Naş qolos
Naş qolos — gündəlik ədəbi, ictimai-siyasi, menşevik qəzeti.
== Tarixi ==
1-ci nömrəsi 1918-ci il yanvarın 6-da, sonuncu (59-cu) nömrəsi həmin ilin martında Bakıda çıxmışdır. Qəzet redaksiya heyəti tərəfindən buraxılırdı. Erməni-daşnak silahlı dəstələrinin Bakıda Azərbaycan xalqına qarşı törətdiyi Mart soyqırımı (1918) günlərində "Naş qolos" şəhərdəki vəziyyəti təsvir edərək yazmışdı: "Hər yerdə meyitlər qıc olmuş, eybəcər hala salınmışdır. Təzəpir məscidinin yanında ağır mənzərə var. Məscid atəşdən zərər çəkmişdir. İbadətgahın təhqir olunması geniş kütlələrin qəlbini göynədir, meyitlər onları daha çox narahat edir. Nifrət və təhqir zəhərinin necə dərinliyə işlədiyi hiss olunur. Bu düşmənçiliyi aradan qaldırmaq, bu nifrətin qəzəbli intiqam hissinə çevrilməsinin qarşısını almaq üçün çox iş görmək lazım gələcək" ("Naş qolos", 24 mart, 1918-ci il).
Yuri Qolosilkin
Yuri Stepanoviç Qolosilkin - ANS Ş.Q.MMC-nin Prezidentinin Ümumi Məsələlər üzrə Müşaviri
== Həyatı ==
Yuri Stepanoviç Qolosilkin 1935-ci ildə Bakıda anadan olub.
KQB-nin yetkin əks-kəşfiyyatçılardan biri olub.
1997-ci ildən 2004-cü ilədək “ANS” Müstəqil Yayım və Media Şirkətində müxtəlif vəzifələrdə - Təhlükəsizlik xidmətinin rəis müavini, rəisi, Cəmiyyətin Ümumi işlər üzrə müşaviri vəzifələrində işləyib.
Qolosilkin Yuri 2004-2012 illərdə “ANS ŞİRKƏTLƏR QRUPU” MMC-də Ümumi məsələlər üzrə Baş müşavi olub.
ANS Şirkətlər Qrupu prezidentinin müşaviri Yuri Stepanoviç Qolosilkin 7 iyul 2012-ci ildə səhər ürək tutmasından 76 yaşında vəfat edib.
== Fəaliyyəti ==
Yuri Qolosilkin 1986-ci ildə Ukraynanın Çernobıl Atom Elektrik Stansiyasında baş vermiş faciəvi nüvə partlayışından dərhal sonra əraziyə yollanmış və orada operativ-tədqiqat işi ilə məşğul olan azərbaycanlılardan biridir.
