Hüseyn Həmadani
Hüseyn Həmadani (fars. حسین همدانی) - İran İnqilab keşikçiləri Ordusunun hərbçisi. 1979-cu ildə baş vermiş İranda kürdlərin üsyanı, İran-İraq müharibəsi və Suriya vətəndaş müharibəsində iştirak etmişdir. Briqadir rütbəsində olan Həmadani 2015-ci ilin 7 oktyabr tarixində Hələb yaxınlığında İraq Şam İslam Dövləti terrorçuları ilə döyüşdə öldürülüb. Ölümündən sonra İran İnqilab keşikçiləri Ordusunun General-mayoru rütbəsi verilmişdir.
== Həyatı ==
Hüseyn Həmadani 1950-ci ilin 15 dekabr tarixində İranın Xuzistan ostanına daxil olan Abadan şəhərində anadan olub. Hərbçi kimi tanınmasında 1979-cu ildə İranda kürd üsyanının yatırılmasındakı iştirakı göstərilməkdir. Ardınca 1980-1988-ci illəri əhatə edən İran-İraq müharibəsində iştirak edib. Həmadani eyni zamanda Kürdüstan ostanında fəaliyyət göstərən kommunist silahlı dəstələrin zərərsizləşdirilməsinə rəhbərlik edən şəxslərdən biri olmuşdur.
Həmadani 2005-ci ildə İran İnqilab keşikçiləri Ordusu komandirlərindən olan Məhəmməd Əli Cəfəri tərəfindən yüksək vəzifəyə çəkilmişdir.
Salehabad (Həmadan)
Salehabad — İranın Həmədan ostanının Bahar şəhristanının Salehabad bəxşində şəhər və bu bəxşin mərkəzi. 2006-cı il əhalinin siyahıya alınmasına əsasən, şəhərin əhalisi 7,708 nəfər və 1,974 ailədən ibarət idi. Əhalisinin əksəriyyəti azərbaycanlılardan ibarətdir və Azərbaycan dilində danışırlar.
