Şiniciro Vatanabe
Şiniciro Vatanabe (yap. 渡辺 信一郎 Watanabe Shin'ichirō; 24 may 1965, Kioto) — Yaponiya animasiya rejissoru, prodüseri və ssenaristi. Yaponiyada çox məşhur olsa da, dünya şöhrətini 1998-ci ildə ekranlara çıxan və müxtəlif mükafatlara layiq görülən Cowboy Bebop anime serialı ilə qazanmışdır.
Şiniçi Morişita
Şiniçi Morişita (d. 28 dekabr 1960) — keçmiş Yaponiya futbolçusu.
== Milli komanda karyerası ==
Yaponiya milli komandasının heyətində 28 oyun keçirib.
Şiniçi Moçizuki
Şiniçi Moçizuki (望月 新, 29 mart 1969-cu il, Tokio, Yaponiya) — Yaponiya riyaziyyatçısı. Saylar nəzəriyyəsi, cəbr həndəsəsi, Hoca nəzəriyyəsi sahələri ilə məşğul olur.
== Təhsili ==
Eksteredə Fillips Akademiyasını bitirib.
16 yaşında Priston Universitetinə qəbul olunub, 22 yaşında fəlsəfə doktoru elmi adını alıb.
1992-ci ildə Kioto Universitetinə işə qəbul olunur və 2002-ci ildə professor vəızifəsinə seçilir.
== Nəşrləri ==
Shinichi Mochizuki. Foundations of p-adic Teichmüller theory. http://books.google.com/books?id=JnMWs5BLTiEC
Shinichi Mochizuki. Proceedings of the International Congress of Mathematicians, Vol. II (Berlin, 1998).
Şiniçiro Otsuka
Şiniçiro Otsuka (大塚真一郎) və ya qələm adı ilə GASHIN – Yaponiya illüstratoru və videooyun personajı dizayneri.
== Həyatı ==
Yaponiyanın Kumamoto prefekturasının eyniadlı paytaxtında anadan olmuşdur.
== Fəaliyyəti ==
Müəllifin ən tanınan işi "Re:Zero -Starting Life in Another World-" ranobe seriyasıdır. Bu ranobe əsasında istehsal olunmuş "Re:Zero -Starting Life in Another World- EX" adlı yan hekayə ranobesinin illüstratorudur. Bundan əlavə, ranobe seriyası əsasında 2016-cı ildə çəkilmiş 25 seriyalıq anime adaptasiyasının və "Re:Zero ~Starting Break Time From Zero~" adlı speşlın orijinal personaj dizayneri olmuşdur. 23 sentyabr 2017-ci ildə Kadokawa Shoten nəşriyyatı tərəfindən illüstratorun müəllifi olduğu "Re:Zero − Starting Life in Another World: Shinichirou Otsuka Art Works Re:BOX" adlı art kitabı buraxılacaq.
İllüstrator həmçinin Banpresto tərəfindən istehsal olunmuş "Summon Night: Swordcraft Story" (2003) və Spike Chunsoft tərəfindən PlayStation Portable studiyası tərəfindən istehsal olunmuş "CONCEPTION" (2012, 2013) videooyunlarının personaj dizayneri olmuşdur.
2016-cı ildə Newtype Anime Mükafatının "Ən yaxşı orijinal personaj dizayneri" nominasiyasında 3-cü yeri tutmuşdur.
== İstinadlar ==
== Xarici keçidlər ==
Şiniçiro Otsuka Twitter-də.
Şiniçiro Tani
Şiniçiro Tani (d. 13 noyabr 1968) — keçmiş Yaponiya futbolçusu.
== Milli komanda karyerası ==
Yaponiya milli komandasının heyətində 1 oyun keçirib.
Şi Şinin şirləri yeməsi haqda hekayə
Şi Şi şi şi şi (çin. ənən. 施氏食獅史, sadə. 施氏食狮史, pinyin: Shī Shì shí shī shǐ, hərfi mənası: "Şi Şinin şirləri yeməsi haqda hekayə") — XX əsr məşhur Çin-amerikan linqvisti Çjao Yuanjen (赵元任 Zhào Yuánrèn) tərəfindən klassik Çin dilində zarafatla yazılmış şeir. Şeir 4 müxtəlif tonda tələffüz edilən və 94 dəfə təkrarlanan "şi" hecasından ibarətdir.
Klassik Çin dilində yazılmış şeirin mətni əksər savadlı çinlilərə aydın olsa da, bu, tələffüz zamanı deyil, yalnız heroqlifik yazı versiyasında mümkündür. Çin dilinin 2500 illik inkişaf tarixi ərzində klassik Çin dilində formalaşan omofoniya səbəbindən Pekin dialektində tələffüz edildikdə və ya fonetik sistemdə yazıldıqda şeirin mətni tamamilə anlaşılmaz hala düşür.
== Şeirin mətni ==
Kanton oxunuşu (yutphin sistemi)
== İstinadlar ==
== Xarici keçidlər ==
對聯：30.
II Suzuki Şiniçi
II Suzuki Şiniçi (鈴木 真一, 1855, İzu əyaləti[d], Tokaydo[d] – 1912) və ya doğum adı ilə Okamoto Keyzo (岡本圭三) – Yaponiya fotoqrafı. Xaricdə təhsil almış ilk yapon fotoqrafdır. Onunla eyni adı daşıyan digər fotoqraf I Suzuki Şiniçinin kürəkənidir.
== İlk illəri ==
1855-ci ildə Yaponiyanın İzu əyalətində doğulmuşdur. Ailənin ilk oğlu olan Suzukinin doğum adı Okamoto Keyzo idi. Erkən yaşlarda rəssamlığa və rəsm çəkməyə maraq göstərməyə başlamışdır. 13-14 yaşı olanda rəssam olmaq məqsədilə Yokohamaya getmişdir. Burada ingilis rəssam Çarlz Virqmanın şagirdi olmuşdur. Bu zaman fotoqrafiya ilə maraqlanmağa başlamış, Virqmandan fotoqrafiyanın əsasları haqqında məlumatlar əldə etmişdir.
== Fotoqrafiya ==
Suzuki 1870-ci ildə fotoqraf Şimooka Renconun şagirdi olmuşdur.
I Suzuki Şiniçi
I Suzuki Şiniçi (鈴木 真一, 1835[…], İvaşina[d], Şizuoka prefekturası – 1918, Yaponiya) və ya doğum adı ilə Takahaşi Yuciro – Yaponiya fotoqrafı. Onunla eyni adı daşıyan digər fotoqraf II Suzuki Şiniçinin qayınatasıdır.
== İlk illəri ==
1835-ci ildə İvaşina kəndində (hazırda Şizuoka prefekturasının Kamo rayonu) doğulmuşdur. Doğum adı Takahaşi Yucirodur. 1854-cü ildə Suzuki Yoşiçinin qızı ilə evlənərək Suzuki soyadını götürmüş və Şimodaya köçmüşdür. Həmin il böyük sunami dalğası Şimodada dağıntılara səbəb olmuş və Suzuki sahib olduğu hər şeyi itirmişdir. O və arvadı yeni həyata başlamaq üçün Yokohamaya köçmüşdürlər.
== Fotoqrafiya ==
Suzuki 1866-cı ildə Yokohamada yaşayan şimodalı fotoqraf Şimooka Renconun şagirdi olmuşdur. 1873-cü ilin oktyabrında ondan ayrılaraq Bentendori küçəsində öz studiyasını açmışdır. Həmin il adını Şiniçi olaraq dəyişdirmiş, qızı isə Şimookanın digər fotoqraf şagirdi olan Okamoto Keyzo ilə evlənmişdir.
