Pind Milli Parkı
Pind (yun. Εθνικός Δρυμός Πίνδου) — Yunanıstan ərazisində yerləşən milli park. Milli park Pind dağ massivinin Qərbi Makedoniya və Epir dairələri ərazilərindəki bölgəni əhatə edir. Park 1966-cı ildə təsis edilmişdir. Milli parın ərazisi 6927 hektar ərazini əhatə edir. Ərazisi demək olar ki, dərə boyunca uzanır. Vadidə Qara şam ağacı (Pinus nigra), Rumeli şam (Pinus peuce) və Yunanıstan ərazisində nadir sayılan Adi şam (Pinus sylvestris) kimi bitkilər bitir
== Fauna ==
Vadi boyunca 80 növ quş yuva qurur. Yırtıcı quşlar arasında Məzar qartalı (Aquila heliaca), Berkut (Aquila chrysaetos), Bığlı qızılquş (Falco biarmicus), Qırğılar, Avropa tüviyi (Accipiter brevipes), İlanyeyən (Circaetus gallicus), Neophron percnopterus kimiləri göstərmək olar. Üstəlik vadidə Qara ağacdələn (Dryocopus martius), Suriya ağacdələni (Dendrocopos syriacus), Ağbel ağacdələn (Dendrocopos leucotos), Ortaboy ağacdələn (Leiopicus medius) kimi quşları görmək olur. Yuxarı sahələrdə Eremophila alpestris, Tichodroma muraria yuva qurur
Milli park Yunanıstan ərazisində yeganə yerdir ki, burada Avropa qonur ayısını (Ursus arctos arctos) görmək olar.