Eypril Març
Eypril Març (əsl adı Elinor Bleyk, 20 aprel 1965, Kaliforniya) - ABŞ müğənnisi və bəstəkar. İngilis və fransız dillərində ifa edir. Kventin Tarantinonun "Ölüm sübutu" filmində səslənən "Chick Habit" mahnısı ilə məşhurdur.
== Albomları ==
Gainsbourgsion !
Marçayevo zirvəsi
Marçayevo zirvəsi (bolq. връх Мърчаево, ‘Vrah Marchaevo’ \'vr&h m&r-'cha-e-vo\) — Antarktidanın Qreyam Torpağının II Oskar sahilindən cənub-şərqdə yerləşən, 1100 m hündürlüklü qaya zirvəsidir. Zaqreus silsiləsinə daxildir. Hektoriya buzlağından şimal-şərqdə, Paspal buzlağından cənub-qərbdə yerləşmişdir.
Zirvə qərbi Bolqarıstanda yerləşən Marçayevo şəhərinin adını daşıyır.
== Yerləşməsi ==
Marçayevo zirvəsi 64°51′21″ c. e. 61°52′56″ q. u. koordinatlarında yerləşmişdir.
Marçello Malpigi
Malpiqi Marçello (it. Marcello Malpighi, 10 mart 1628, Krevalkore (it. Crevalcore), Baloniya əyaləti - 30 noyabr 1694, Roma) — italyan bioloq və həkimi. Bitkilərin və heyvanların mikroskopik anatomiyasının əsasını qoymuş, histologiya, embriologiya və müqayisəli anatomiya sahələri üzrə tədqiqatçı, London Kral Cəmiyyətinin 1668-ci ildən üzvü.
== Akademik kariyerası ==
17 yaşında Boloniya universitetinə daxil olur və 1653-cü ildə onu tibb doktoru dərəcəsi ilə bitirir. 1656-cı ildən həmin universitetin professoru olmuşdur. Sonra Pizan universitetinin nəzəri təbabət kafedrasının professoru olur.
1691-ci ildə Roma papası XII İnnokenti Malpiqini müalicə həkimi qismində və təbabətdən dərs demək üçün Romaya Papa kollecinə dəvət olunur.
== Tədqiqatları ==
Əsərlərinin əksəriyyəti London Kral Cəmiyyətinin jurnalında dərc olunmuşdur. 1661-ci ildə ilk məqaləsi dərc olunur.
Marçello Malpiqi
Malpiqi Marçello (it. Marcello Malpighi, 10 mart 1628, Krevalkore (it. Crevalcore), Baloniya əyaləti - 30 noyabr 1694, Roma) — italyan bioloq və həkimi. Bitkilərin və heyvanların mikroskopik anatomiyasının əsasını qoymuş, histologiya, embriologiya və müqayisəli anatomiya sahələri üzrə tədqiqatçı, London Kral Cəmiyyətinin 1668-ci ildən üzvü.
== Akademik kariyerası ==
17 yaşında Boloniya universitetinə daxil olur və 1653-cü ildə onu tibb doktoru dərəcəsi ilə bitirir. 1656-cı ildən həmin universitetin professoru olmuşdur. Sonra Pizan universitetinin nəzəri təbabət kafedrasının professoru olur.
1691-ci ildə Roma papası XII İnnokenti Malpiqini müalicə həkimi qismində və təbabətdən dərs demək üçün Romaya Papa kollecinə dəvət olunur.
== Tədqiqatları ==
Əsərlərinin əksəriyyəti London Kral Cəmiyyətinin jurnalında dərc olunmuşdur. 1661-ci ildə ilk məqaləsi dərc olunur.
Marçello Mastroyanni
Marçello Mastroyanni (it. Marcello Mastroianni) — İtaliya aktyoru.
== Həyatı ==
Marçello Vinçenso Domeniko Mastroyanni 28 sentyabr 1924-cü ildə İtaliyada anadan olmuşdur. Uşaqlığı, eləcə də gəncliyi Turin və Roma şəhərlərində keçmişdir. Bu dövrdə tamaşalar son dərəcə neorealist üslubunda hazırlanırdı. İş elə gətirir ki, aktyorun çəkildiyi ilk filmlər də bu üslubda olur.
Lukino Viskontinin "Bəyaz gecələr" və Mario Moniçellinin "Naməlum cinayətkarlar" filmlərində çəkilən Mastroyanni Fellininin "Şirin həyat" filminə çəkiləndən sonra daha da məşhurlaşır. Bu ekran əsəri onu bütün Avropaya tanıdır.
1961-ci ildə kino tənqidçiləri Mastroyanninin "Gecə" filmində (rejissor: Mikelancelo Antonioni) ifa etdiyi obrazı müzakirə edirlər. Bu aktyorun iştirakı ilə sonralar çəkilmiş "İtalyansayağı boşanma" filmi də uğur qazanır.
Março Dafçev
Março Dafçev - Bolqarıstan futbolçusu.
Hücumameyilli yarımmüdafiəçi olan futbolçu 1978-ci ildə Bolqarıstanın Plovdiv şəhərində anadan olub. 185 santimetrlik boya malik oyunçu karyerasına Maritsa Plovdiv klubunda başlayıb. 1988-1996-ci illərdə bu komandanın şərəfini qoruyan yarımmüdafiəçi 2 il Sokol-Kametovo klubunda çıxış edib. 1998-2001-ci illərdə Lokomotiv Sofiya klubunda oynayan Dafçev bu komandanın forması altında 87 oyun keçirib və 16 top vurub. Yarım mövsüm ÇSKA Sofiya klubunda çıxış edən Dafçev karyerasını Yunanıstanda da davam etdirməyə imkan tapıb. Patraykos klubuna transfer olunan oyunçu bu klubun heyətində 6 oyun keçirib. Mövsümün sonunda vətəninə dönən Março Botev Plovdiv klubuna keçib. 24 oyunda meydançaya çıxan və 9 top vuran yarımmüdafiəçi 2004-cü ildə yenidən Lokomotiv Sofiya klubuna geri dönüb. O, paytaxt klubunun heyətində həmin mövsümdə 67 oyuna 14 top vurub.
Rokki Marçiano
Rokki Marçiano (1 sentyabr 1923, Brokton[d], Massaçusets – 31 avqust 1969) — peşəkar ABŞ boksçusu.
Rinqdə keçirdiyi 49 görüşün hamısına qalib gəlib. Lenoks Luis isə Oliver Makkolu və Xasim Rahmana uduzsa da, sonradan hər iki boksçudan revanş götürə bilmişdir.Rokki Marsiano məğlub olmamış yeganə dünya çempionudur.
Valeri Marçenko
Valeri Marçenko (ukr. Валерій Веніамінович Марченко) — Ukraynalı dissident, hüquq müdafiəçisi, ədəbiyyatşünas və tərcüməçi.
16 sentyabr 1947-ci ildə Kiyevdə anadan olub. Doğulduğu zaman soyadı Umrilov olmuşdur. Mixail Marçenkonun ana tərəfdən nəvəsidir. 25 yaşında soyadını babasının soyadına (anasının qızlıq soyadı) dəyişib.
Məktəbi bitirdikdən sonra T. Şevçenko adına Lenin Dövlət Universitetinin Kiyev ordenli filologiya fakültəsinə daxil olub. Eyni zamanda Bakı Dövlət Universitetində türk dilləri üzrə təhsil alıb.
1970-ci ildən “Literaturna Ukraina” qəzetinin əməkdaşı olur. Kiyevdə orta məktəbdə ukrayna dili və ədəbiyyatından dərs deyib.
İvan Marçuk
İvan Marçuk (ukr. Іва́н Степа́нович Марчу́к; 12 may 1936, Moskalevka[d], Ternopil vilayəti) — müasir ukraynalı rəssam, Ukraynanın Xalq Rəssamı (2002), Taras Şevçenko adına Ukrayna Milli Mükafatı laureatı. Ukraynanın milli əfsanəsi (2021).
2007-ci ildə Britaniyanın The Daily Telegraph qəzetində dövrümüzün 100 görkəmli dahisinin siyahısına daxil edilib.
İvan Marçuk Ukraynanın Xalq Rəssamı, Taras Şevçenko adına Ukrayna Milli Mükafatı laureatı, Kiyev və Ternopil şəhərlərinin fəxri vətəndaşı, Roma Müasir İncəsənət Akademiyasının Qızıl Gildiyasının üzvüdür. 1956-cı ildə Lvov Tətbiqi Sənət Məktəbini bitirib. Sonra Lvov Tətbiqi və Dekorativ İncəsənət İnstitutunun keramika fakültəsində təhsilini davam etdirib, sonra 1965-ci ildə Kiyevə köçüb.
Əsərlərinin ilk silsiləsi "Ruhumun səsi" adlanırdı və rəssamın yaradıcılığında bütün sonrakı istiqamətlər üçün əsas oldu. Məhz bu dövrdə rəsmlər sənətkarın məşhur imza texnikasına çevrilən "plentanizm" texnikasında (Ukraynaca "pliontanizm") meydana çıxdı. Bu adı ona müəllifin özü verib və o, ukraynaca “plyontati”, yəni toxunmaq sözündəndir.
Veronika Marçenko
Veronika Aleksandrovna Marçenko (rus. Верони́ка Алекса́ндровна Ма́рченко; 27 noyabr 1969, Moskva) — Rusiyalı hüquq müdafiəçisi və jurnalist. O, hüquq müdafiəsi saghəsində göstərdiyi xidmətlərinə görə 2009-cu ildə ABŞ Dövlət Departamenti tərəfindən Cəsarətə görə Beynəlxalq Qadınlar Mükafatına layiq görülüb. Mükafat ona Ağ Evdə Mişel Obama və Hillari Klinton tərəfindən təqdim olunub.
Veronika Marçenko 27 noyabr 1969-cu ildə Moskvada anadan olub. İlk təhsilini doğma şəhərində alıb. M.V.Lomonosov adına Moskva Dövlət Universitetinin jurnalistika fakültəsini bitirib. Tələbəlik illərindən aktiv ictimai fəaliyyətlə məşğul olub. O, SSRİ Mərkəzi Televiziyasının “12-ci mərtəbə” (1986) gənclər televiziya proqramının iştirakçısı olub. Marçenko “Next Stop Sovjet” beynəlxalq gənclər hərəkatının iştirakçılarından biri (1987-1990) idi.
