Odsonn Eduard
Odsonn Eduard (fr. Odsonne Édouard; 16 yanvar 1998, Kuru[d], Fransa Qvianası, Fransa) — Fransa futbolçusu, Şotlandiya futbol klubu olan "Seltik" klubunun hücumçusu.
Eduard "Bobini" klubunun akademiyası vasitəsilə inkişaf etmişdir. O, 2011-ci ilin iyul ayında "Pari Sen-Jermen" klubu ilə müqavilə imzalamış, 2016–17 mövsümündə isə Liqa 1 təmsilçilərindən olan "Tuluza" klubuna icarəyə verilmişdir. Növbəti mövsümü "Seltik" klubuna icarə əsasında keçirmiş və klub ilə yerli treblı qazanmışdır.
Eduard Fransa millisinin müxtəlif yaş qruplarında çıxış etmişdir. O, 2015 UEFA Avropa U-17 Çempionatında millisinin əsas aparıcı oyunçusu olmuş və Ən yaxşı oyunçu və Qızıl ayaqqabı mükafatlarının sahib çıxmışdır.
== Klub karyerası ==
=== Pari Sen-Jermen ===
==== Erkən illəri ====
Eduard 2011-ci ildə həvəskar klub olan Bobini klubundan Pari Sen-Jermen Akademiyasına transfer olmuşdur. O, ilk şöhrətini 2013–14 mövsümündə klubun U-17 komandasında bombardir olmaqla əldə etmişdir. Eduard U-17 Milli çempionatında 22 oyunda 25 qolla yadda qalmışdır.
