meydan sözü azərbaycan dilində

meydan

* azərbaycan dilinin orfoqrafiya lüğətində mövcuddur

Yazılış

  • meydan • 83.7248%
  • Meydan • 16.1928%
  • MEYDAN • 0.0824%

* Sözün müxtəlif mətnlərdə yazılışı.

Mündəricat

Tezlik illər üzrə

Sözün tezliyi - sözün mətnlərdə hansı tezliklə rast gəlinmə göstəricisidir. Bu rəgəm 1 000 000 söz arasında sözün neçə dəfə meydana gəlməsini göstərir.

Ümumi • 26.24 dəfə / 1 mln.
2002 •••• 6.85
2003 ••••••••••• 20.87
2004 ••••••••••• 20.21
2005 •••••••••••••••• 30.37
2006 ••••••••••• 19.60
2007 ••••••••••••• 24.74
2008 •••••••••••••••• 30.45
2009 ••••••••••••••• 28.16
2010 •••••••••••••••• 30.50
2011 •••••••••••••••••••• 38.52
2012 ••••••••••••••••• 32.53
2013 ••••••••••••••••••• 34.72
2014 ••••••••••••••• 28.66
2015 •••••••••••• 22.97
2016 •••••••••• 18.57
2017 •••••• 10.73
2018 ••••••••• 17.08
2019 •••••••••• 17.80
2020 ••••••••••••• 24.13

meydan sözünün leksik mənası və izahı

  • 1 is. [fars.] 1. Şəhər və ya kənd, qəsəbə və s. içərisində tikilisiz açıq və geniş düz yer, sahə. Bakıda Azneft meydanı. – Yavaş-yavaş gəlib bir böyük meydana yetişdik. Ə.Haqverdiyev. Çatıb kəndin meydanına düşdük atlardan; Kənd axışdı yanımıza keçmədi bir an. S.Rüstəm. 2. Ümumiyyətlə, düz və geniş sahə; düzənlik, genişlik. Dağın o tərəfi böyük meydandır. 3. Bir işin icrası üçün geniş sahə, yer. Vuruş meydanı. Döyüş meydanı. Təlim meydanı. – [Koroğlu:] Yağı düşmənin hərbəsi; Qaçırtmaz meydandan məni. “Koroğlu”. Gənclərin gücü ilə bir neçə dəfə iməcilik keçirilib, idman meydanı düzəldi. Ə.Sadıq. 4. Obrazlı təşbehlərdə: “geniş”, “enli” mənasında. Əyilməyib, düzdür onun uca qaməti; Sinə meydan, kürək enli, görkəmi dağdır. Ə.Əlibəyli. 5. Yerlik halda: meydanda – ortada, arada, aralıqda. Meydanda bir səbəb yoxdur. Lazım olan şeylərin heç biri hələ meydanda yoxdur. // Yönlük halda: meydana – ortaya, araya, aralığa. Bəli, bizlərdə övrəti boşamaq lazım olanda həmişə meydana bir bəhanə gəlir. C.Məmmədquluzadə. // Yerlik halda xəbər şəkilçisi ilə: meydandadır – aşkardır, göz önündədir, hamı görür. Onun gördüyü işlər hamısı meydandadır. 6. məc. Fürsət, imkan; əlverişli şərait. Mahi-ramazandır, yenə meydan da bizimdir! Meydan da bizim, ərsədə cövlan da bizimdir? M.Ə.Sabir. Bir qız ilən bir gəlinin bəhsi var; Gəlin deyər: – Bu gün meydan məndədir. Aşıq Valeh. ◊ Meydan açmaq – mübarizəyə çağırmaq, döyüşə hazır olmaq, döyüşə girişmək. Minincə öz Qıratına; Meydan açar əsən yelə. A.Şaiq. Qəhrəmanım gülümsədi, qüvvət gəldi qəlbinə; Dalğalara sinə gərdi, meydan açdı o yenə. S.Vurğun. Meydan demək – bax meydan oxumaq. Meydan deyir qaranlığa; Dayanmadan bir anlığa. S.Vurğun. Meydan düzəltmək – bax meydan qurmaq. [Xəlfə:] Gəlin aşaq dağ ardına, orda meydan düzəldək, qoy gəlin-qız burda çalıboynasın. C.Cabbarlı. Meydan günü – imtahan, sınaq vaxtı, yoxlama zamanı. Ölənədək dönə bilməz yarından; Meydan günü başın qoyar can ilə. M.V.Vidadi. Meydan qurmaq – toplaşmaq, bir yerə yığılmaq. Meydan quraq, söhbət açaq, saz tutaq; Gül yanaqda qoşa xaldan danışaq. S.Vurğun. Meydan oxumaq – müharibəyə, döyüşə, mübarizəyə çağırmaq, hədələmək. At oynatdı kuyində hər cahangir bir kərə; Ərəb meydan oxudu şövkətli qeysərlərə. Ə.Cavad. [Altunbay:] Mən bütün dünyaya meydan oxuyan bir qüvvətə qarşı dura bilmərəm. C.Cabbarlı. Meydan sulamaq – hökmranlıq etmək, özünü hökmran kimi aparmaq, mənəm-mənəm demək. Ağacın dibində qanadlarını açıb meydan sulayan çil-çil xoruzu [Qaraş] qovdu. M.İbrahimov. Cəmiyyətlə şəxsiyyət arasında hər cür ziddiyyətin silinib yox olduğu bir dövrdə Kərəmov meydan sulaya bilməzdi. İ.Əfəndiyev. Meydan tutmaq – çaşmaq, karıxmaq, özünü itirmək, nə edəcəyini bilməmək. Silanın qəlbi alovlandı. Onu meydan tutdu. S.Vəliyev. Meydan vermək – imkan vermək, mane olmamaq, yol vermək, kömək etmək. [Bəhram:] Yox, verilməz buna meydan; Sarayın öz qanunu var. A.Şaiq. [Firəngiz Cəbrayıla:] Biz [Musaya] öz fikrini deməyə nə vaxt meydan vermişik? B.Bayramov. Meydana atılmaq – özünü qabağa vermək, irəli atılmaq. Bizim … qırxayaq (xərçəng) kimi geri getməyimizin ümdə səbəbi bizim bilamülahizə fikir meydana atıb yalançı pəhləvan kimi oyun çıxartmağımızdır. Ü.Hacıbəyov. Meydana atmaq – aşkara çıxarmaq, aşkar etmək, hamıya bildirmək. Meydana buyur (buyur meydana) – döyüşə, vuruşa və ya mübahisəyə dəvət. [Şah:] Sən bədəfkar və xəbis cəlladsan; Qorxmuram səndən, buyur meydana sən. Ü.Hacıbəyov. Meydana çıxartmaq – aşkar etmək, göstərmək. Bizim mollalarımız bu iki ilin müddətində, guya ki, bir özgə şəriət meydana çıxarıblar. C.Məmmədquluzadə. “Həyat” Mirzədə güclü dramaturqluq istedadının olduğunu meydana çıxartdı. S.Rəhman. Meydana çıxmaq – aşkar olmaq, zahirə çıxmaq, ortada görünmək. …Əgər xanım qızlar kişi kimi meydana çıxmasalar, vətən övladının gələcəyə arxayın olmağı çətindir. C.Məmmədquluzadə. Niyə nuri-həqiqət çıxmayır meydanə bilməm ki… M.Hadi. Meydana gəlmək – 1) mübahisə, mübarizə meydanına daxil olmaq. Bircə nolaydı gələ meydanıma; Ta ki, düşə gözləri cövlanıma. S.Ə.Şirvani. Sədd çəkildi dörd yana; Ağ at gəldi meydana. S.Vurğun; 2) ortaya çıxmaq. Hamamdan gələndən sonra bəyin başı qırxılmaq məsələsi meydana gəlir. R.Əfəndiyev. Meydana qoymaq (çəkmək) – ortaya çıxarmaq, üzə çıxarmaq, zahir etmək, açmaq, bildirmək. Məsələni meydana qoymaq. – Təlxəklər bütün kələklərini meydana qoydular. Çəmənzəminli. Meydanda olmaq – zahirdə, aşkarda olmaq, göz önündə olmaq. Meydanda tək qalmaq – köməksiz olmaq, təkbaşına qalmaq. Bu dəmdə Xəlilə kənardan tamaşa edən olsaydı, onu meydanda tək qalmış və ümidsizlikdən qəddi bükülmüş bir igidə bənzədərdi. M.Hüseyn. Meydandan qaçmaq – axıra qədər bir işi davam etdirməmək, dala çəkilmək, qorxmaq. Meydandan qaçana namus, ar olsun! “Koroğlu”. Meydanı boş (xali) görmək – heç bir maneənin olmamasından istifadə etmək, istədiyini edə bilmək. Meydanı boş görmüsən? – Gördü meydanı adamdan xali; Hərə bir əzmə şitaban oldu. M.Ə.Sabir. Meydanı daralmaq – işlənmə sahəsi azalmaq, məhdudlaşmaq. …Ərəb [əlifbasının] meydanı gündən-günə daralmaqdadır. F.Ağazadə.

    Azərbaycan dilinin izahlı lüğəti

meydan sözünün etimologiyası

  • 1 Fars mənşəlidir “şadlanmaq yeri” deməkdir, mey “içki”, dan “yer” deməkdir (çaydan, çamadan, güldan...). (Bəşir Əhmədov. Etimologiya lüğəti)

    Azərbaycan dilinin etimologiya lüğəti

meydan sözünün sinonimləri (yaxın mənalı sözlər)

meydan sözünün rus dilinə tərcüməsi

  • 1 1. площадь; 2. арена; 3. поле сражения, боя;

    Azərbaycanca-rusca lüğət
  • 2 сущ. 1. площадь (в городе, селе). Azadlıq meydanı площадь Свободы, vağzalyanı meydan привокзальная площадь, Gənclər meydanı площадь Молодёжи 2. поле: 1) обширное пространство чего-л. Geniş meydan широкое поле 2) оборудованная ровная площадь. Uçuş meydanı лётное поле, futbol meydanı футбольное поле 3) перен. область, сфера какой-л. деятельности; поприще 3. арена (место, где происходит, разыгрывается что-л.). Müasir dünya şiddətli mübarizə meydanıdır современный мир является ареной острой борьбы, geniş fəaliyyət meydanı широкая арена деятельности, meydandadır kim, nə налицо кто, что ◊ döyüş meydanı поле боя, поле брани; meydan vermək kimə, nəyə дать простор к ому, ч ему; meydan oxumaq: 1. бряцать оружием, вызывать кого-л на бой, бросать, бросить вызов кому-л.; 2. вести себя вызывающе; meydana çıxmaq: 1. появляться, появиться, возникать, возникнуть; 2. выходить, выйти на арену; meydana çıxartmaq: 1. kimi, nəyi выводить, вывести на арену; 2. nəyi выявлять, выявить, обнаруживать, обнаружить что; meydandan çıxmaq, meydanı tərk etmək выходить, выйти из игры; meydanı qızışdırmaq подливать масло в огонь, подстрекать, подзадоривать; meydanı daralıb kimin, nəyin поле деятельности сузилось у кого; meydana at salmaq: 1. бряцать оружием; 2. вмешаться в разговор, спор; meydana gəlmək появляться, появиться на арене; meydana qoymaq выставлять, выставить напоказ; meydana gətirmək создавать, образовывать, производить, творить; meydana atılmaq кидаться, кинуться в бой; meydandan qaçmaq выходить, выйти из игры; meydanda tək qalmaq остаться один на один с кем -, с чём-л., остаться одному на поле брани; meydanı boş görmək воспользоваться отсутствием сопротивления; meydan sulamaq; см. meydan oxumaq; meydan qurmaq собираться, собраться вместе (для каких-л. развлечений); meydan kimidir просторно где

    Azərbaycanca-rusca lüğət

meydan sözünün inglis dilinə tərcüməsi

  • 1 i. 1. square; 2. area; oyun ~ı playground; tennis ~ı tennis-court; basketbol və voleybol ~ı basketball and volley-ball pitch; tikinti ~ı building site; enmə ~ı landing ground; Azadlıq meydanı The Square of Freedom; ~a çıxartmaq to discover, to reveal, to find* out; ~a gəlmək to occur, to appear, to happen; ~a gətirmək to create (d.), to organize (d.), to produce (d.); ~dan qaçmaq to run (away); ~ vermək to give* a way; ◊ ~ oxumaq / sulamaq 1) to call smb. for fighting; 2) to act himself provocative / aggressive; ~ da olmaq to be* present, to be* on hand, to be* available; ~ dan çıxmaq to leave* fight, to run* (away)

    Azərbaycanca-ingiliscə lüğət

meydan sözünün fransız dilinə tərcüməsi

  • 1 is. 1) place f ; Füzuli ~ı place Fuzouli ; 2) champ m ; terrain m ; uçuş ~ı terrain d’aviation ; təlim ~ı champ de manoeuvres ; döyüş ~ı champ de bataille ; tennis ~ı court m ; ~a gətirmək créer vt, organiser vt, produire vt ; ~ vermək donner libre cours à qch ◊ ~ı qızışdırmaq jeter de l’huile sur le feu ; ~a atılmaq jeter (se) dans le combat, lancer (se) dans la bataille

    Azərbaycanca-fransızca lüğət

meydan sözünün ləzgi dilinə tərcüməsi

  • 1 [fars.] сущ. майдан (1. шегьердин, хуьруьн къене ва мс. дараматар авачир гегьенш, ахъа, фирягь, дуьз чка; дуьзенлух; 2. тешпигьра: генг, гьяркьуь, фирягь манада (мес. инсандин хуруз тешпигь); 3. пер. фирсет, серфе, имкан; кутугай шартӀар, шараит; at ələ düşər, meydan ələ düşməz. Ata. sözü балкlан жагъида, майдан жагъидач; 4. meydanda майданда(л), юкьвал, арадал; meydandadır майдандал ала, дуьздал ала, ашкара я, вилик ква, виридаз аквазва; ** meydan demək кил. meydan oxumaq; meydan düzəltmək кил. meydan qurmaq; meydan qurmaq майдан туькӀуьрун, кӀватӀ хьун, са чкадал кӀватӀ хьун; meydan oxumaq майдан кӀелун, женгиниз, дяведиз эверун, кичӀерар гун; meydan sulamaq майдан гьалун, агъавал авун, вичи-вич агъа хьиз тухун, зун-зун лугьун; meydan tutmaq акахьун, какахьун, вичи-вич квадарун, кьил квадарун, вуч ийидатӀа течиз амукьун; meydan vermək майдан гун, имкан гун, манийвал тавун, рехъ гун, куьмекун; meydana atmaq арадал вегьин, дуьздал акъудун, ашкара авун, виридаз чирун; meydana buyur (buyur meydana) ша майдандиз (женгиниз, кукӀуниз, дяведиз эвер гун); meydana çıxarmaq майдандиз (майдандал) акъудун, дуьздал акъудун, ашкара авун, къалурун; meydana gəlmək а) майдандиз атун, женгиниз атун, женгиник экечӀун; б) арадал атун; meydanda tək qalmaq майдандал тек аламукьун, куьмек авачиз амукьун; meydanda olmaq майдандал хьун, дуьздал хьун, винел хьун, вилин кӀаник хьун; meydandan qaçmaq майдандай катун, са кар эхирда кьван тавун, кьулухъ хьун, кичӀе хьун.

    Azərbaycanca-ləzgicə lüğəti

meydan sözünün türk dilinə tərcüməsi

meydan sözü azərbaycan dilinin lüğətlərində

Klassik Azərbaycan ədəbiyyatında işlənən ərəb və fars sözləri lüğəti

f. 1) açıqlıq, düz yer; 2) bir neçə küçə arasındakı şahə. Meydani-cəng döyüş meydanı; meydani-eşq eşq meydanı.

Klassik Azərbaycan ədəbiyyatında işlənən ərəb və fars sözləri lüğəti

Azərbaycan kişi adlarının izahlı lüğəti

açıq və geniş sahə.

Azərbaycan kişi adlarının izahlı lüğəti

"meydan" sözü ilə başlayan sözlər

Oxşar sözlər

#meydan nədir? #meydan sözünün mənası #meydan nə deməkdir? #meydan sözünün izahı #meydan sözünün yazılışı #meydan necə yazılır? #meydan sözünün düzgün yazılışı #meydan leksik mənası #meydan sözünün sinonimi #meydan sözünün yaxın mənalı sözlər #meydan sözünün əks mənası #meydan sözünün etimologiyası #meydan sözünün orfoqrafiyası #meydan rusca #meydan inglisça #meydan fransızca #meydan sözünün istifadəsi #sözlük