Həştadsər dağı
Həştadsər dağı — Azərbaycanda tarixi yer. İndiki Cənubi Azərbaycanın Qaradağ mahalında, Ərdəbil şəhərindən şimal-qərbdə yerləşir.
Xürrəmilərin Bəzz qalası Həştadsər dağı yaxınlığında idi. Həştadsər dağında Babək hərəkatı zamanı ərəb qoşunları ilə xürrəmilər arasında bir neçə vuruşma olmuşdur.
Həştadsər vuruşması
Həştadsər vuruşması — ərəb qoşunları ilə xürrəmilər arasında Həştadsər dağı yaxınlığında baş vermiş döyüş (3 iyun 829).
Xilafətin məşhur sərkərdələrindən Məhəmməd ibn Hümeydin komandanlıq etdiyi 150 minlik ərəb ordusu xürrəmilərin əsas iqamətgahı olan Bəzz qalasını tutmağı qarşıya məqsəd qoymuşdu. Babəkin komandanlıq etdiyi üsyançılar iyunun 3-də düşmənə qəflətən ağır zərbə vurdular. Məhəmməd ibn Hümeyd döyüş zamanı öldürüldü. Təqribən 30 min döyüşçü itirən ərəb qoşunu geri çəkilməyə məcbur oldu.
