hərif sözünün azərbaycan dilində istifadasi, mənası, izahı, yazılışı, tərcüməsi / Sözlük

Ac həriflər (film, 1993)

Ac həriflər — Əbdürrəhim bəy Haqverdiyevin 1911-ci ildə yazdığı eyniadlı pyesi əsasında rejissor Ramiz Həsənoğlu tərəfindən 1993-cü ildə ekranlaşdırılan tammetrajlı bədii televiziya film-tamaşası. Film-tamaşa "Sabah" eksperimental yaradıcılıq emalatxanasında istehsal edilmişdir. Film-tamaşada hadisələr Həsən dayının(Yaşar Nuri) yeməkxanasında cərəyan edir. Həmin gün Həsən dayının heç bəxti gətirmir. Özünü ac-yalavac yeməkxanaya salan həriflər yeməyi yedikdən sonra pul ödəməmək üçün ona kələk gəlirlər. Film-tamaşada əsas rolları Yaşar Nuri, Cahangir Novruzov, Nazim Abbas, Tofiq Tağızadə, Bəhram Osmanov, Hüseynağa Atakişiyev, Kərim Kərimov, Məmmədkamal Kazımov, Arif Mədətov və Ədalət Ziyadxanov ifa edirlər. == Məzmun == Film-tamaşada hadisələr ilk baxışda çox sadədir. Ötən əsrin əvvəllərində tipik bir Azərbaycan şəhərindəki yeməkxanaların birində, daha doğrusu, Həsən dayının (Yaşar Nuri) yeməkxanasında baş verən hadisələr və söhbətlər dövrün koloritini canlandırır. Həsən dayı və onun yeməkpaylayanı Zərbəli (Bəhram Osmanov) buraya gələn "ac həriflər"in kələyinin qurbanı olurlar. Özünü ac-yalavac yeməkxanaya salan həriflər yeməyi yedikdən sonra pul ödəməmək üçün ona kələk gəlirlər.

Ac həriflər (hekayə)

Ac həriflər — Əbdürrəhim bəy Haqverdiyev tərəfindən 1911-ci ildə yazılmış kiçik həcmli səhnə əsəri. Vodevil janrında yazılmışdır. Ac həriflər, Millət dostları səpkili komediyaları realist aktyor məktəbinin formalaşmasında, teatrların repertuarında dəyərli yer tutmuşdur. Əsərdə hadisələr ilk baxışda çox sadədir. Ötən əsrin əvvəllərində tipik bir Azərbaycan şəhərindəki yeməkxanaların birində, daha doğrusu, Həsən dayının yeməkxanasında baş verən hadisələr və söhbətlər dövrün koloritini canlandırır. Həsən dayı və onun yeməkpaylayanı Zərbəli buraya gələn "ac həriflər"in kələyinin qurbanı olurlar. Özünü ac-yalavac yeməkxanaya salan həriflər yeməyi yedikdən sonra pul ödəməmək üçün ona kələk gəlirlər. Bəxtsiz Həsən dayı və Zərbəlinin acizliyi də gülüş doğurur. Bu yeməkxanaya gələnlərin hərəsi bir sənətin sahibidirlər. Müştərilər içərisində "quru bəylər" də az deyil.

Ac həriflər (pyes)

Ac həriflər

Ac həriflər bu mənaları ifadə edə bilər: Ac həriflər (pyes) — Azərbaycan yazıçısı Əbdürrəhim bəy Haqverdiyev tərəfindən 1911-ci ildə yazılmış pyes. Ac həriflər (film) — eyniadlı pyes əsasında Azərbaycan rejissoru Ramiz Həsənoğlu tərəfindən 1993-cü ildə ekranlaşdırılan Azərbaycan filmi.

Ac həriflər (film)

hərif sözünün leksik mənası və izahı

1 is. [ər.] 1. Gözə tanış gəlməyən, şübhəli görünən tip; subyekt. Bu hərif kimdir? O hərif haradan gəldi? – [Mehralı:] Müxtəsər, bankdan bizim çeklərlə pul alanda hərifləri qamarlayıblar. S.Rəhman. [Yusif:] Həriflər daşımağa macal tapmayıblar, özləri əkilsə də, çuvallar şahid qalıb… B.Bayramov. 2. məc. Bic, çoxbilmiş, tez başa düşən, tez duyan, ayıq. Yaman hərifdir. – Bəhram hərif olduğu üçün Qulunun bu mehribanlığına əhəmiyyət vermədi və … bu nəvazişdən sonra əməli bir təklif olacağını gözlədi. Çəmənzəminli. [Hacı Murad:] Amma o da hərifdir, özünü o yerə qoymuşdu ki, guya heç bir zaddan xəbəri yoxdur. S.S.Axundov. 3. Yüngül söyüş məqamında işlədilir. [Altunbay:] Sən də, Toğrul, xristian hərif, yaxın gəl! C.Cabbarlı. [Ağasəfər:] Adə, ey … çayqıraqlı pəzəvəng hərif! Qrammofon niyə susdu? Ə.Əbülhəsən. // məc. Alçaq, yaramaz (adı çəkilməyə layiq olmayan adam haqqında). – Nə var? – Nə oldu? – Həriflər özgə bir səngərə doldu. S.Vurğun. Bombatək partlaram döyüş zamanı; Bütün hərifləri edərəm zəlil. S.Rüstəm. 4. dan. Oyun yoldaşı; oyundaş. Hərif uduzdu. – Uşaqlardan biri o birilərinə him ilə bildirirdi ki, gələn hərif xamdır. H.Sarabski. Hərifin biri həmişə istər ki, aşıqlar alçı dursun, o birisi də gözünü dikib tovxanlara müntəzir olar. Ü.Hacıbəyov. 5. klas. Sirdaş, yoldaş, munis. Bildim, qəmini sənin, ki çoxdur; Qəm çəkməyə bir hərif yoxdur. Füzuli. 6. bax rəqib 2-ci mənada. Qara pəhləvan gördü, yox, hərif çox qüvvətlidir. “Koroğlu”.
Azərbaycan dilinin izahlı lüğəti / hərif
2 ə. 1) sənət yoldaşı; sənətdaş; 2) kef, oyun yoldaşı; 3) gücdə, birlikdə və s. bərabər olan; 4) düşmən, rəqib.
Klassik Azərbaycan ədəbiyyatında işlənən ərəb və fars sözləri lüğəti / hərif

hərif sözünün etimologiyası

1 Ərəbcə “yoldaş” deməkdir. Hərf isə səsin yazıdakı işarəsidir. (Bəşir Əhmədov. Etimologiya lüğəti)
Azərbaycan dilinin etimologiya lüğəti / hərif

hərif sözünün sinonimləri (yaxın mənalı sözlər)

1 qanmaz — anlamaz
Azərbaycan dilinin sinonimlər lüğəti / hərif
2 rəqib — düşmən — əleyhdar
Azərbaycan dilinin sinonimlər lüğəti / hərif

hərif sözünün antonimləri (əks mənalı sözlər)

1 HƏRİF – ARİF O öz məsələsinə arifdir (C.Cabbarlı); Doğrusu, hərifin təklifi xoşuma gəldi (Çəmənzəminli).
Azərbaycan dilinin antonimlər lüğəti / hərif

hərif sözünün rus dilinə tərcüməsi

1 1. соперник, противник; 2. партнер; 3. перен. тип, субъект;
Azərbaycanca-rusca lüğət / hərif
2 сущ. 1. пренебр. разг. субъект (человек с отрицательными свойствами характера, тёмная, подозрительная личность), тип. Bu hərif kimdir? кто этот субъект? 2. жарг. партнёр (тот, кто принимает участие вместе с кем-л. в какой-л. игре) 3. жарг. фраер, фрайер: 1) о любом мужчине. Bu hərif kimdir? Что это за фраер? (кто этот человек) 2) неопытный, наивный человек. Səni bir hərif kimi aldadıblar тебя обманули как фраера, özünü hərif kimi aparırsan ведёшь себя, как фраер ◊ hərif olma не будь фраером; hərif öz işini bilir знает кошка чье мясо съела
Azərbaycanca-rusca lüğət / hərif

hərif sözünün inglis dilinə tərcüməsi

1 I. i. strange fellow; queer bird; ~ olmaq to be* ignorant; to be* deceived II. s. naive, naive; ~ adamlar naive people
Azərbaycanca-ingiliscə lüğət / hərif

hərif sözünün fransız dilinə tərcüməsi

1 is. individu m, type m ; ingénu m ; inconnu m, étranger m ; ~ olmaq être naï//f, -ve
Azərbaycanca-fransızca lüğət / hərif

hərif sözünün ləzgi dilinə tərcüməsi

1 [ər.] сущ. 1. вилиз таниш тушир, шак алаз аквадай тип; субъект; 2. пер. биж, амалдар, фад гъавурда акьадай, фад кьатӀудай, аюх; 3. пер. усал, алчах (тӀвар кьуниз лайих тушир касдин гьакъинда); 4. рах. юлдаш (къугъунра); 5. клас. юлдаш, сирдаш, мукьвади, дуст; 6. акъажунра иштирак ийизвайбурукай гьар сад; къарши тереф.
Azərbaycanca-ləzgicə lüğəti / hərif

hərif sözü azərbaycan dilində

Yazılış

Mündəricat