Bulan
Bulan—Xəzər xaqanlığı xaqan yəhudilikin yayıcısı.
== Həyatı ==
Bulanın həyatına aid az məlumat var. Onun adı ilk dəfə İosif Bulanın məktublarında çəkilir. Yəhudili qəbul edəndən sonra adı Sabriel olmuşdur. Həyat yoldaşı Serax xatun yəhudi idi. Onun xaqan yaxud bəy olduğu dəqiqləşdirilməyib. Bulan və Obadiyah xaqan zamanlarında xalq arasında yayılma sürəti artan yəhudilik inancının yayılması üçün hər hansı bir təsir göstərməyən xaqanlar, xalqın dini inancına qarışmamışlar.
Billi Ayliş: Dünya biraz bulanıqdır
Billi Ayliş: Dünya bir az bulanıqdır (ing. Billie Eilish: The World's a Little Blurry) — Ar Cey Katlerin rejissorluğu ilə çəkilmiş ABŞ istehsalı sənədli film. Filmdə Billi Aylişin 2016-cı ildə "Ocean Eyes" mahnısı ilə şöhrət qazanması və onun ilk studiya albomu "When We All Fall Asleep, Where Do We Go?" üzərində görülən işlərə yer verilib. Film 26 fevral 2021-ci ildə Neon tərəfindən seçilmiş kinoteatrlarda və Apple TV+-da nümayiş olunub.
Bulandet
Bulandet — Qərbi Norveçdə arxipelaq. Ada qrupu Norveçdəki Askvoll bələdiyyəsinin bir hissəsidir və sahil ərazisinin təxminən 20 km qərbində yerləşir. Bulandetin şərqi boyunca Verlandet və Alden adaları uzanır. Geyta mayakı arxipelağın təqribən 10 km cənub-şərqindədir.
Bulandet Norveçin ən qərbindəki balıqçılıq kəndidir. Bulandet kilsəsi arxipelaqın əsas adalarından biri olan Kyempenesetdə yerləşir. Adalar bir sıra körpü və yollar vasitəsilə yaxınlıqdakı Verlandet adasına birləşir. Verlandetdəki daimi bərə dayanacağı bütün adaları Askvollun əsas kəndi ilə birləşdirir.
İkinci dünya müharibəsi zamanı Bulandet Norveç, Şetland və Şotlandiya arasındakı dəniz səyahətlərində liman kimi istifadə edilirdi. Bulandetdəki yaşayış məntəqəsi almanların hücumları nəticəsində darmadağın edilmişdir.
Bulandsnes
Bulandsnes (isl. Búlandsnes) — İslandiyanın şərqində yerləşən yarımada. Yarımada Xamar fiord və Beryo fiord körfəzləri ilə əhatələnir. Şərq qutaracağına yaxın Dyopivoqyor kəndi yerləşir.
Bulanje
Ceorci Ernest Bulanje (29 aprel 1837[…], Ren – 30 sentyabr 1891[…]) — XIX əsrdə Fransada siması parlayan şəxsiyyətlərdən biri, bulanjizm hərəkatın banisi
== Fransada Bulanjist hərəkatı ==
1873-1875-1877-1886-cı illərdə ən müxtəlif səbəblərdən ötrü Almaniya və Fransa dövlətləri müharibə həddinə belə gəlib çatmışdılar. Bismark mətbuatdan çox məharətlə istifadə edərək ən müxtəli yollarla Fransada həyəcanın baş qaldırmasına nail ola bilirdi. Bu vəziyyət isə bir növ Fransanın təhqir edilməsi demək idi və Fransa cəmiyyətinin bir sıra üzvləri hökumətin davranışları ilə razı deyildilər. Belə insanlardan biri də general Bulanje idi.
Bulanje gənc yaşlarından hərbçi idi və Afrikada, Hind-Çində, İtaliyada 1859–1870-1871-ci illərdə hərbi əməliyyatlarda iştirak etmişdi. 1871-ci ildə 12 minlik bir qüvvəyə rəhbərlik etməsinə baxmayaraq öz ordusunun almanlar tərəfindən mühasirəyə alınmasına və tərksilah olunmasına imkan yaratmamışdı. Bir sözlə Bulanje Fransada kifayət qədər tanınmış bir sima idi və onun hökumətə qarşı olan çıxışları da ona şöhrət qazandırıdı. O, dövlət xadimlərini Fransa xalqının maraqlarına hörmətlə yanaşmamaqda ittiham edirdi. Bulanje bir müddət hökumətdə hərbi nazir postunu da tutmuş və bu zaman ordunun yenidən silahlandırılması, maddi, texniki təminatın yaxşılaşdırıması ilə yaxından məşğul olmuşdu. Orduda yeni islahatlar keçirən, aşağı rütbəli zabitlərin sosial qayğıları ilə maraqlanan və nüfuzu gündən-günə daha da artan Bulanje hərbi xadimdən daha çox siyasi xadimə çevrilir və bununla da tezliklə monarxistlərin diqqətini özünə cəlb edir.
Bulanjerit
Bulanjerit — mineral, Pb5Sb4S11
== Haqqında ==
Bulanjerit - qatışıqlar Cu, Fe. Monoklinik. Kristalları iynəvari, yaxud prizmatik. Ayrılma {100} üzrə mükəmməl. Aqreqat: dənəvər, lifli, lələkvari. Rəngi göyümtül-qurğuşunu, bozdan qarayadək. Cizgisi bozumtul-qara, qırmızımtıl çalarlı. Parıltısı - metallik. Sərtliyi 2,5-3. Xüsusi çəkisi 6,0-6,2.
Bulanlıq (Miyanə)
Bulanlıq (fars. بولانليق) — İranın Şərqi Azərbaycan ostanının Miyanə şəhristanı ərazisinə daxil olan kənd.
== Əhalisi ==
Kənddə 2006-cı il siyahıya alınmaya görə 456 nəfər yaşayır (84 ailə).
== Coğrafi yerləşməsi ==
Miyanə şəhristanının Mərkəzi bölgəsinin Kələboz kəndistanında, Miyanə şəhərindən 27 km cənubdadır.
Bulansaz (Şaran)
Bulansaz (başq. Боланһаҙ), rus. Булансаз) — Başqırdıstan Respublikasının Şaran rayonunda yerləşən kənd. Kənd Miçurinsk kənd şurasının tərkibindədir.
== Coğrafi yerləşməsi ==
Məsafələr:
rayon mərkəzindən (Şaran): 17 km,
kənd sovetliyindən (Miçurinsk): 1 km.
ən yaxın dəmiryol stansiyasından (Tuymazı stansiyası): 59 km.
== Əhali ==
=== Milli tərkibi ===
2002-ci ildə keçirilən Ümumrusiya əhalinin siyahıya alınmasına əsasən kənddə tatarlar (59%) üstünlük təşkil edir.
Bulanıq məntiq
Qeyri-səlis məntiq, həmçinin bax bulanıq məntiq və ya qeyri-səlis çoxluq nəzəriyyəsi — dəyişənlərin həqiqət dəyərinin 0 və 1 arasında istənilən həqiqi ədəd ola biləcəyi çoxqiymətli məntiq forması. Qismən həqiqət anlayışını idarə etmək üçün istifadə olunur. Burada həqiqət dəyəri tamamilə doğru və tamamilə yalan arasında dəyişə bilər. Bunun əksinə olaraq, Bul məntiqində dəyişənlərin həqiqət dəyərləri yalnız 0 və ya 1 tam ədədlər ola bilər.
Qeyri-səlis məntiq termini 1965-ci ildə Azərbaycan riyaziyyatçısı Lütfi Zadənin qeyri-səlis çoxluqlar nəzəriyyəsi təklifi ilə təqdim edilmişdir. Qeyri-səlis məntiq 1920-ci illərdən, xüsusilə Lukaseviç və Tarski tərəfindən sonsuz qiymətli məntiq kimi öyrənilmişdir.
Qeyri-səlis məntiq insanların qeyri-dəqiq və rəqəmi olmayan məlumatlara əsaslanaraq qərarlar qəbul etməsinin müşahidəsinə əsaslanır. Qeyri-səlis modellər və ya qeyri-səlis çoxluqlar qeyri-müəyyənliyi və qeyri-dəqiq məlumatı təmsil edən riyazi vasitələrdir. Bu modellər qeyri-müəyyən olan məlumatları tanımaq, təmsil etmək, manipulyasiya etmək, şərh etmək və istifadə etmək qabiliyyətinə malikdir.
Qeyri-səlis məntiq idarəetmə nəzəriyyəsindən süni intellektə qədər bir çox sahəyə tətbiq edilmişdir.
Billi Ayliş: Dünya bir az bulanıqdır
Billi Ayliş: Dünya bir az bulanıqdır (ing. Billie Eilish: The World's a Little Blurry) — Ar Cey Katlerin rejissorluğu ilə çəkilmiş ABŞ istehsalı sənədli film. Filmdə Billi Aylişin 2016-cı ildə "Ocean Eyes" mahnısı ilə şöhrət qazanması və onun ilk studiya albomu "When We All Fall Asleep, Where Do We Go?" üzərində görülən işlərə yer verilib. Film 26 fevral 2021-ci ildə Neon tərəfindən seçilmiş kinoteatrlarda və Apple TV+-da nümayiş olunub.
Bulanıq (Qars)
Bulanıq — Türkiyənin Qars vilayətinin Mərkəz rayonunda kənd. Əhalisi 97 nəfərdir (2022).
Olqa Bulanova-Trubnikova
Olqa Konstantinovna Bulanova-Trubnikova (rus. Ольга Константиновна Буланова-Трубникова; 5 (17) iyul 1858 və ya 1858, Sankt-Peterburq – 1942) — Rus yazıçısı, inqilabçısı, xalqçısı, yazıçı, qadın təhsilinin görkəmli müdafiəçisi Mariya Trubnikovanın qızı və sürgün edilmiş dekabrist Vasili İvaşev və Kamil Le Dantunun nəvəsi.
== Həyatı ==
Olqa Bulanova-Trubnikova 5 iyul 1858-ci ildə Sankt-Peterburqda zadəgan ailəsində anadan olub. O, dekabrist Vasili İvaşevin nəvəsidir. 1860-1870-ci illər Rusiya qadın hərəkatının fəalı Mariya Trubnikova və Sankt-Peterburqlu naşir-jurnalist Konstantin Trubnikovun qızıdır. Xalqçı, inqilabçı Anatoli Bulanovun həyat yoldaşıdır.
Sankt-Peterburqda M.P.Speşnevanın ilk özəl qadın gimnaziyasını bitirdikdən sonra Nikolayev Hərbi Hospitalında və Bestujev Qadın Kurslarında tibbi məşğələlərdə dinləmələrdə iştirak edib. Nikolayev Hərbi Hospitalında qadın həkimlik kurslarına daxil olmağa hazırlaşarkən 193-cü saylı məhkəmə (Xalqçıların İmperiyaya qarşı təbliğatı məhkəmə prosesi) işinə cəlb edilən Yelena Dubenskaya ilə tanış olur. Onun vasitəsilə Olqa Konstandinova xalçılıq hərəkatına və onun ən aktiv qruplarından olan Çaykovski dərnəyinə qoşulur. O, sonradan böyüyüb siyasi "Qırmızı Xaç"a çevrilən dərnəyə daxil olur.
