ONA
ONA (ing. Original net animation, Orijinal Şəbəkə Animasiyası) və ya Yaponiyada tanınan adı ilə Veb Anime (Web(ウェブ)アニメ, Webu Anime) — anime serialların xüsusi formatı. Bu tip animelər telekanallarda yox, rəsmi olaraq internetdə nümayiş olunur. Treyler və anonslar məhz ONA formatında buraxılır, lakin bəzi animelər yalnız bu halda olur. Məsələn, "Nyoron Churuya-san" animesi Kadokawa Shoten tərəfindən YouTube-da buraxılır. Otakuların yaratdığı və internetdə yaydığı animasiyaları da hərdən ONA-ya aid edirlər.
ONA adi anime seriyasından qısa olur və bəzən cəmi bir neçə dəqiqə davam edir.
Ona Mesenquer
Ona Mesenquer (d. 20 fevral 1988) — İspaniyanı təmsil edən su poloçusu.
== Karyerası ==
Ona Mesenquer, İspaniya yığmasının heyətində 2012-ci ildə Birləşmiş Krallığın London şəhərinin ev sahibliyində baş tutan XXX Yay Olimpiya Oyunlarında mübarizə apardı. Final görüşündə ABŞ yığmasına 5:8 hesabı ilə məğlub olan İspaniya yığması, London Olimpiadasının gümüş medalına sahib oldu.
Tənəklərin əkilməsi və ona qulluq (film, 1968)
== Məzmun ==
Filmdə Azərbaycanda böyük üzüm ehtiyatı və onun gələcək inkişafı haqqında ətraflı söhbət gedir; eləcə də yeni üzümlüklərin salınması , mütərəqqi üsullarla düzgün becərilməsi, aqrotexniki tədbirlərin tətbiqi barədə danışılır.
== Film haqqında ==
Elmi-kütləvi film Azərbaycan Kənd Təsərrüfatı Nazirliyinin sifarişi ilə çəkilmişdir.
== Sponsor ==
Azərbaycan Kənd Təsərrüfatı Nazirliyi
== Mənbə ==
Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 170-179.
Miconia onaensis
Miconia onaensis (lat. Miconia onaensis) — melastomakimilər fəsiləsinin mikoniya cinsinə aid bitki növü.
Nəcmətdin Xəlil Onan
Nəcmətdin Xəlil Onan (d. 1902, Çatalca, Kocaeli – ö. 17 avqust 1968, İstanbul) – türk şair, müəllim, elm xadimi, ədəbiyyat tarixçisi.Türk ədəbiyyatının artıq klassikləşmiş əsəri olan və türk ordusunun Çanaqqala döyüşündəki müdafiəsini yad edən "Bir yolçuya" şerini qələmə alan şairdir.
== Həyatı ==
1902-ci ildə Çatalcada anadan olmuşdur. Atası Düyün-i Umumiyyə məmuru Xəlil Hilmi bəy idi. Orta təhsilini Vəfa liseyində tamamlamışdır. 1919-cu ildə Darülfünun Ədəbiyyat fakültəsində olan imtahanı verərək Türk dili və ədəbiyyatı fakültəsinə qəbul olmuşdur. Cənab Şahabətdin, Fuad Köprülü, Fərid Kam, Yusif Şərif, Yahya Kamal, Hüseyn Daniş kimi ədəbiyyatçıların tələbəsi olmuşdur. Lakin İstanbulun işğalından sonra məktəb müvəqqəti olaraq qapadıldıqdan sonra milli mübarizəyə qatılmaq üçün Ankaraya qaçmışdır. Ankara təlimatgahında zabit vəkili olmuş, Anadolu Agentliyinin Sivas sevisində çalışmış, milli mübarizə sonlandıqdan sonra İstanbula gələrək təhsilini sonlandırmış və 1924-cü ildə məzun olmuşdur.
Onafern
Onafern (Aphernes, Onaphernes, Wanat-hvarnah или Wanafarna) — Böyük Kirin müttəfiqi olan kadusilərin hökmdarı. Ktesinin fikrincə, Onafern kadusilərin başqa bir hökmdarı Parsondun nəslindən idi.
== Tarixi ==
Kadusilər o zaman padşaha düşmən idi. Onların hökmdarı xalqına xəyanət edərək padşahın maraqlarından çıxış edən Onafern idi. O, xəyanətlə əlaqəli hər şeyi onunla müzakirə etmək üçün sadiq bir adam verməsini xahiş edərək Astiaqa səfir göndərdi. Padşah Kiri hər şeyi tənzimləmək üçün göndərir. Qırxıncı gün Ekbatanadakı padşahın yanına qayıtmağı əmr edir. Yuxuların tərcüməçisi isə öz növbəsində Kiri kaduza getməyə inandırdı və ona özünə inam hissi yaratdı. Kir fəal və cəsarətli olduğundan, o, tanrıların iradəsini mükəmməl bilən babilliyə güvənərək, Allahın köməyi ilə farsları geri çəkilməyə və Astiaqı hakimiyyətdən uzaqlaşdırmağa çalışmaq qərarına gəldi. Beləliklə, onlar bir-birlərini ruhlandırdılar: babilli dedi ki, tanrılar Kirə Astiaqı devirmək və səltənəti ələ keçirmək üçün təyin olunub və o, babilli, bunu dəqiq bilir.
Onagraceae
Onaqrakimilər (lat. Onagraceae) — bitkilər aləminin mərsinçiçəklilər dəstəsinə aid bitki fəsiləsi.
== Adlandırılması ==
Fəsilə ilk dəfə 1836-cı ildə Con Lindley tərəfindən "Botanikanın natural sistemi" (ing. A Natural System of Botany) kitabının ikinci nəşrində təsvir edilmiş Onaqra (lat. Onagra) cinsinin (hazırda Oenothera kimi tanınır) adı ilə adlandırılmışdır.
Onalsın Jumabəyov
Onalsın Jumabəyov (qaz. Оңалсын Исламұлы Жұмабеков, 9 noyabr 1948) — V çağırış Qazaxıstan Respublikası Parlamenti Məclisinin deputatı.
== Bioqrafiyası ==
9 noyabr 1948-ci ildə Taldıkorqan vilayəti, Aksu rayonundakı Kızıl-Orak kolxozunda anadan olmuşdur.
1974-cü ildə S. M. Kirov adına Qazaxıstan Dövlət Universitetini bitirib. İxtisası — vəkil.
Karyerasına 1966-cı ildə Taldy-Kurgan bölgəsinin Aksu rayonundakı Zhanakogamsky sovxozunda fəhlə olaraq başlamışdır.
1974-1980-ci illərdə - Alma-Ata şəhərinin Auezov rayonu prokurorluğunun müstəntiqi.
1980-1985-ci illərdə Qazaxıstan SSR Prokurorluğu İstintaq İdarəsinin prokuroru, Qazaxıstan SSR Prokurorunun xüsusi tapşırıqlar üzrə köməkçisi, Alma-Ata Prokurorluğunun Frunzenski rayon prokuroru vəzifələrində çalışmışdır.
1985-1990-cı illərdə Alma-Ata bölgəsi prokurorunun müavini vəzifəsini tutdu.
1990-1994-cü illərdə - Mangistau vilayətinin prokuroru,
1994-1996 - Almatı vilayətinin prokuroru.
Onaltıbucaqlı
Onaltıbucaqlı — onaltı bucağı və onaltı kənarı olan çoxbucaqlıdır.
== Onaltıbucaqlının xüsusiyyətləri ==
Onaltıbucaqlının daxili bucaqlırının cəmi 2520-dərəcədir.
Düzgün onaltıbucaqlının bir bucağı 157.5 dərəcədir.
Onaltıbucağın xarici bucağlarının cəmi 360 dərəcədir.
Onaltılıq say sistemi
Onaltılıq sayı sistemi (en. hexadecimal) — (yunanca "hex" – "altı" və latınca "decem" – "on") 0-dan 9-dək rəqəmlərdən və A-dan (onluq 10 ədədinin ekvivalenti) F-dək (15 ədədinin ekvivalenti) baş hərflərdən təşkil olunmuş, əsası 16 olan say sistemi. İkilik ədədləri yığcam göstərmək üçün proqramlaşdırmada tez-tez onaltılıq ədədlərdən istifadə olunur. Onaltılıq ədədlər xüsusən ona görə yaxşıdır ki, onlar kompüterin yaddaşının və yaddasaxlama qurğularının ibarət olduqları 8-bitli baytlara tam yazılır. Bu sistemin 16 rəqəmindən hər biri dörd bitlə göstərilə bildiyindən, bir baytda aşağıda göstərildiyi kimi düz iki rəqəm vermək olar (onaltılıq 53 onluq 83-ə bərabərdir):
01012 = 516
00112 = 316
Beləliklə, yaddaşın bir baytında 256 müxtəlif onaltılıq ədəddən (0-dan FF-dək) istənilən ədədi saxlamaq olar.
Onaltılıq ədədlər onluq ədədlər kimi, ancaq yetərincə yavaş "böyüyürlər", çünki onlar 10-un qüvvətlərindən deyil, 16-nın qüvvətlərindən düzəlir. Məsələn:
16¹ (onluq 16) = 10h
16² (onluq 256) = 100h
16³ (onluq 4096) = 1000h
Eyni zamanda:
10¹ = 10
10² = 100
10³ = 1000
Onaltılıq ədədləri onluq ədədlərlə qarışdırmamaq üçün onların sonuna "h" hərfi və ya önünə "&", "$" və ya "0x" önlükləri artırılır. Məsələn, 10h ədədi onluq 16 ədədinin onaltılıq ekvivalentidir.
== Ədəbiyyat ==
İsmayıl Calallı (Sadıqov), "İnformatika terminlərinin izahlı lüğəti", 2017, "Bakı" nəşriyyatı, 996 s.
Onaqa (Mortal Kombat)
Onaqa (ing. Onaga) – "Mortal Kombat" oyun seriyasının personajlarından biridir. "Əjdahalar imperatoru" ləqəbi ilə tanınan Onaqa, Şao Kanna Yeraltı dünyanı zəbt etməyə kömək etmişdi.
Onaseviç yarımadası
Onaseviç yarımadası — Oxot dənizinin Tauy körfəsinin qərbində yerləşir. Amaxton körfəzini Motıkley körfəzlərini ayırır.
Yarımada rus hidroqraf Onaseviç, Mixail Lyaxoviçin şərəfinə adlandırılıb. Yarımada inzibati baxımından Maqadan vilayətinin Olski rayonu ərazisində yerləşir.
Onat Kutlar
Onat Kutlar (25 yanvar 1936, Alanya, Antalya ili – 11 yanvar 1995, İstanbul) — türkiyəli şair, yazıçı, düşüncə adamı.
1959-cu ildə nəşr olunan " İshak" ilə 1960-cı ildə Türk Dil Qurumu mükafatını qazandı. Fetih Naciye görə İshak dünya ədəbiyyatında sehrli gerçəklik axınının ilk nümayəndələrindən biri olaraq dəyərləndirilməlidir.
İstanbul Universitetində Hüquq fakültəsini sonuncu imtahana girməyərək təhsilini yarımçıq qoydu və fəlsəfə təhsili almaq üçün Parisə getdi. Iki il sonra geri qayıtdı və "Doğan Kardeş" dərgisində işləməyə başladı. 1965-ci ildə Türk Sinamatek Dərnəyini və "Yeni Sinema" dərgisini yaratdı. 1965–1976-cı illərdə Türkiyəyə dünya kinosunun qapılarını açan Türk Sinamatek Dərnəyini idarə etdi. 1985-ci ildə Berlin Film Festivalında münsif oldu. 1994-cü ildə Fransa hökumətinin verdiyi "L'Ordre des Arts et des Lettres" mükafatına layiq görüldü. 30 dekabr 1994-cü ildə Mərmərə hotelində edilən bombalı hücum zamanı ağır yaralandı.
Onayaqlı xərçəngkimilər
Onayaqlılar, onayaqlı xərçəngkimilər, dekapodlar (lat. Decapoda) — ali xərçənglər yarımsinfinə daxil olan onurğasız heyvan dəstəsi.
Xarakter əlaməti başdakı çənə buğumlarının döş buğumları ilə birləşməsi, üç çüt ön döş ətraflarının ayaqçənəyə çevrilməsidir. 5 cüt arxa döş ətrafı ilə hərəkət edir (adı da buradandır). Macrocheira kampferi-nin uzanmış ayaqlarının ucları arasındakı məsafə 3 m-dən çoxdur. Madaqaskar çay xərçənginin (Astacoides) bədəninin uzunluğu 80 sm-dir. Növlərin çoxunda ön ayaqların 2 cütü erkəklərdə kopulyasiya orqanı, dişilərdə isə yumurta daşıyıcısıdır. Ayrıcinsiyyətlidir. Şirin və dəniz sularında yaşayır. 8500 növdən Xəzər dənizində 2 növ krevetka , 5 növ çay xərçəngi və bir növ yenkəc məlumdur.
Onayaqlılar
Onayaqlılar, onayaqlı xərçəngkimilər, dekapodlar (lat. Decapoda) — ali xərçənglər yarımsinfinə daxil olan onurğasız heyvan dəstəsi.
Xarakter əlaməti başdakı çənə buğumlarının döş buğumları ilə birləşməsi, üç çüt ön döş ətraflarının ayaqçənəyə çevrilməsidir. 5 cüt arxa döş ətrafı ilə hərəkət edir (adı da buradandır). Macrocheira kampferi-nin uzanmış ayaqlarının ucları arasındakı məsafə 3 m-dən çoxdur. Madaqaskar çay xərçənginin (Astacoides) bədəninin uzunluğu 80 sm-dir. Növlərin çoxunda ön ayaqların 2 cütü erkəklərdə kopulyasiya orqanı, dişilərdə isə yumurta daşıyıcısıdır. Ayrıcinsiyyətlidir. Şirin və dəniz sularında yaşayır. 8500 növdən Xəzər dənizində 2 növ krevetka , 5 növ çay xərçəngi və bir növ yenkəc məlumdur.
Pentacalia onae
Pentacalia onae (lat. Pentacalia onae) — mürəkkəbçiçəklilər fəsiləsinin pentacalia cinsinə aid bitki növü.
Sıddık Sami Onar
Sıddık Sami Onar (türk. Sıddık Sami Onar 1898, İstanbul – 9 avqust 1972, İstanbul) — Türkiyə hüquqşünası, inzibati hüquq üzrə mütəxəssis. Müasir Türkiyə inzibati hüququnun qurucusu, İstanbul Universitetinin ilk seçilən rektoru və universitetdə ilk inzibati muxtariyyətin müdafiəçilərindən biri idi. 1946–1963-cü illərdə İstanbul Universitetinin rektoru və müxtəlif vaxtlarda hüquq fakültəsinin dekanı vəzifəsini daşımışdır.
== Həyatı ==
Sıddık Sami Onar 11 noyabr 1897-ci ildə İstanbulda Melepker və Abdulla Saminin ailəsində anadan olmuşdur. İlk təhsilini istnbulda almışdır. Sonradan Vefa liseyində təhsilinə davam etmişdir. Onar İstanbul Universitetinin hüquq fakültəsini bitirmişdir. Bir müddət sonra Paris Unuversitetində Hüquq Fakültəsindən məzun olmuşdur.
Sıddık Sami Onar 1925-ci ildən İstanbul Ticarət Məhkəməsində hakim vəzifəsini icra etməyə başlamışdır.
Andre Onana
Andre Onana (2 aprel 1996[…], Mərkzəz regionu[d]) — İngiltərə Premyer Liqasında çıxış edən Mançester Yunaytedin kamerunlu qapıçısı.
== Klub karyerası ==
=== İnter ===
1 iyul 2022-ci ildə İnter Onana ilə 5 illik müqavilə imzaladığını açıqladı. "İnter"də ilk matçına 7 sentyabr 2022-ci ildə keçirilən "İnter"–"Bayern Münhen" matçında çıxıb. Matça start heyətdə başlayan Onana 90 dəqiqə meydanda qalıb.Matç "Bayern Münhen"in 0–2 hesablı qələbəsi ilə başa çatıb.
Onaqr
Onaqr (lat. Equus hemionus onager) — Qulanın yarımnövü olan at cinsindən olan təkbarmaqlı heyvan. İran və Suriyadan Hindistanın şimal-qərbinə qədər uzanan qayalı yaylalarda yaşayır.
== Etimologiya ==
"Onaqr" sözündən gəlir (yun. όνος, onos — eşşək və αγρός, agros — tarla.).
== Bioloji təsvir ==
Heyvanın təbiətdə hündürlüyü 1,2 m, uzunluğu isə 2 m, qulaqları eşşəkdən nəzərəçarpacaq dərəcədə qısadır. Rəngi yayda qırmızımtıl, qışda isə sarımtıl, quyruğundakı qotaz açıq qəhvəyi, ağzın ucu və gövdənin aşağı hissəsi ağdır.
