solğun sözünün azərbaycan dilində istifadasi, mənası, izahı, yazılışı, tərcüməsi / Sözlük

Solğun mahmızlalə

Solğun mahmızlalə (lat. Corydalis pallida) — bitkilər aləminin qaymaqçiçəklilər dəstəsinin xaşxaşkimilər fəsiləsinin mahmızlalə cinsinə aid bitki növü.

Solğun qaratoyuq

Solğun qaratoyuq (lat. Turdus pallidus) — heyvanlar aləminin xordalılar tipinin quşlar sinfinin sərçəkimilər dəstəsinin qaratoyuqlar fəsiləsinin qaratoyuq cinsinə aid heyvan növü.

Solğun süsən

Solğun süsən (lat. Iris pallida) — bitkilər aləminin qulançarçiçəklilər dəstəsinin süsənkimilər fəsiləsinin süsən cinsinə aid bitki növü.

Solğun çiçəklər

Solğun çiçəklər (pyes) - yazıçı Cəfər Cabbarlının yazdığı pyes. Solğun çiçəklər (opera) - bəstəkar Süleyman Ələsgərovun yazdığı opera. Solğun çiçəklər (film, 1987) - tamaşa.

Solğun Mavi Nöqtə

Solğun Mavi Nöqtə — 14 fevral 1990-cı ildə Voyacer 1 kosmik zondu tərəfindən rekord məsafədən təqribən 6 milyard kilometrdən (3.7 milyard mil, 40.5 a.v.) çəkilən Yer planetinin fotoşəkilidir, bu fotoşəkil Günəş sisteminin "Ailə albomu"-na daxil olan şəkillərdəndir. Fotoşəkildə Yerin görünən ölçüsü bir pikseldən azdır; planet kamera tərəfindən əks olunan Günəş işığı zolaqları arasında kosmosun sonsuzluğunda kiçik tənha nöqtə formasında görünür.İlkin missiyasını tamamlayan və Günəş Sistemini tərk etməkdə olan Voyacer 1 kosmik gəmisinə, NASA tərəfindən astronom və yazıçı Karl Saqanın xahişi ilə kamerasını döndərməsi və Yer kürəsinin son bir şəklini çəkməsi əmri göndərildi. "Solğun mavi nöqtə" termini Karl Sagan tərəfindən fotoşəkilin əhəmiyyətini əks etdirən eyni adlı kitabda qeyd olunmuşdur."Solğun Mavi Nöqtə", Karl Saqanın bu fotodan ilham alaraq 1994-cü ildə yazdığı kitabının da adıdır. Fotoşəkil, 2001-ci ildə space.com tərəfindən ən yaxşı on kosmos fotoşəkilindən biri seçilmişdir. == Arxa fon == 1977-ci ilin sentyabr ayında NASA, xarici Günəş sistemini və nəticədə ulduzlararası fəzanı öyrənmək üçün bir missiya üzərinə 722 kiloqram (1.592 funt) robot kosmik vasitəsi olan Voyacer 1-i işə saldı. Voyacer 1 kosmik gəmisi, xarici Günəş sistemini araşdırmaq məqsədilə ABŞ tərəfindən 5 Sentyabr 1977-ci ildə kosmosa göndərilmişdir. 14 Fevral 1990-cı ildə NASA, əsil vəzifəsini bitirmiş və artıq Yer kürəsindən xeyli uzaqlaşmış olan Voyacer 1-ə yeni əmrlər göndərərək Günəş Sistemindəki bütün planetlərin şəkillərinin çəkilməsini təmin etdi. Kosmik gəmindən göndərilən şəkillərdən birində, qara fonda solğun mavi bir nöqtə görünürdü. Bu, Yer kürəsi idi. NASA veb saytına istinadən bu fotoşəkil Yerdən 6,4 milyard km məsafədən çəkilmişdir.

Solğun fitçalan ördək

Solğun fitçalan ördək (lat. Dendrocygna viduata) — heyvanlar aləminin xordalılar tipinin quşlar sinfinin qazkimilər dəstəsinin ördəklər fəsiləsinin ağac ördəyi cinsinə aid heyvan növü.

Solğun qaraqaş tinamu

Solğun qaraqaş tinamu (lat. Crypturellus transfasciatus) — heyvanlar aləminin xordalılar tipinin quşlar sinfinin tinamukimilər dəstəsinin tinamular fəsiləsinin əsl tinamu cinsinə aid heyvan növü.

Solğun çiçəklər (opera)

Solğun çiçəklər — Süleyman Ələsgərovun ikinci operasıdır. Əsər görkəmli dramaturq C.Cabbarlının eyni adlı dramı əsasındadır. Bu operettanın librettosunu və şerlərini H.Ziya yazmış, rejissoru tanınmış aktyor, Azərbaycanın xalq artisti Y.Nuri, rəssamı isə əməkdar incəsənətə xadimi Ə.Fətəliyevdir. "Solğun çiçəklər" operası 1997-ci ildə Azərbaycan Dövlət Akademik opera və balet teatrınlda tamaşaya qoyulmuşdur. Bu səhnə əsərində bəstəkar öz yaradıcılığına sadiq qalaraq operadakı xor və vokal ansambllarını, ariya və ariozaları, orkestr nömrələrini xalq musiqisi və muğam intonasiyalarına əsaslanıb yazmışdır.

Solğunçiçək zanbaqca

Solğunçiçək zanbaqca (lat. Fritillaria pallidiflora) — bitkilər aləminin zanbaqçiçəklilər dəstəsinin zanbaqkimilər fəsiləsinin zanbaqca cinsinə aid bitki növü.

solğun sözünün leksik mənası və izahı

1 sif. 1. Rəngi qaçmış, rəngi solmuş, soluq. Solğun çöhrə. – [Ovçunun] solğun dodaqları əsir, bir-birindən xeyli aralı olan qövsəbənzər qaşları çatılmışdı. M.Rzaquluzadə. [Mahmudun] solğun sifəti qızarmışdı. S.Vəliyev. // Təravəti getmiş, təravətini itirmiş, solmuş, saralmış, ölgün. Solğun çiçək. Solğun yarpaq. // məc. Pəjmürdə, tutqun, pərişan, dilxor. [Gülüş:] Sevil, nə üçün belə solğunsan, yoxsa bir yerin ağrıyır? C.Cabbarlı. 2. Rəngi yaxşı bilinməyən, parıltısı nəzəri cəlb etməyən, ölgün. Solğun parça. Solğun pərdə. – [Hacı Qara:] Rus malı alıram, solğun (z.) çıxır, qızılbaş malı alıram, çürük çıxır. Ə.Haqverdiyev. // Ağarmış, bozarmış, rəngi getmiş. Orada-burada solğun paltarlı qocalar və arvadlar gözə çarpırdı. Çəmənzəminli. Kosa iki əli ilə öz başına bərk bir qapaz vurdu. Onun solğun kepkasının burnu öz burnu ilə qoşalaşdı. S.Rəhimov. // Parıltısız, tutqun, işığı zəifləmiş, ölgün. Solğun şəfəq. Solğun işıq. – Bəzən də göyləri gəzən solğun ay; Yarıb buludları hücuma çıxır. S.Vurğun. Günəş solğun, üfüq də tutulmuş kimi dərdə; Orda sarı buludlar sallanır pərdə-pərdə. M.Müşfiq. 3. məc. Dili, üslubu təsirli, ifadəli olmayan; çox zəif. Solğun tərcümə. Əsərin solğun dili var.
Azərbaycan dilinin izahlı lüğəti / solğun

solğun sözünün sinonimləri (yaxın mənalı sözlər)

1 bürüşük
Azərbaycan dilinin sinonimlər lüğəti / solğun
2 sönük — zəif — tutqun
Azərbaycan dilinin sinonimlər lüğəti / solğun
3 SOLĞUN Qız ara-sıra onun solğun bənizinə göz qoyurdu.. (X.Hasilova); PƏJMÜRDƏ Neçin görən o belə pərişan, pəjmürdədir; Nə düşünür, nə anır, üzündəki qəm nədir? (B.Vahabzadə); RƏNGİ QAÇMIŞ Rəngi qaçmış və güclə nəfəs alan qadın hərdənbir çocuqlara çəmkirirdi (Çəmənzəminli); SOLUXMUŞ.
Azərbaycan dilinin sinonimlər lüğəti / solğun

solğun sözünün rus dilinə tərcüməsi

1 бледный, блеклый, выцветший, завялый
Azərbaycanca-rusca lüğət / solğun
2 прил. 1. бледный: 1) без румянца, лишённый естественной окраски (о цвете лица). Solğun yanaqlar бледные щеки, solğun dodaqlar бледные губы, yorğunluqdan solğun бледный от усталости 2) светящийся слабым светом, без блеска; тусклый. Solğun işıq бледный свет, solğun ay бледная луна, solğun ulduzlar бледные звёзды 3) неяркий. Solğun rəng бледная окраска, бледный тон 4) перен. невыразительный, лишённый яркости – о языке, стиле и т.п. Solğun tərcümə бледный перевод, solğun əsər бледное произведение 2. увядший: 1) утративший свежесть; завядший. Solğun çiçəklər увядшие цветы, solğun yarpaqlar увядшие листья 2) потерявший молодой, здоровый вид; поблёкший. Solğun gözlər увядшие глаза 3) блёклый, поблёклый (увядший, утративший свежесть). Solğun ot блёклая трава 3. линялый (полинявший, выцветший). Solğun parça линялый материал, solğun paltar линялое платье, solğun pərdə линялый занавес
Azərbaycanca-rusca lüğət / solğun

solğun sözünün inglis dilinə tərcüməsi

1 s. pale, pallid; (yorğunluqdan) wan; məc. colourless; faded; ~ çiçəklər faded flowers; ~ görkəm pallid look; ~ təbəssüm a wan smile
Azərbaycanca-ingiliscə lüğət / solğun

solğun sözünün ləzgi dilinə tərcüməsi

1 прил. 1. ранг фейи, ранг алахьай; рангар катай, рангар атӀай, ранг авачир (мес. ччин, пӀузарар); 2. хъипи хьайи, хъипи (мес. пеш); тазавал амачир, элчуьхай, шуьткьвей (мес. цуьк); 3. пер. ччинин рангар атӀай, ччина ранг авачир, гьалар чӀуру, перишан; 4. алахьай хьтин, рангар хъсан кьатӀуз тежер; алахьай (мес. парча, ппек); 5. пер. буьркьуь, зайиф, кьейи (мес. экв); çırağın solğun işığı чирагъдин буьркьуь экв; 6. пер. чӀалан жигьетдай таъсирлу тушир, са эсер тийир, гзаф зайиф; мес. таржума).
Azərbaycanca-ləzgicə lüğəti / solğun

solğun sözünün türk dilinə tərcüməsi

1 solgun
Azərbaycanca-türkcə lüğət / solğun

2003	•••••	0.39
2004	•••••••••••••••	1.35
2006	•••	0.23
2007	•••••••••	0.85
2008	••••••	0.49
2009	•••••••••••••••••••	1.76
2010	••••••••••••••••••••	1.91
2011	••••••••••••••••	1.46
2012	••••••••	0.69
2013	•••••••••••••••••	1.60
2014	•••••••••••••••••	1.54
2015	•••••••••	0.85
2016	••••	0.35
2017	••••••••••••••••	1.46
2018	•••••••	0.60
2019	••••••••••••••••••	1.67
2020	••••••••••	0.93

solğun sözü azərbaycan dilində

Yazılış

Mündəricat

Tezlik illər üzrə