Türkiyə Prezident Forsu
Türkiyə Prezident Forsu, Türkiyəni və Türkiyə Respublikası prezidentini təmsil edən, Türkiyə dövlətinin rəsmi rəmzlərindən biri. Forsun sol üst küncündə olan günəş və ulduzlar sarı rəngdədir.
== Tarixi ==
Hazırda istifadə olunan bu forsun və gerbin ilk dəfə nə vaxt istifadə olunmağa başladığı barədə rəsmi məlumat yoxdur. İstifadəsinə dair var olan ən köhnə sübut Atatürkün Milli Qurtuluş müharibəsinin sonlarına doğru, 1922-ci ilin sentyabrında İzmir şəhərində çəkilən şəkilidir. Həmin şəkildə Atatürkün avtomobilində görünən bayraq hazırda istifadə olunan forsun bənzəridir. Həmin şəkildə olan bayraq günümüzdə Atatürk və Milli Qurtuluş Müharibəsi Muzeyində saxlanılır.1923-cü ildə Türkiyənin müstəqilliyini elan etməsinin ardınca dövlət rəmzləri yenidən hazırlanmışdır. İlk olaraq, 3 mart 1923-cü ildə Sultan II Əbdülməcidin forsu ləğv olunmuş, 22 oktyabr 1925-ci ildə isə prezident forsu rəsmi şəkildə qəbul edilmişdir. Təlimatnaməyə görə, ay və ulduz bayraqda olduğu kimi istifadə olunur, günəşdən çıxan işıqlar isə 20 ədəd olmaqla forsun üzərində öz əksini tapmışdır. 18 fevral 1978-ci ildə qəbul edilən qərarla gerbdə olan günəş şüalarının sayı 16-ya endirilmişdir.
== Mənası ==
Ətrafındakı 16 ulduz, tarixdəki 16 böyük Türk dövlətini təmsil edir.
