General Atomics MQ-1 Predator
General Atomics MQ-1 Predator əvvəllər ABŞ Hərbi Hava Qüvvələri və CIA tərəfindən istifadə edilmiş PUA. 1990-cı illərdə sadəcə olaraq müşahidə və önkəşfiyyat məqsədləri üçün istifadə edilməsi nəzərdə tutulan MQ-1 Predator daha sonra yeni kameralar və döyüş raketləri ilə modifikasiya edilmişdir. 1995-ci ildən bu dövrə qədər Əfqanıstan, Pakistan, Bosniya, Serbiya, İraq və Yəməndə mübarizə aparmışdır. Vahidinin qiyməti 4.5 milyon olan bu PUA-lardan təxmini olaraq 360 ədəd istehsal edilmişdir.
General Atomics MQ-9 Reaper
MQ-9 Reaper (ilk adı RQ-9 Predator B) "General Atomics Aeronautical Systems" tərəfindən ABŞ Hərbi Hava Qüvvələri (USAF), ABŞ Hərbi Donanması və Kral Hərbi Hava Qüvvələri üçün yaradılmış PUA. MQ-9 ilk zərbəçi PUA-dır. MQ-9 Reaper PUA-nın turbopərvanə motoru saatda 250 knot sürət yığmasını və 40.000 feet hündürlüyə çıxmasını təmin edir. MQ-9 Reaper UAV-nin uçuş müddəti isə 20 saat təşkil edir. MQ-9 Reaper UAV 1.5 ton ağırlığında olan sursat daşımaq qabiliyyətinə malikdir. (Hellfire döyüş raketi və GBU-12 Lazer Başlıqlı Bombalar). General Atomics MQ-1 Predator PUA-larının baza modeli əsasında yaradılmış olan General Atomics MQ-9 Reaper PUA-larından hal-hazırda 104 ədəd istehsal edilmişdir.
German Mqaloblişvili
German Andreyeviç Mqaloblişvili (gürc. გერმანე ანდრიას ძე მგალობლიშვილი; 1884, Quriya – 1937) — sovet və gürcü siyasətçisi, 1931–1937-ci illər ərzində Gürcüstan SSR Xalq Komissarları Şurasının sədri olmuşdur.
1921-ci ildən RK(b)P-nin üzvü olmuşdur, 1920-ci illərin ikinci yarısında Gürcüstan SSR maliyyə xalq komissarı idi.
1930-cu il noyabrın 20-dən 1931-ci il oktyabrın 13-dək Gürcüstan Kommunist Partiyasının (bolşeviklərin) MK siyasi bürosunun üzvlüyünə namizəd idi.
1931-ci ilin sentyabrın 22-dən 1937-ci ilin iyulunadək Gürcüstan SSR Xalq Komissarları Şurasının sədri vəzifəsində çalışmışdır.
Daha sonra həbs edilərək 1937-ci ildə ya vəfat etmişdir yada qətlə yetirilmişdir.
Mqarr
Mqarr (malta Mġarr) — Maltanın Qozo adasının cənub-şərqində yerləşən bir liman şəhəri.
== Tarix ==
Mqarr şəhəri eyni adlı dayaz limanın ətrafında yerləşir. Malta arasında bərə xidmətləri 1241-ci ildə istismara verilir. Bu vaxta qədər adada balıqçılıq artıq inkişaf etmişdi. Sahil bölgəsi bir neçə əsr ərzində inkişaf etsə də, limanın özü 1841-ci ilə qədər inkişaf etməmişdir. 1841-ci ildə limanı qorumaq üçün ilk dalğaqıran qurulur, daha sonra 1906-cı ilə qədər bu gücləndirilir və genişləndirilir. 1929-1935-ci illərdə daha böyük, 1969-cu ildə daha iki dalğaqıran inşa edilir. Bu tikinti başa çatdıqdan sonra liman sahəsi 121,4 min kvadratmetrə qədər artır.
21-ci əsrin əvvəllərində adada 9,3 milyon avro dəyərində bir gəmi terminalı inşa edilir. İnşaat işləri 2001-ci ildə başlayır və tikinti yeddi il çəkir.
Mqer Abeqyan
Mqer (Meger) Manukoviç Abeqyan (erm. Մհեր Մանուկի Աբեղյան; 26 yanvar 1909, Üçkilsə – 20 noyabr 1994, İrəvan) — SSRİ və Ermənistan rəssamı və qrafiki, Ermənistan SSR xalq rəssamı (1960).
== Həyatı ==
Mqer Abeqyan 26 yanvar 1909-cu ildə Rusiya imperiyasında, Üçkilsə şəhərində anadan olmuşdur. O, 1922–1927-ci illərdə İrəvan Rəssamlıq və Sənaye Texnikumunda Stepan Ağacanyan və Sedrak Arakelyanla birlikdə təhsil almışdır. 1927–1930-cu ildə Moskva Ali Rəssamlıq və Texniki İnstitutunda oxumuşdur. 1930–1931-ci illərdə Leninqrad Rəssamlıq Akademiyasında oxumuş, baş müəllimi Sergey Gerasimov olmuşdur.
Lirik mənzərələrin, rəngarəng natürmortların, eləcə də portretlərin və landşaft janrlı rəsmlərin, incə əhvali-ruhiyyə ilə hopmuş çoxsaylı dəzgahlı qrafik mənzərələrin müəllifidir. Cənubi Qafqazda baş vermiş inqilabi hadisələrə həsr olunmuş rəsmlər, eləcə də İkinci Dünya müharibəsi hadisələri mövzusuna dair silsilə ofortlar çəkmişdir. 1937–1945-ci illərdə rəssamlıq məktəbində, 1954-cü ildən isə İrəvan İncəsənət və Teatr İnstitutunda dərs demişdir.
Mqer Qriqoryan
Mqer Qriqoryan (erm. Մհեր Հերբերտի Գրիգորյան; 15 fevral 1972, Əştərək) — hazırda Ermənistanın baş nazirinin müavini vəzifəsində çalışan erməni siyasətçi.
== Həyatı ==
Mher Qriqoryan 1989-1991-ci illərdə Moskva Dövlət Universitetində hüquq təhsili alıb. 1991-1994-cü illərdə İrəvan Dövlət Universitetinin hüquq fakültəsində təhsilini davam etdirib. 1997-1998-ci illərdə Böyük Britaniyanın Lids Universitetinin Biznes Məktəbində 6 aylıq kvalifikasiya kursu keçib.
== Fəaliyyəti ==
=== Əmək fəaliyyəti ===
Mher Qriqoryan 1994-1996-cı illərdə Rusiya Federasiyasında fərdi sahibkar kimi fəaliyyət göstərib. Peşə fəaliyyətinə 1996-cı ildə ER Mərkəzi Bankında hüquqşünas kimi başlamış, daha sonra baş hüquqşünas-məsləhətçi, 1997-1999-cu illərdə isə hüquq şöbəsinin müdiri kimi davam etmişdir. 1999-2005-ci illərdə "Armerartbank" QSC-də (indiki "Ameriabank" QSC) hüquq xidmətinin rəhbəri, əməliyyat direktoru vəzifələrində çalışıb.
