Lviv
Lvov (ukr. Львів) — Ukraynanın Lvov vilayətinin inzibati mərkəzi. Ölkənin milli-mədəni və elmi-təhsil mərkəzidir, həmçinin böyük sənaye mərkəzi və nəqliyyat qovşağıdır. Qalitsiyanın və Qərbi Ukraynanın paytaxtı hesab edilir. Lvovun sahəsi təxminən 180 km²-dir.
== Adı ==
Rus mənbələrinə görə Lvov şəhərin adını knyaz Danilo Qalitski öz Lev adlı oğlunun şərəfinə qoyub. Tarix boyu bu şəhər rəsmi olaraq adını dəyişməyib, lakin müxtəlif dillərədə bu şəhərin adı bu cür fərqlənir: ukr. Львів (Lviv), pol. Lwów, rus. Львов (Lvov), alm.
LvivMozArt
LvivMozArt — Ukraynanın Lvov və Brodı şəhərlərində 2017-ci ildən ənənəvi olaraq hər il keçirilən beynəlxalq klassik musiqi festivalı. Festival Volfqanq Amadey Motsartın 1808-1838-ci illər aralığında Lvovda yaşamış oğlu Frants Ksaver Volfqanq Motsartın şərəfinə belə adlandırılmışdır.
== Festivalın tarixçəsi ==
=== LvivMozArt 2017 ===
İlk festivalda Frants Ksaver Volfqanq Motsartın bəzi musiqi əsərləri israilli pianoçu Yara Tal tərəfindən ifa edilmişdir. Həmçinin, Anna və Laura Handler bacılarının dueti və digər iştirakçıların çıxışı olmuşdur.
=== LvivMozArt 2018 ===
Festival zamanı ilk dəfə olaraq Lvov bəstəkarı Boqdan Seginin musiqiləri ifa edildi. Həmçinin, festivalın keçirildiyi yerlərdən biri olan Svirj qəsrində ukraynalı bəstəkar Dmitri Bortnyanskinin «Alkid» operasının ilk rejissor quruluşu təqdim edildi. Festivalın sonunda Ukraynada ilk dəfə Volfqanq Amadey Motsartın 1764-cü ildə hazırlanmış skripkası ilə konsert ifa edildi. Bu skripka Motsart ailəsinin dünyada ən böyük şəxsi əşyalarının kolleksiyasına malik olan Motsarteum fonduna aiddir.
