Zardaxaç
Zardaxaç — Azərbaycan Respublikasının Kəlbəcər rayonunun inzibati ərazi vahidində kənd. Azərbaycan Respublikası Milli Məclisinin 13 oktyabr 1992-ci il tarixli, 327 saylı Qərarı ilə ləğv edilmiş Ağdərə rayonunun Zardaxaç kəndi Kəlbəcər rayonunun inzibati tərkibinə verilmişdir. Kənd 1993-cü ildə Ermənistan Respublikası Silahlı Qüvvələri tərəfindən işğal edilib.
== Toponimikası ==
Əsli Zardaxaç olan oykonim zard (fars "sarı") və xаd sözlerindən düzəlib (-a bitişdirici saitdir), "qızıl xaç" mənasındadır. Kənd salındığı ərazinin adını daşıyır.
== Tarixi ==
Zardaxaç kəndi əvvəllər Dağlıq Qarabağ Muxtar Vilayətində Ağdərə rayonu inzibati ərazisinə aid idi, lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürüldü. Zardaxaç kəndi də Kəlbəcər rayonuna birləşdirilən kəndlərdən biridir.
== Coğrafiyası və iqlimi ==
Kənd Murovdağ silsiləsinin ətəyində yerləşir.