Gürcüstanın xarici siyasəti
Müstəqillik qazandıqdan sonra Gürcüstanın xarici siyasəti NATO və Aİ-yə üzv olmağa yönəlib. Gürcüstan həm də Ermənistanla Rusiya arasında, Azərbaycanla Avropa arasında tranzit ölkə rolunu oynayır. 2013-cü ildən etibarən Türkiyə və Azərbaycan Gürcüstanın aparıcı ticarət tərəfdaşlarıdır. Rusiya ilə münasibətlər 2008-ci ildə kəsilmiş və gərgin olaraq qalmaqdadır.
== Ümumi xüsusiyyətlər ==
Gürcüstanın xarici siyasətinin əhəmiyyəti əsasən tranzit ölkə kimi onun əlverişli mövqeyi ilə bağlıdır. Azərbaycan karbohidrogenlərinin Türkiyəyə və AB-nə tranziti məhz Gürcüstandan keçir. Azərbaycanla münaqişə səbəbinə görə Ermənistan da Rusiya və Avropa ilə xarici ticarətini Gürcüstan üzərindən aparmaq məcburiyyətindədir. Nəhayət, AB-dən Çinə tranzit malları Rusiyadan yan keçməklə Gürcüstandan keçir. Gürcüstanın xarici siyasətinə Moskvanın Abxaziya və Cənubi Osetiyanın müstəqilliyini tanıması problemi ilə əlaqəli Rusiya ilə gərgin münasibətləri güclü təsir göstərir. Bu səbəbdən Gürcüstan sərhədlərin qorunmasının lehinə olan Ukrayna ilə yanaşı, Azərbaycanla da isti münasibətlər saxlayır.
Gürcüstanın xarici ticarəti
Gürcüstanın xarici ticarəti mənfi ticarət balansı ilə xarakterizə olunur, idxal ixracdan bir neçə dəfə çoxdur.
== Tarixi ==
SSRİ dağılmadan əvvəl Gürcüstanın xarici ticarət dövriyyəsi istehsal olunan iqtisadi məhsulu üstələyirdi.Gürcüstan ixracatının böyük hissəsini ərzaq və kənd təsərrüfatı məhsulları, idxalın böyük hissəsini enerji mənbələri və istehlak malları təşkil edirdi.
1998-ci il Rusiya iqtisadi böhranından sonra Gürcüstanın Rusiyaya ixracı əhəmiyyətli dərəcədə azaldı ki, bu da Gürcüstan iqtisadiyyatının artım tempinin ildə bir neçə faizə enməsinə səbəb oldu.
=== 2008-ci il ===
2008-ci ilin əsas ixrac məhsulları:
ferro ərintilər — 17.9%
qara metal qırıntıları - 8.6%
mis filizi və konsentratları - 7,9%
avtomobillər (yenidən ixrac) — 7.6%
gübrələr - 7,1%
kobud qızıl - 6,7%
sement - 5,4%
spirt - 3,9%
şərab - 2,5%
2008-ci ildə əsas alıcılar: Türkiyə (17.6%), Azərbaycan (13.7%), Ukrayna (9%), Kanada (8.8%), Ermənistan (8.2%), Bolqarıstan (7.2%), ABŞ (6.8%).
2008-ci ildə əsas təchizatçılar: Türkiyə (14,9%), Ukrayna (10,4%), Azərbaycan (9,6%), Almaniya (7,9%), Rusiya (6,8%), ABŞ (5,7%), Çin (4,7%), BƏƏ (4,4%).
=== Metallurgiya məhsulları ===
Madneuli yatağından polimetal filizləri çıxaran və qızıl-mis konsentratı istehsal edən Madneuli mədən və emalı zavodunun məhsulları Gürcüstan ixracatının əhəmiyyətli hissəsini təşkil edir.
2008-ci ildə Gürcüstan 100,1 milyon dollara, 2009-cu ildə 116,2 milyard dollara kobud qızıl ixrac etdi.
2008-ci ildə Gürcüstan 128,5 milyon dollara, 2009-cu ildə 63,6 milyon dollara qara metal qırıntıları ixrac etdi.
2008-ci ildə Gürcüstan 118,3 milyon dollara, 2009-cu ildə 61,9 milyon dollara mis filizi və konsentratları ixrac etdi.
=== Ferro ərintilər ===
Ferro ərintiləri Gürcüstan ixracatının əsas əmtəəsidir, hazırda onların ixracdakı payı təxminən 17%-dir.
Kanada Xarici İşlər Nazirliyi
Kanada Xarici İşlər Nazirliyi (fr. Affaires mondiales Canada) — xarici siyasətindən, həmçinin idxal-ixrac və beynəlxalq ticarət siyasətindən cavabdehdir.
1909-cu il 1 iyunda nazirlik Xarici İşlər Nazirliyi olaraq yaradıldı, sonra Xarici İşlər və Beynəlxalq Ticarət Nazirliyi adını aldı. Həmin dövrdə Kanadanın xarici siyasəti Böyük Britaniya tərəfindən idarə olunurdu.
Nazirliyin adı Kanadanın xarici siyasətinə nəzarət etməsindən 60 il sonra yalnız 1993-cü ildə Xarici İşlər və Beynəlxalq Ticarət Nazirliyi olaraq dəyişdirildi.
Kolumbiya Xarici İşlər Nazirliyi
Kolumbiya Xarici İşlər Nazirliyi (isp. Ministerio de Relaciones Exteriores) — Kolumbiyanın beynəlxalq əlaqələrindən məsul olan, Kolumbiya icra hakimiyyəti orqanıdır. Xarici diplomatik nümayəndəliklər vasitəsilə xaricdə dövlətini təmsil etdiyi məsələlər ilə bağlı xarici siyasətin formalaşdırılmasına nəzarət edir.
Kosovo Xarici İşlər Nazirliyi
Kosovo Xarici İşlər Nazirliyi — dövlətin xarici əlaqələrindən məsul, qismən tanınmış Kosovo Respublikasının dövlət icra hakimiyyəti orqanı.
Liberiya Xarici İşlər Nazirliyi
Liberiya Xarici İşlər Nazirliyi — digər ölkələrlə əlaqələri idarə etməkdən məsuldur. Xarici İşlər Nazirliyinin binası Monroviya şəhərində yerləşir..
Liberiyanın Xarici İşlər Nazirliyi ölkə 1847-ci ildə müstəqil elan edildikdən sonra, 1848-ci ildə hökumətin kabinet səviyyəsində bir şöbəsi yaradılıb. Əvvəlcə "Dövlət Departamenti" adlanan nazirlik 1972-ci ilə qədər onun adını daşıdı.
1848-1981-ci illərdə hər bir xarici işlər naziri (əvvəlki "dövlət katibi") nazirliyi Liberiyanın ən sıx əhalisi olan Montserrado əyalətinə köçürdü.
Litva Xarici İşlər Nazirliyi
Litva Xarici İşlər Nazirliyi (lit. Lietuvos Respublikos užsienio reikalų ministerija) — Litva Respublikasının xarici dövlətlər və beynəlxalq təşkilatlarla münasibətlərdə həyata keçirən hökumət orqanı.
== Nazirlər ==
Xarici İşlər Naziri - Litvanın xarici siyasətinin formalaşmasında iştirak edən və Litvanın və vətəndaşlarının maraqlarını təmsil edən, hüquqlarını müdafiə edən Xarici İşlər Nazirliyinin rəhbəri vəzifəsindədir.
=== Litva Xarici İşlər Nazirlərinin siyahısı (1918-1940) ===
1918-ci il 4 noyabr Litva Xarici İşlər Nazirliyi müstəqilliyini bərpa etdikdən qısa müddət sonra açıldı.
Makedoniya Xarici İşlər Nazirliyi
Makedoniya Xarici İşlər Nazirliyi — dövlətin xarici dövlətlər və beynəlxalq təşkilatlarla əlaqələri sahəsində dövlət idarəçiliyini həyata keçirən orqan.
Nazirlik, 1991-ci ildə Şimali Makedoniyanın müstəqilliyindən sonra yaradılmışdır. Nazirliyin adı və funksiyası dövlətin yaranmasından sonra dəyişilmədi.
Malayziya Xarici İşlər Nazirliyi
Malayziya Xarici İşlər Nazirliyi (malay Kementerian Luar Negeri) — xarici ölkələrlə və beynəlxalq təşkilatlarla əlaqələrin idarə edilməsindən məsul. Malayziyanın xarici siyasətini inkişafından, planlaşdırılmasından və tətbiq edilməsindən məsuliyyət daşıyır.
Nazirlik binası Putracaya şəhərində yerləşir.
== Tarixi ==
Malayziya İşlər Nazirliyi 1956-cı ildə Malayziyanın müstəqilliyindən əvvəl yaranmışdır.
Malaziya Xarici İşlər Nazirliyi
Malayziya Xarici İşlər Nazirliyi (malay Kementerian Luar Negeri) — xarici ölkələrlə və beynəlxalq təşkilatlarla əlaqələrin idarə edilməsindən məsul. Malayziyanın xarici siyasətini inkişafından, planlaşdırılmasından və tətbiq edilməsindən məsuliyyət daşıyır.
Nazirlik binası Putracaya şəhərində yerləşir.
== Tarixi ==
Malayziya İşlər Nazirliyi 1956-cı ildə Malayziyanın müstəqilliyindən əvvəl yaranmışdır.
Malta Xarici İşlər Nazirliyi
Malta Xarici İşlər Nazirliyi (malta Ministru tal-Affarjiet Barranin ta' Malta) — Maltanın xarici siyasətini, vətəndaşlarının maraqlarını təmsil edən orqan.
Nazirlik 1967-ci ildə Malta müstəqillik əldə etdikdən sonra yaradılmışdır.
== Malta Xarici İşlər Nazirləri ==
Corc Borq Oliver (21 sentyabr 1964 — 21 iyun 1971);
Dominik Mintoff (21 iyun 1971 — 20 dekabr 1981);
Aleks Skebberas Triqona (20 dekabr 1981 — 12 may 1987);
Çensu Tabone (12 may 1987 — 16 mart 1989);
Edvard Fenek Adami (16 mart 1989 — 5 may 1990);
Qvido de Marko (5 may 1990 — 29 oktyabr 1996);
Corc Vella (29 oktyabr 1996 — 6 sentyabr 1998);
Qvido de Marko (8 sentyabr 1998 — 24 mart 1999);
Co Borq (24 mart 1999 — 23 mart 2004);
Con Dalli (23 mart — 3 iyul 2004);
Maykl Frendo (3 iyul 2004 — 12 mart 2008);
Tonio Borq (12 mart 2008 — 28 noyabr 2012);
Fensis Zammit Dimek (28 noyabr 2012 — 13 mart 2013);
Corc Uliyam Vella (13 mart 2013 — 9 iyun 2017);
Karmelo Abelo (9 iyun 2017 — davam edir).
Moldova Xarici İşlər Nazirliyi
Moldova Xarici İşlər Nazirliyi (mold. Ministerul Afacerilor Externe și Integrării Europene al Republicii Moldova) — Moldova hökumətinin doqquz nazirliyindən biri. Dövlətin xarici siyasətindən cavabdehdir.
== Tarixi ==
1944-cü il fevralın 1-də Moldova Sovet Sosialist Respublikasının Xarici İşlər Xalq Komissarlığı olaraq qurulmuşdur.
1946-cı il martın 27-də Moldova Sovet Sosialist Respublikasının Xarici İşlər Nazirliyi yaradılır.
Moldova Konstitusiyasına görə, hökumət quruluşu qəbul edilmiş qanunla müəyyənləşdirilir.
Xarici İşlər Nazirliyinin mövqeyi, Moldova hökumətində ən yüksək vəzifələrdən biri hesab edilir.
Monqolustan Xarici İşlər Nazirliyi
Monqolustan Xarici İşlər Nazirliyi (monq. Монгол улсын Гадаад харилцааны яам) — Monqolustanın mərkəzi icra hakimiyyəti orqanı, Moqolustanın xarici dövlətlər və beynəlxalq təşkilatlarla əlaqələri sahəsində dövlət idarəetməsini həyata keçirir.
2011-ci ildə - müasir tarixdə Monqolustan Xarici İşlər Nazirliyi 100 illiyini qeyd etdi.
1961-ci ildə Monqolustan BMT, ÜTT, BVF və ATƏT kimi təşkilatların üzvü olmuşdur.
1962-ci ildə YUNESKO-nun üzvülüyünə daxil olur.
Monqolustan dünyanın 181 ölkəsi və Avropa İttifaqı ilə siyasi əlaqələri var
.
1921-ci ilin noyabrında Rusiya ilə, 1949-cu ildə isə Çin Xalq Respublikası ilə diplomatik münasibətlər quruldu.
Monqolustanın xaricdə 35 diplomatik nümayəndəliyi var.
Monteneqro Xarici İşlər Nazirliyi
Monteneqro Xarici İşlər Nazirliyi (Ministarstvo inostranih poslova Crne Gore) — digər ölkələrlə xarici əlaqələrdən məsuldur.
Myanma Xarici İşlər Nazirliyi
Myanma Xarici İşlər Nazirliyi (birm. နိုင်ငံခြားရေးဝန်ကြီးဌာန) — ölkənin beynəlxalq əlaqələrini nəzarət edir. Nazirliyin 44 ölkədə səfirlikləri və konsulluqları fəaliyyət göstərir.
== Tarixi ==
II Dünya müharibəsi zamanı Britaniya hökuməti Hindistana köçdü. 1942-ci ildən Xarici İşlər, Müdafiə Nazirliyi tərəfindən xidmət göstərir. II Dünya Müharibəsindən sonra Müdafiə və Xarici Əlaqələr Departamenti qubernatorun məsləhətçisi tərəfindən qurulmuş və birbaşa xidmət etmişdir.
Daha sonra Aun San və Britaniya hökumətinin rəhbərliyi ilə Myanma nümayəndələri Myanmanın xarici işlərini görməyə başladılar.
1946-cı ildə icra şurası nəzdində və həmin şuranın sədr müavini general Aun San tərəfindən icra edildi. Xarici İşlər Nazirliyi 17 mart 1947-ci ildə Aun San tərəfindən yaradılmışdır.
4 may 1948-ci ildə Nazirlik adını dəyişdi və Xarici Büro adlandırdı.
Müsavat Partiyasının xarici bürosu
Müsavat Partiyası (qısaca Müsavat kimi də tanınır) – Azərbaycanda hal-hazırda fəaliyyət göstərən ən yaşlı siyasi partiya. Əsası 1911-ci ildə İstanbulda muhacirətdə olan Məhəmməd Əmin Rəsulzadənin təlimatı ilə əmisi oğlu Məhəmməd Əli Rəsulzadə, habelə Abbasqulu Kazımzadə və Tağı Nağıyev tərəfindən Bakıda qoyulmuşdur.
Müsavat ərəb sözüdür və Azərbaycan dilinə bərabərlik kimi tərcümə olunur.
== İlk dövr (1911–1920) ==
Müsavat Partiyası 1911-ci ildə Məhəmməd Əmin Rəsulzadənin İstanbuldan göndərdiyi təlimata əsasən Abbasqulu Kazımzadə, Məhəmməd Əli Rəsulzadə və Tağı Nağıyev (qısaca bir neçə keçmiş Hümmət Partiyası üzvü) tərəfindən yaradılmışdır. 1911-ci ildə əsası qoyulandan 1917-ci ildə Fevral inqilabına qədər Müsavat Partiyası gizli olaraq fəaliyyət göstərmişdir. Bu ilk mərhələdə Müsavat Rusiya imperiyasında və Yaxın Şərqdə yaşayan müsəlman və türk-dilli millətləri milli azadlıq və demokratik müxtariyyət idealları ətrafında birləşdirməyə çalışmışdır.Müsavat Partiyasının ilk proqramı 9 maddədən ibarət olub, İslami xarakter daşıyıb. 1913-cü ildən, Məhəmməd Əmin Rəsulzadə Bakıya qayıtdıqdan sonra Müsavat Partiyasının proqramı təkmilləşdirilib, Türkçülük fikirləri ilə dolğunlaşdırılıb. 1915-ci ilin oktyabr ayında Məhəmməd Əmin Rəsulzadənin redaktorluğu ilə nəşrə başlayan "Açıq söz" qəzeti həm də Müsavat Partiyasının orqanı kimi çap olunub. Qəzet mətbuat tariximizdə "Türk ədəbi dili ilə" çap olunan ilk mətbu orqandır.
Müsavatın islamçı ideologiyası ətrafında qurulmasına və onun rəhbəri olan Məhəmməd Əmin Rəsulzadənin türkçülük düşüncələrinə rəğbət bəsləməsinə baxmayaraq, Birinci dünya müharibəsinin ilk illərində Müsavat Partiyası Çar rejimini dəstəkləmişdir.
Niderland Xarici İşlər Nazirliyi
Niderland Xarici İşlər Nazirliyi (nid. Ministerie van Buitenlandse Zaken) — Niderland Krallığının xarici əlaqələrindən, o cümlədən Avropada əməkdaşlıq və beynəlxalq inkişafından məsuldur.
Bu məqsədlə nazirliyin daxilində aşağıdakı qanunlar yaradılmışdırː
Beynəlxalq hüquq normalarını və insan hüquqlarına hörmətin gücləndirilməsi.
Təhlükəsizliyin və sabitliyin gücləndirilməsi, effektiv humanitar yardım və səmərəli idarəetmə.
Avropa əməkdaşlığını gücləndirmək.
Dünyadakı zənginliyi artırmaq və yoxsulluqun azaldılması.
İnsanlığın və sosial inkişafın gücləndirilməsinə kömək etmək.
Ətraf mühitin qorunması və inkişaf etdirilməsi.
Xaricdəki vətəndaşlarının təhlükəsizliyini təmin etmək.
Niderlandın mədəni profilini təkmilləşdirmək və Niderland daxilində və xaricində müsbət bir görünüş yaratmaq.
Norveç Xarici İşlər Nazirliyi
Norveç Xarici İşlər Nazirliyi — Norveç Krallığı Xarici İşlər Nazirliyi, 1905-ci il 7 iyun tarixində əsası qoyulmuşdur. Norveç parlamenti (Böyük palata) eyni gündə İsveçlə fərdi birliyini ləğv etmək qərarına gəldi.
== Təşkilat strukturu ==
Norveç Xarici İşlər Nazirliyi 110 xarici missiyanı və 3 səlahiyyətində olan təşkilatı idarə edir: Norveç Əməkdaşlıq İnkişafı üzrə Agentlik, Norveç "Sülh Körpüsü" və "Norfund ölkələri İnkişafı və İnvestisiya Fondu". Norveç nazirliklərindən fərli olaraq, Xarici İşlər Nazirliyi təşkilatın rəhbəri kimi iki nazir çıxış edir. Xarici İşlər Naziri ən çox siyasi sahəyə, inzibati rayonlara rəhbərlik edir.
Nazirliyin bəzi şöbələri nazirlərə hesabat verir.
Pakistan Xarici İşlər Nazirliyi
Pakistan Xarici İşlər Nazirliyi (Ministry of Foreign Affairs of Pakistan) — hökumətin ən əhəmiyyətli nazirliklərindən biri, digər ölkələrlə iqtisadi, mədəni və elmi əlaqələrin yaradılması üçün Pakistanın xarici siyasətinin həyata keçirilməsinə məsuldur.
Pakistan Xarici İşlər Nazirliyi binası İslamabad hökumət kompleksində yerləşir.
== Tarixi ==
1947-ci ildə Nazirlik Britaniya Hindistanı və Pakistanın formalaşmasından sonra yaradılmışdır. İlk Xarici İşlər Naziri Pakistanın dövlət xadimi Məhəmməd Xan Zafrulla idi.
Xarici İşlər Nazirini Pakistanın baş naziri təyin edirdi.
Peru Xarici İşlər Nazirliyi
Peru Xarici İşlər Nazirliyi (isp. Ministerio de Relaciones Exteriores del Perú) — dövlətin xarici siyasətini inkişaf etdirmək və həyata keçirmək üçün məsuliyyət daşıyır.
Nazirlik, müxtəlif ölkələrdə akkreditə olunmuş konsullar və və beynəlxalq təşkilatlarla, eləcə də Xarici Ticarət və Turizm Nazirliyi və Peru səfirləri ilə birlikdə fəaliyyət göstərir.
Polşa Xarici İşlər Nazirliyi
Polşa Xarici İşlər Nazirliyi (pol. Ministerstwo Spraw Zagranicznych) — Polşa beynəlxalq əlaqələrinin saxlanılmasında cavabdeh, Avropa birliyi və Birləşmiş Millətlər Təşkilatı kimi regional milli olmayan siyasi təşkilatların iştirakını əlaqələndirməkdən məsuldur.
Xarici İşlər Nazirliyi, Polşa Respublikasının digər dövlətlərlə arasında yaxşı, dostluq əlaqələrini saxlamaq üçün məsuliyyət daşıyır. Eyni zamanda, Polşa xalqının nümayəndəsi kimi çıxış etməlidir. Buna görə də bütün Polşa diplomatik nümayəndəlikləri Xarici İşlər Nazirliyinə tabedir.
== Tarixi ==
Xarici İşlər Nazirliyi ilk olaraq Birinci Dünya müharibəsində Polşanın işğalçı Alman qüvvələrindən müstəqilliyini bərpa etdiyi zaman Regent Şurasının səlahiyyətlərinə nəzərən Leon Vesilevskinin rəhbərliyi ilə yaradılmışdır. Lakin nazirlik yalnız Regent Şurasının çökməsindən, Versal müqaviləsinin qəbul olunmasından və Jozef Pilsudskinin hakimiyyətə gəlməsindən sonra ona verilmiş məsuliyyətləri yerinə yetirməyə başladı.
1939-cu ilə qədər nazirlik Varşavanın mərkəzi hissəsində, Pilsudska Meydanı içərisində olan Bruhl Sarayında yerləşdi. İkinci Dünya Müharibəsi dövründə nazirlik ləğv olunur, Polşa hökumətini Fransaya, qalan hissəsi isə Londona sürgün edilir. Sürgündə Polşa hökumətinin bir hissəsi formalaşmağa başladı.
Portuqaliya Xarici İşlər Nazirliyi
Portuqaliya Xarici İşlər Nazirliyi (port. Ministério dos Negócios Estrangeiros) — Portuqaliya Respublika Hökumətinin xarici orqanı. Nazirliyin baş qərargahı Lissabonda yerləşir.
Qazaxıstan Xarici İşlər Nazirliyi
Qazaxıstan Xarici İşlər Nazirliyi (qaz. Қазақстан Республикасының Сыртқы істер министрлігі) — Hökumətin daxilində xarici siyasət fəaliyyətini həyata keçirən Qazaxıstan Respublikasının mərkəzi icra orqanı, Qazaxıstan Respublikasının diplomatik xidmət orqanlarının vahid sisteminə rəhbərlik edir.
Nazirliyə Qazaxıstan Respublikasının Prezidenti tərəfindən təyin olunan və vəzifədən azad edilən nazir rəhbərlik edir.
"Qazaxıstan Respublikasının Xarici İşlər Nazirliyi haqqında Əsasnamə" Qazaxıstan Respublikası Hökuməti tərəfindən 28 oktyabr 2004-cü il tarixində 1118 nömrəli qərarı təsdiq edilmişdir.
Eyni zamanda, 28 oktyabr 2004-cü ildə "Qazaxıstan Respublikası Xarici İşlər Nazirliyinin Müstəqil Dövlətlər Birliyi İşləri Komitəsi"nin (“Qazaxıstan Respublikası Xarici İşlər Nazirliyinin Müstəqil Dövlətlər Birliyi İşlər Komitəsi haqqında” 21 mart 2000-ci il tarixli 421 nömrəli qərarı ilə təsis edilmişdir.) funksiyaları və əmlakları Qazaxıstan Xarici İşlər Nazirliyinə verilməsi ilə ləğv edilməsi qərarı verildi.
== Beynəlxalq informasiya komitəsi ==
Qazaxıstan Respublikası Xarici İşlər Nazirliyinin Beynəlxalq İnformasiya Komitəsi, Qazaxıstan Respublikasının müsbət imicini gücləndirmək üçün xüsusi tətbiqetmə və nəzarət funksiyalarını yerinə yetirən bir qurumdur.
Komitənin əsas vəzifəsi siyasi, iqtisadi, sosial, humanitar və digər fəaliyyət sahələrində dövlət siyasətinin həyata keçirilməsidir.
== Xarici orqanlar ==
Diplomatik və konsulluq idarələri Qazaxıstan Xarici İşlər Nazirliyinin sisteminə daxildir. Hazırda dünyanın 68-dən çox ölkəsində 93 xarici nümayəndəlik var - səfirliklər, beynəlxalq təşkilatların daimi nümayəndəlikləri, diplomatik nümayəndəliklər, baş konsulluqlar, konsulluqlar və pasport-viza xidməti.
Qazaxıstanın xarici siyasəti
Qazaxıstan Respublikasının xarici siyasəti aktivlik, tarazlığı qorumaq istəyi, praqmatizm, konstruktiv dialoq arzusu və çoxtərəfli əməkdaşlıq ilə xarakterizə olunur. Tarixi, geosiyasi və iqtisadi amillərinə görə beynəlxalq aləmdə Qazaxıstan uzun əsrlər boyu beynəlxalq əməkdaşlıq, qonşu ölkələrlə barışıq və onların regional birliyinə hörmət prinsiplərinə əsaslanan xarici siyasət yürüdür. Qazaxıstanın digər ölkələrlə bərabər və qarşılıqlı faydalı əlaqələr qurmağa hazır olduğunu diplomatik əlaqələr qurduğu çox sayda xarici ölkə sübut edir. 1991-ci ildə müstəqillik qazandıqdan bəri respublikamız 130 ölkə ilə diplomatik əlaqələr qurdu. Bir çox səbəbdən, hazırda Orta Asiya və Qazaxıstan dünya siyasətində xüsusi diqqət çəkirlər. Qazaxıstan sürətli inkişafına görə transmilli şirkətlər və digər ölkələr üçün böyük maraq göstərir. Aydındır ki, Qazaxıstan coğrafiyaya görə Orta Asiyada ən böyük ölkədir və iqtisadi inkişaf baxımından bölgədə liderdir. Eyni zamanda, ölkənin gələcək inkişafı üçün böyük potensiala malik olduğunu da qeyd etmək lazımdır. Bu gün Qazaxıstan xarici siyasətinin prioriteti ilk növbədə Rusiya, Çin, Amerika Birləşmiş Ştatları, AB, Orta Asiya və İslam dünyasındakı qonşu ölkələrlə bərabər əlaqələr qurmağı hədəfləyir. Bu baxımdan 2006–2007-ci illərdə bu ölkələrlə və bölgələrlə ikitərəfli əlaqələr xeyli yaxşılaşmışdır.
