaqadu CFA liqasında 9 oyunda iştirak etmişdir.
=== Borussiya Dortmund ===
5 iyun 2017-ci ildə Zaqadu Bundesliqa təmsilçilərindən olan Borussiya Dortmund klubuna pulsuz transfer olmuş və beş illik müqavilə imzalamışdır. O, Dortmund klubunda ilk qolunu 28 oktyabr 2017-ci ildə Hannover 96 klubuna qarşı oyunda vurmuş və 59-cu dəqiqədə qırmızı vərəqə alaraq meydanı tərk etmişdir. Həmin görüşdə Dortmund rəqibinə 2-4 hesabı ilə məğlub olmuşdur.
== Milli karyerası ==
Zaqadu Fransanın U-16, U-17 və U-18 yığmalarında çıxış etmişdir. Hal-hazırda U-19 millisinin kapitanıdır.
Karl Aksel Maqnus Lindman
Karl Aksel Maqnus Lindman (isv. Carl Axel Magnus Lindman; 6 aprel 1856, Halmstad[d] – 21 iyun 1928, Adolf-Fredrik[d], Stokholm leni[d]) — İsveç botaniki və rəssamı.
Akselbant
Akselbant (alm. Achselband və ya Achsel — çiyin, Band — lent) — qızılı, gümüşü və ya rəngli saplardan toxunan və metal ucluqlarla tamamlanan hərbi geyim aksessuarı. 17-ci əsrdən Qərbi Avropada geniş yayılmışdır. Hazırda bir çox dünya dövlətlərində, eləcə də Azərbaycanda fəxri qarovul və hərbi paradlarda iştirak edən şəxsi heyətin geyimlərində, hərbi məktəb kursantların geyimlərində istifadə olunur.
== Qalereya ==
== Mənbə ==
Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 241.
Akselerasiya
Akselerasiya:
1) Biologiyada: inkişafın müəyyən mərhələlərində rüşeymin ayrı-ayrı hissələrinin formalaşmasının sürətlənməsi, məsələn: balıqlarda və quyruqsuz amfibiyalarda yumurta sarısı kisəsində qida maddələri tükəndikdə onların qidalanmasını təmin edən ağız aparatının erkən əmələ gəlməsi;
2) Antropologiyada: əvvəlki nəsillərlə müqayisədə uşaqlarda və yeniyetmələrdə böyümənin və cinsi yetişkənliyin sürətlənməsi. 20-ci əsrin əvvəllərindən iqtisadi cəhətdən inkişaf etmiş ölkələrdə müşahidə edilir. Buna görə də insanın müasir inkişaf mərhələsi üçün səciyyəvi olan bədənin çəkisinin, uzunluğunun artması kimi dəyişikliklərlə yanaşı Akselerasiya da bəzən "əsri ənənə", yaxud "sekulyar meyillilik" termini ilə ifadə edilir. Bir çox tədqiqatçılar Akselerasiyanın qlobal səbəbləri sırasında Günəş fəallığının artıb-azalmasını göstərirlər. Akselerasiya, əsasən, skeletin inkişafında (sümükləşmə prosesi oğlanlarda 2, qızlarda isə 3 il tez başa çatır), dişlərin çıxmasında və əvəz olunmasında (1–2 il tez), boyun artmasının və cinsi inkişafın tezləşməsində (1–2 il tez) özünü göstərir. ABŞ, Rusiya və Avropanın bir çox ölkələrində son 100 il ərzində boyun məktəbəqədər yaşlı uşaqlarda orta hesabla 10–12 santimetr, məktəblilərdə isə 10–15 santimetr artması qeyd olunmuşdur. Bakı şəhərinin 7–15 yaşlı məktəblilərində 1960-cı ildən 1991-ci ilədək boy göstəricisi orta hesabla 3,5 santimetr artmışdır. Oğlanlarda boy göstəricisinin ən çox artması 12 yaşda, qızlarda isə 11 yaşda müşahidə olunmuşdur. Boyun inkişafının dayanması və bədən nisbətlərinin formalaşması qızlarda artıq 16–17 yaşda, oğlanlarda isə 18–19 yaşda başa çatır. Əvvəllər bu göstərici müvafiq olaraq 20–22 və 22–25 yaşlarda tamamlanırdı.
Akselerator
Akselerator (lat. accelero – sürətləndirirəm) — karbüratordan daxili yanma mühərrikinin silindrlərinə verilən yanacaq qarışıqlığının miqdarını tənzimləyən aparat. Nəqliyyat vasitəsinin sürətini dəyişdirmək üçün nəzərdə tutulmuşdur.
== İstinadlar ==
== Əlavə ədəbiyyat ==
Hans-Hermann Braess, Ulrich Seiffert: Vieweg Handbuch Kraftfahrzeugtechnik. 2. Auflage, Friedrich Vieweg & Sohn Verlagsgesellschaft mbH, Braunschweig/Wiesbaden, 2001, ISBN 3-528-13114-4
Kai Borgeest: Elektronik in der Fahrzeugtechnik. 1. Auflage, Friedr.
Akselerometr
Akselerometr — müvafiq təcili ölçən qurğudur. Akselerometr ilə müfaviq ölçülmüş təcilə mütləq koordinat təcili deyildir. Əvəzində Akselerometr akselerometr qurğusunun istinad çərçivəsində asanlıqla istənilən sınaq kütləsi ilə sınaqdan keçirilmiş çəki hadisələri ilə əlaqələndirilmiş təcili görür. Məsələn, akselerometr asanlıqla çəkiyə görə yerin düz yuxarı səthindəki təcilin g = 9.81 m/S² olduğunu ölçəcək.
Bundan fərqli olaraq akselerometr sərbəst düşmələrdə və ya xarici kosmosda asanlıqla təcili sıfır ölçəcək. Təcilin növləri üçün başqa bir termin akselerometrlərin ölçə bildiyi qravitasiya qüvvəsidir.
Akselerometrlər sənayedə və elmdə çoxsaylı tətbiqlərə malikdir. Yüksək həssaslıqlı akselerometrlər təyyarə və raketlər üçün inersial naviqasiya sistemlərinin komponentləridir. Akselerometrlərdən mexanizmləri fırlatmaq, vibrasiyanı aşkar etmək və nəzarət etmək üçün istifadə edilir. Akselerometrlər stolüstü kompyuterlər və rəqəmli kameralarda ekranda təsvirləri həmişə şaquli göstərmək üçün istifadə edilir.
Devid Akselrod
Devid Akselrod (22 fevral 1955, Aşağı İst-Sayd[d], Nyu-York ştatı) — 2006–2008-ci illərdə ABŞ-də prezident seçkiləri zamanı Barak Obamanın seçkiqabağı təbliğat Qərargahının baş strateqi olmuşdur. 2009-cu ilin yanvar ayından 2011-ci ilin fevral ayınadək ABŞ prezidenti Barak Obamanın böyük məsləhətçisi vəzifəsində işləmişdir. 1976–1984-cü illərdə Chicago Tribune qəzetinin peportyoru və siyasi icmalçısı işləmişdir. 1984-cü ildən siyasi məsləhətçidir. 1985-ci ildə öz xüsusi Axelrod & Associates siyasi-məsləhət kompaniyasının (hazırda AKP&D Message and Media adı ilə tanınır) əsasını qoymuşdur.
== Tərcümeyi-halı ==
Devid Akselrod (ingilis dilində: David Axelrod) 22 fevral 1955-ci ildə Nyu-Yorkda orta təbəqəyə məxsus yəhudi ailəsində anadan olmuşdur. Onun atası Cozef Akselrod (Joseph Axelrod) psixoloq, anası Miril Akselrod (Myril Axelrod) 1940-cı illərdə sol-siyasi istiqamətli RM qəzetinin jurnalisti olmuş, sonralar reklam biznesi sahəsində çalışmışdır.. Onun valideynləri ilk dəfə Devidin 5 yaşı olanda, tamamilə isə 1968-ci ildə ayrılmışlar. Cozef Akselrod bacısı Coan (Joan) ilə birlikdə ansı ilə birlikdə yaşamalı olmuşlar.. Cozefin sonralar özünün "ən yaxşı dostu və qəhrəmanı" adlandırdığı atası oğlunun 19 yaşı olanda intihar etdi..
Lyubov Akselrod
Lyubov İsaakovna Akselrod (rus. Любо́вь Исаа́ковна Аксельро́д; təxəllüsü – Ortodoks; 1868[…], Vileyski qəzası[d], Vilen quberniyası[d] – 5 fevral 1946, Moskva) — Rusiya filosofu və ədəbiyyatşünası.
== Həyatı ==
Lyubov İsaakovna Akselrod 1868-cı ildə Rusiya imperiyasında, indiki ərazisində anadan olmuşdur. O, 1884-cü ildən inqilabi hərəkata qoşulmuşdur. Akselrod1887–1906-cı illərdə mühacirətdə yaşamış, 1900-cu ildə Bern Universitetini qurtarmışdır. O, 1892-ci ildə "Əmək azadlığı" qrupuna daxil olmuşdur. Akselrod tarixi materialistcəsinə anlayışı müdafiə etmiş, neokantçılığın idrak nəzəriyyəsinə, empiriokritisizmə qarşı çıxmışdır. O, Marksist fəlsəfənin şərhində aqnostisizm və relyativizmə bir növ razılaşmışdır. Akselrod Vladimir Leninin "Materializm və empiriokritisizm" əsərinə qarşı çıxmışdır. O, 1903-cü ildə menşeviklərə qoşulmuşdur.
Pavel Akselrod
Pavel Borisoviç Akselrod (rus. Па́вел Бори́сович Аксельро́д, 25 avqust 1850 – 16 aprel 1928, Berlin) — Menşevik lider, "İskra"nın jurnalisti.
== Həyatı ==
Pavel Borisoviç Akselrod 25 avqust 1850-ci ildə Rusiyada anadan olmuşdu.
Pavel Akselrod 16 aprel 1928-ci ildə vəfat edib.
Startap akselerator
Startap akseleratorlar — startapları dəstəkləmək üçün yaradılan qısamüddətli proqramdır. Akseleratorlar startapları mentorluq, məsləhət, maliyyə, netvorkinq və digər resurslarla təmin edir. Buraya, investorlar cəmiyyətinin diqqətini startaplara yönəltmək üçün təşkil olunan "demo günü" də daxildir.
== Ümumi məlumat ==
Akselerator proqramı adətən bir neçə ay davam edir və bu müddət ərzində, sənaye mütəxəssisləri gənc sahibkarlara təlimlər keçirir və məsləhət verir. bir layihə hazırlamağa kömək edir və ona investisiya qoyur və ya investor tapmaqda kömək edir. Belə sürətləndiricilər vençur kapitalı fondları, biznes inkubatorları, texnoparklar, universitetlər və ya böyük korporasiyalar əsasında işə salınır. Xidmətlərinin əvəzində təşkilatçılar startapdan pay alır və ya proqram üçün ödəniş tələb edirlər.
Adətən akseleratorlar startaplara xüsusi ofis sahəsi təklif etmir. Lakin mentorluq, məşhur natiqlərin çıxıları, sahə mütəxəssisləri ilə görüş və digər tədbirlər keçirtmək üçün fiziki bir yerə sahib ola bilərlər. Bundan fərqli olaraq, inkubatorlar müəyyən bir müddət üçün startaplara xüsusi ofis sahəsi təklif edirlər.
İzabel Akselsson
İzabel Akselsson (isv. Isabelle Axelsson) —Stokholmdan olan isveçli iqlim fəalı.
== Fəaliyyəti ==
2018-ci ilin dekabrından Akselsson İsveçdə Gələcək üçün Cümə aksiyasının fəalı və təşkilatçısıdır. 2020-ci il yanvarın sonunda o, Qreta Tunberq, Luisa Noybauer, Lukina Tille və Vanessa Nakate kimi digər iqlim fəalları ilə birlikdə Davosda keçirilən Dünya İqtisadi Forumunda iştirak etmişdir.
O, «Gemeinsam für die Zukunft — Friday For Future und Scientists For Future: Vom Stockholmer Schulstreik zur weltweiten Klimabewegung» kitabının həmmüəllifidir. Kitabda o, oxucuya bu aksiyanın iştirakçılarından birinə baxmaq imkanı vermək üçün “Gələcək üçün cümə” aksiyasının təfərrüatlarını danışıb.
14 fevral 2020-ci ildə Qreta Thunberq ilə birlikdə o, növbəti Gələcək üçün cümə günü iqlim tətili keçirir, bu zaman qanqsta replər meydana gəlir. İzabel tənqid dalğasından bunları deyir: “Biz geniş auditoriyaya çıxışı olan və deməyə sözü olan insanlarla eyni sıradayıq. İşlərin necə inkişaf etdiyini görmək xoşdur. Oxşar aksiyalarda on min adamımız olub, lakin fevralda hava bir az pis olur”.
Akselerator effekti
Akselerator effekti (ing. Accelerator effect) — investisiyaların istehsal səviyyəsindəki dəyişikliklərə necə həssas olduğunu izah edən konseptdir. Bu təsirə əsasən, iqtisadiyyatda istehlak və ya ümumi tələbdə artım olduqda, müəssisələr istehsal gücünü artırmaq üçün əlavə investisiya etməyə başlayır. Eyni şəkildə, tələbin azalması investisiyaların azalmasına səbəb ola bilər.
Əsasən, akselerator effekti onu göstərir ki, investisiyanın səviyyəsi mütləq səviyyədən deyil, ÜDM-in dəyişmə sürətindən asılıdır. Sadəcə olaraq, müəssisələrin investisiya seçimlərini formalaşdıran iqtisadi artımın sürətlənməsi və ya ləngiməsidir.
Akselerator effekti iqtisadi dövrlərdə investisiyaların tələb dəyişikliklərinə necə reaksiya verdiyini izah edən vacib bir konsepsiyadır. Bu effekt iqtisadi artımı sürətləndirə və ya tənəzzülü daha da dərinləşdirə bilər, buna görə də iqtisadi siyasətçilər üçün əhəmiyyətli nəzəriyyələrdən biridir.
== Haqqında ==
Akselerator effekti istehlak və tələbdəki dəyişikliklərin investisiyalara olan təsirini vurğulayır. İqtisadiyyatda ümumi tələbdə (istehlak və ya ixrac) artım baş verdikdə, mövcud istehsal gücü kifayət etməyə bilər.
