Rinka
Rinka adası (ind. Pulau Rinca) — İndoneziyanın ərazisinə daxil olan ada. Sahəsi 198 km² təşkil edir.
Kiçik Zond adalarına daxil olan Komodo və Sumbava adaları arasında yerləşir. Birincisindən Lintax boğazı, ikincisindən isə Molo boğazı ilə ayrılır.
Adanın təbiəti rəngarəngdir. Burada meymun koloniyaları, vəhşi öküzlər, marallar və qartallar yaşayır. Komodo varanının adada sayı 1300 baş təşkil edir.
Ada Komodo Milli Parkı ərazisinə daxildir.
SV Real Rinkon
"Real Rinkon" — Boneyrin Rinkon şəhərini təmsil edən futbol klubudur. Klub hal-hazırda Boneyrin əsas liqası olan Boneyr Liqasında mübarizə aparır.
Klub 1957-ci ildə təsis edilmişdir.
Rinkon-Hill
Rinkon-Hill (ing. Rincon Hill) — ABŞ-nin Kaliforniya ştatının San-Fransisko şəhərində yerləşən məhəllə.
Edqar Rinkeviç
Edqars Rinkēvičs (21 sentyabr 1973, Yurmala, Latviya SSR) — Latviyalı siyasətçi və dövlət xadimi, 8 iyul 2023-cü ildən Latviya Prezidenti. 2011–2023-cü illərdə Latviyanın Xarici İşlər Naziri vəzifəsini icra etmişdir.
Rinkēvičs, Latviya Seymi tərəfindən 31 may 2023-cü ildə prezident seçilmiş və 8 iyul 2023-cü ildə and içərək vəzifəsinin icrasına başlamışdır. O, Latviya tarixində ən uzun müddət xarici işlər naziri vəzifəsini tutan şəxsdir.
Rinkēvičs, 2014-cü ildən "Birlik" partiyasının üzvüdür. Latviya Seymində 2008–2011-ci illərdə Müdafiə, Daxili İşlər və Korrupsiyanın Qarşısının Alınması Komissiyasının sədri vəzifəsini icra etmişdir.
Edqars Rinkēvičs, Latviyanın Avroatlantik inteqrasiyasını dəstəkləyən və Rusiyanın Ukraynaya təcavüzünü qınayan siyasətçilərdən biri kimi tanınır. O, həmçinin Latviyada LGBT hüquqlarının müdafiəçisidir və açıq şəkildə homoseksual olduğunu bildirmişdir. 2023-cü ildə Latviya prezidenti seçilməsi ilə Avropa Birliyi ölkələri arasında açıq şəkildə homoseksual olan ilk dövlət başçısı olmuşdur.
== Həyatı ==
Edqars Rinkēvičs 21 sentyabr 1973-cü ildə Latviya SSR-in Yurmala şəhərində anadan olmuşdur.
