Seldağılan
Seldağılan — Qars vilayətinin Qars qəzasında, indi Amasiya rayonunda kənd.
== Tarixi ==
Rayon mərkəzindən 15 km şimal-qərbdə, Ağbaba dağının ətəyində yerləşir. Kəndin sakinləri azərbaycanlılar olmuşdur.
Toponim "su daşqını" mənasında işlənən sel sözü ilə dağılan feli sifətinin birləşməsindən əmələ gəlmişdir. "Böyük Ağbaba və Kiçik Ağbaba dağlarından axıb gələn güclü sel suları göstərilən kəndin yanında müxtəlif tərəflərə dağılıb selovlarla axdığı üçün seldağılan demişlər.Kəndin digər adı Seyidoğlan olmuşdur.".
Hidrotoponimdir. Quruluşca mürəkkəb toponimdir.
== Əhalisi ==
Erməni mənbələrində kəndin sakinləri kimi qarapapaqlar göstərilir və onlar müstəqil bir xalq kimi təqdim edilir.
Burada yaşayan qarapapaqlar müstəqil xalq yox, azərbaycanlılarn etnoqrafik qruplarından biridir. Kənddə 1886-cı ildə 231 nəfər, 1887-cı ildə 360 nəfər, 1908-ci ildə 359 nəfər, 1914-cü ildə 414 nəfər azərbaycanlı yaşamışdır.