carı sözü azərbaycan dilində

MARİƏM (CARICC) – Narkotik vasitələrin, psixotrop maddələrin və onların hazırlanması üçün xammalın qanunsuz dövriyyəsi ilə mübarizə üzrə Mərkəzi Asiya Regional İnformasiya və Əlaqələndirmə Mərkəzi (Central Asian Regional Information and Coordination Centre for Combating Illicit Trafficking of Narcotic Drugs, Psychotropic Substances and their Precursors)Əfqanıstandan yayılan narkotiklərin qarşısını almaq məqsədilə Birləşmiş Millətlər Təşkilatının Narkotiklər və Cinayətkarlıq üzrə İdarəsi (BMT NCİ – UNODC) Azərbaycan, Qazaxıstan, Qırğızıstan, Tacikistan, Türkmənistan və Özbəkistan ilə birlikdə MARİƏM-in yaradılması üzrə layihəni həyata keçirir. Qazaxıstanın Almatı şəhərində yerləşən Mərkəzin məqsədləri narkotiklər sahəsində qeyri-qanuni əməllər üzrə məlumat mübadiləsinin təmin edilməsi və bu əməllərin qarşısını almağa yönələn birgə əməliyyatların təşkili və həyata keçirilməsinə yardım göstərməkdən ibarətdir. Mərkəz üzv ölkələrdə narkotiklərlə mübarizə aparan və bu sahədə əməliyyat-axtarış fəaliyyətinin subyekti olan yəni, polis, milli təhlükəsizlik, gömrük, sərhəd xidməti orqanları ilə əməkdaşlıq edir. Mərkəzin şəxsi heyəti yuxarıda qeyd olunan orqanların əməkdaşları sırasından açıq müsabiqə yolu ilə beynəlxalq komisiya tərəfindən müəyyən edilir. Bundan başqa hər bir üzv ölkə, habelə müşahidəçi statusuna malik olan digər ölkə və yaxud səlahiyyətli beynəlxalq təşkilat Mərkəzə səlahiyyətli nümayəndə (əlaqələndərici zabit) ezam etməklə əməliyyat məlumatının mübadiləsi və birgə əməliyyatların təşkilində güclü mexanizm qurmuş olurlar. Bu mexanizmi daha da gücləndirmək məqsədi ilə İnterpol, Avropol, Ümumdünya Gömrük Təşkilatı və sair təşkilatlarla sıx əlaqələr qurulmaqdadır. MARİƏM-in hüquqi bazasını "MARİƏM-in yaradılması haqqında Razılaşma" təşkil edir. Həmin Razılaşma üzv ölkələrin prezidentləri tərəfindən imzalandıqdan və Azərbaycan, Qazaxıstan, Qırğızıstan, Tacikistan və Türkmənistanın ali qanunvericilik orqanları tərəfindən ratifikasiya edildikdən sonra 22 mart 2009-cu il tarixdə qüvvəyə minmişdir.. Rusiya həmin razılaşmanı 9 mart 2011-ci il tarixində ratifikasiya etmişdir. MARİƏM-in xüsusiyyətləri ondan ibarətdir ki, o, heç bir siyasi, hərbi, iqtisadi və yaxud hər hansi qurumdan asılı deyil, bütün əlaqədar orqanlarla (polis, milli təhlükəsizlik orqanları, gömrük, sərhəd xidməti) əməkdaşliq edir və onlara xidmət göstərir, narkotik vasitələrlə mübarizə sahəsində marağı olan hər bir ölkə MARİƏM-ə üzv ola bilər.

Karib Ölkələri Birliyi — 1973-cü ildə Caquaramaz müqaviləsi ilə qurulmuş Karib Ölkləri Birliyinin üzvləri : Bahamalar, Barbados, Beliz, Qvatemala, Yamayka, Trinidad və Tobaqo, Antiqua və Barbuda, Dominikan, Qrenada, Montserrat, Sent-Kits və Nevis, Sent-Lüsiya, Sent-Vinsent və Qrenadindir. CARİCOM kiçik bir bölgədir və əhalisi 5 milyona yaxındır. Bölgədəki ölkələr inkişaf səviyyələri baxımından çox geridədir və başlıca ixrac məhsullar neft, boksit, alminium və şəkərdir. Yamayka, Trinidad və Tabaco, Barbados öz aralarında ən inkişaf etmiş ölkələrdir. Adıçəkilən qurum üzv ölkələr arasında gömrük birliyinin qurulmasını məqsədəuyğun hesab edir. Qurumun dünya ixracatında payı 0,1 % -ə və idxalatında payı 0,2 % - dir. Bölgədaxili ticarət nisbəti isə 9,1 % - dir.

Carılqaç — Ukrayna və Qara dənizin ən böyük və ən uzun ikinci adasıdır. Karkinitski körfəzi və ilə yuyulur.Sahəsi 62 km²-dir. Herson vilayətinin Skadovski rayonuna (Ukraynaya) istinad edir. Adanın ölçüsünə baxmayaraq, iqtisadi və ya strateji əhəmiyyətə malik deyil və yaşayı yoxdur. Ada ərazisində 2009-cu ildə yaradılan Carılqaç Milli Təbiət Parkı var. == Coğrafiya == Adanın uzunluğu 42 km (əsas hissəsi 23 km, dar hissəsi 19 km), maksimum eni isə 4,8 km təşkil edir. Adanın bütün sahilləri akkumulyasiya tiplidir. Ən yüksək nöqtə 2.8 m, ada dəniz səviyyəsindən 0,4 m məsafədə yerləşir. Adanın orta hündürlüyü dəniz səviyyəsindən −0.4-dən 0.5 m-ə qədərdir. Landşaft — Şərqi Avropa çöl düzənliyinə aid olan quru çay dənizi.

Carılqaç Milli Təbiət Parkı (ukr. Джарилгацький національний природний парк) — Ukraynanın Herson vilayətinin Skadovski rayonundakı Carılqaç adasında yerləşən milli park. 11 dekabr 2009-cu ildə yaradılıb. Ərazisi 10 min hektardır. Parkın bir hissəsi olan Carılqaç körfəzi, xüsusi təhlükəsizlik rejimi ilə Ramsar Konvensiyasına əsasən, beynəlxalq əhəmiyyətə malik su hövzələri statusuna malikdir. == Tarixi == 1923-cü ildə adanın Carılqaç "Askania-Nova" ehtiyatına daxil edilmişdir. 1927-ci ildə Primorsky qoruğu 32 min hektar ərazidə yaradılmışdır. Parkın ərazisinə daxildir: Carılqaç adası, Dolqı, Orlov, Babin, Smoleni və Carılqaç çayı sahilinin qərb hissəsi. Lakin tezliklə ərazinin statusu ləğv olundu. 1974-cü ildə 300 hektarlıq sahə olan milli əhəmiyyətli Carılqaç Botanika Qoruğu yaradılmışdır.

Carılqaç gölü (ukr. Джарилгач, krımtat. Carılğaç, Джарылгъач) — Çernomorsk rayonunun və Tərxan Qut yarımadası (Donuzlavdan sonra) ən böyük gölü. Çernomorsk rayonunun mərkəzi hissəsinin qərbində yerləşir. Su səthinin sahəsi 8.3 km²-dir. Ümumi mineralizasiya növü acı-duzludur. Liman mənşəllidir. Qapalı hidroloji rejimə malikdir. Yerli sakinlər və ora gələn turistlər səhvən Carılqaç gölə liman deyirlər, baxmayaraq ki gölün dənizlə əlaqəsi yoxdur. Gölün adı Krım tatar dilindən tərcümədə parçalanmış, çatlamış deməkdir.

Cariz (ərəb. جارز‎) — Suriyada, Hələb mühafəzəsində, Əzaz məntəqəsinin Əzaz nahiyəsində kənd. 2004–cü il siyahıyaalınmasına əsasən kəndin əhalisi 162 ailədə 495 nəfəri kişilər və 450 nəfəri qadınlar olmaqla cəmi 945 nəfərdir. Kəndin əhalisini türkmanlar təşkil edir. Kənd Hələb şəhərindən 53 km şimal–şərqdə, Əzaz şəhərindən isə 10 km cənub–şərqdə, dəniz səviyyəsindən təqribən 490–500 metr hündürlükdə yerləşir. == Şərhlər == == İstinadlar == == Xarici keçidlər == Cariz kəndi SSRİ Silahlı Qüvvələrinin Baş Qərargahının ümumdünya topoqrafik xəritəsində (1953–cü il). Miqyas 1 sm–də 1 km (1: 100 000) (rus.) Cariz kəndi SSRİ Silahlı Qüvvələrinin Baş Qərargahının ümumdünya topoqrafik xəritəsində.