yenə sözünün azərbaycan dilində istifadasi, mənası, izahı, yazılışı, tərcüməsi / Sözlük

Yenə tək (albom)

Yenə tək – Azərbaycan müğənnisi Aygün Kazımovanın studiya albomu. Alboma 15 mahnı daxildir. == Hazırlanması == Albomdakı "Yenə tək" mahnısının sözləri meyxanaçı-müğənni Namiq Qaraçuxurluya aiddir. Mahnıya klipi rejissor Ülviyyə Könül lentə almışdır. Klip ATV və Aygün Kazımovanın evində çəkilmişdir. Klipdə Sənubər İsgəndərli rol almışdır.Albomdakı "Yenə tək" mahnısı ilə yanaşı, Pop Diva "Sevgisiz Sevgi" və "Gülər" mahnılarına da klip çəkmişdir. Hər iki ekran işinin rejisoru Aqil M. Quliyevdir.

Yenə tək (mahnı)

O yenə buradadır

Baxın kim qayıdıb (alm. Er ist wieder da‎) — Timur Vermesin Adolf Hitler haqqında yazdığı və ən çox satılmış romanlar arasında olan eyniadlı əsərinin ekranlaşdırılmış versiyasıdır. Filmin rejissoru Devid Vnendtdir. Film 2015-ci ildə çəkilmişdir və komediya filmidir. Filmin süjet xətti Hitlerin müasir almanlarla ünsiyyətindən bəhs edir. Adolf Hitleri obrazını Oliver Mazuççi canlandırmışdır. Film 89-cu Akademiya Mükafatları zamanı Ən yaxşı Beynəlxalq Film nominasiyası üzrə göstəriləcək səkkiz filmdən biri kimi göstərilsə də, ancaq bu nominasiyaya seçilməmişdir.

Atamın yenə 17 yaşı var

Atamın yenə 17 yaşı var (ing. 17 Again) — 2009-cu ildə New Line Cinema tərəfindən istehsal olunmuş komediya filmidir. Film 37 yaşlı Maykın (Metyu Perri) 17 yaşlı orta məktəb şagirdinə (Zak Efron) çevrilməsindən bəhs edir. Filmin rejissoru Burr Stirs olmuşdur. Filmdə baş rolları Zak Efron, Metyu Perri, Lesli Mann, Tomas Lennon, Mişel Traxtenberq və Sterlinq Nayt ifa etmişdirlər. Film istehsal olunduğu ölkə olan ABŞ-da 17 aprel 2009-cu ildə, Türkiyədə isə 19 iyun 2009-cu ildə nümayiş olunmuşdur. DVD və Blu-ray Disc buraxılış tarixi isə 11 avqust 2009-cu il kimi göstərilmişdir. == Reaksiyalar == Təxmini büdcəsi 20 milyon dollar olan Atamın yenə 17 yaşı var ' filminin dünya miqyasında kommersiya nailiyyəti 136 milyon ABŞ dollarından çoxdur. Rotten Tomatoesdə filmin haqqında olan 140 rəydən 56%-i müsbət olmuşdur.

Deribasovskda hava yaxşıdır və ya Brayton-Biçdə yenə yağışlar yağır

"Deribasovskda hava yaxşıdır və ya Brayton-Biçdə yenə yağışlar yağır" (rus. На Дерибасовской хорошая погода, или На Брайтон-Бич опять идут дожди) — rejissor Leonid Qaydayın filmi. == Məzmun == SSRİ və ABŞ kimi iki böyük dövlətin prezidentləri çox vacib danışıqlar üçün bir-birilə görüşməlidirlər. Lakin bu görüş ABŞ-yə əsaslanan rus mafiyasının nümayəndəsinin telefon xəttini kəsməsi nəticəsində baş tutmur. Mafioz Rabinoviç hətta telefon xətti vasitəsilə iki prezidentin gizli danışıqlarını eşidir. Bu cür başlanan komediyada sonradan SSRİ və ABŞ-nin agentləri olan Fyodr Sokolov və Meri Starın sayəsində işin üstü açılır. Onlar gah Lenin, gah Stalin, gah Brejnev, gah Xruşşov, gah da adi Mişa dayıya çevrilən "artist" ləqəbli rus mafiyasının başçısını aşkara çıxarırlar. == Film haqqında == Filmin təqdimatı İsraildə olmuşdur. Bu film kinorejissor Leonid Qaydayın kinoda sonuncu işidir. Filmdə Leonid Qayday kiçik epizodda kazino müştərisi rolunu ifa edir.

Deribasovskda hava yaxşıdır və ya Brayton-Biçdə yenə yağışlar yağır (film, 1992)

Hande Yenər

Handə Yenər (12 yanvar 1973, Kadıköy, İstanbul ili) — Türk musiqiçi. == Həyatı == Əsl adı Makbulə olan müğənni ilk olaraq geyim mağazasında satıcı olaraq işə başlamışdır. Türkyəli müğənni və aktrisa Hülya Avşarın mağazaya gəlməsi və Handə Yenəri dinləməsi ilə həyatı dəyişir. Hülya Avşar müğənnini Sezen Aksu ilə tanış edir və bundan sonra Handənin sənət dünyasında yolu başlayır. == Kariyerası == İlk olaraq Sezen Aksunun bek-vokalisti olaraq səhnə almışdır. === 2000–2003-cü illər === 31 may 2000-ci ildə "Səndən ibarət" adlı ilk albomu işıq üzü görmüşdür. Albomdakı "Yalanın Batsın" mahnısına ilk klipini təqdim etmişdir. 2000-ci ildə "Altın Kələbək" mükafatını almışdır. 2001-ci ildə "Kral Müzik Ödülləri" mükafatını almışdır. 2003-cü ildə "STAR TV"-də "Hande Yener Show" verlişində aparıcılıq etmişdir.

Handə Yenər

Əhməd Yenər

Əhməd Yener (türk. Ahmet Yener; 1966, Ankara) — Türkiyə hüquqşünası. Türkiyə Yüksək Seçki Komissiyasının sədri (26 yanvar 2023 – h.h). == Həyatı və karyerası == 13 aprel 1966-cı ildə Beypazarında doğuldu. Ankara İmam Xətib Liseyi və İstanbul Universitetinin Hüquq fakültəsini bitirdi. Ankara hakim namizədi kimi karyerasına başladı. Sırası ilə Baykan, Yığılca, Sivrihisar, Osmaniye ve Kırıkkale hakimi vəzifələrində çalışdı. 22 dekabr 2011-ci ildə Ali Məhkəmənin üzvlüyünə seçildi. O, Ali Məhkəmənin 21-ci Mülki Kollegiyasının üzvüdür. 16 yanvar 2020-ci ildə Yüksək Seçki Komissiyasına üzv seçildi və 24 yanvarda fəaliyyətə başladı.

yenə sözünün leksik mənası və izahı

1 zərf (bəzən də ədatı ilə). 1. Təkrar, bir daha, təzədən, yenidən. Dünənki adam bu gün yenə gəldi. Bu gün yenə hava pisləşdi. Uşaqlar yenə qaçışmağa başladılar. – Gülbadam yenə də sual vermək istədi. N.Nərimanov. Məcnun kimi yenə düşdüm çöllərə. Molla Cümə. O günün sabahı Mirzağa üçüncü kərə olaraq Cəmilə ilə yenə üz-üzə gəldi. S.Hüseyn. // Sual şəklində: təəccüb, heyrət, məmnuniyyətsizlik bildirir. Yenə gəldin? Yenə narazılıq? Yenə də şikayət? 2. Eyni qayda üzrə, əvvəlki kimi. Yenə söhbətlər başladı. – Bir gün yenə Nigar xanımın ürəyi sıxıldı. “Koroğlu”. [Mərcan bəy:] Balam, orada olmadı, gəl yenə burada danışaq. Ü.Hacıbəyov. Otuza az qalır Aygünün yaşı; Yenə od kimidir al yanaqları. S.Vurğun. 3. Hər halda, hər necə olsa, hətta, belə, hələ də, o halda da. Gec də olsa, yenə gələcəyəm. Dediyindən yenə də əl çəkmir. Bundan yenə o yaxşıdır. 4. Eyni ilə, olduğu kimi, o cür. Dünən necə etmişdinsə, yenə elə hərəkət et.
Azərbaycan dilinin izahlı lüğəti / yenə

yenə sözünün etimologiyası

1 1. Tarixən feili bağlama kimi formalaşıb, “qayıtmaq” mənasında yan feili qeydə alınıb. Yenə həmin sözlə bağlıdır. 2. “Bu məsələ üzərinə bir də qayıtmaq” mənasını verən söz olub (rus dilindəki опять (müqayisə et: вспять) sözü də назад deməkdir). Yenə kəlməsinin qədim mənası “təkrar” anlamına uyğun olub. (Bəşir Əhmədov. Etimologiya lüğəti)
Azərbaycan dilinin etimologiya lüğəti / yenə

yenə sözünün sinonimləri (yaxın mənalı sözlər)

1 təkrar — təzədən
Azərbaycan dilinin sinonimlər lüğəti / yenə
2 yenə bax təzədən
Azərbaycan dilinin sinonimlər lüğəti / yenə

yenə sözünün rus dilinə tərcüməsi

1 опять, еще, еще раз
Azərbaycanca-rusca lüğət / yenə
2 нареч. 1. опять, ещё, ещё раз. Yenə xəstəsiniz? вы опять больны?, yenə də narazılıq опять недовольство, yenə deyirəm ещё раз говорю, yenə mübahisə başladı опять начались споры, yenə qayıdarıq опять вернёмся, yenə əvvəlki kimi опять как прежде, как раньше, yenə başladı опять началось, yenə də üz-üzə gəldik: 1) опять встретились 2) опять столкнулись 2. вновь, снова. Yenə də soruşdu вновь спросил, yenə də müraciət edirik вновь обращаемся, telefon yenə zəng çaldı вновь зазвонил телефон, yenə də böyük həvəslə işləyirdi вновь работал с большим рвением, yenə taleyini düşündü снова подумал о своей судьбе, yenə rəqibini uddu (он) снова обыграл своего соперника 3. опять-таки, всё же, всё-таки. Yenə kənd yeridir всё же это сельская местность 4. по-прежнему. Yenə də öz inadına davam edirdi по-прежнему продолжал упорствовать
Azərbaycanca-rusca lüğət / yenə

yenə sözünün inglis dilinə tərcüməsi

1 z. again, once more; ~ çalış try again; Zəhmət olmasa onu yenə deyin Please say it again
Azərbaycanca-ingiliscə lüğət / yenə

yenə sözünün fransız dilinə tərcüməsi

1 zərf. encore ; encore une fois ; davantage ; ~ çalış travaille davantage
Azərbaycanca-fransızca lüğət / yenə

yenə sözünün ləzgi dilinə tərcüməsi

1 нареч. мад; мадни; // тикрар, цӀийи кьилелай; // гьа са къайдада, эвелан хьиз; // гьар гьикӀ хьайитӀани; // гьа сад хьиз, гьа са жуьре.
Azərbaycanca-ləzgicə lüğəti / yenə

yenə sözünün türk dilinə tərcüməsi

1 gene, yine
Azərbaycanca-türkcə lüğət / yenə

yenə sözü azərbaycan dilində

Yazılış

Mündəricat