Hennenman-Krunstad qatar qəzası
Hennenman–Krunstad qatar qəzası (ing. Hennenman–Kroonstad train crash) — 4 yanvar 2018-ci il tarixində "Shosholoza Meyl" nəqliyyat şirkəti tərəfindən idarə olunan sərnişin qatarının Cənubi Afrikanın Krunstad şəhəri yaxınlığındakı dəmiyol keçidində bir yük maşınıyla toqquşması. Qatar relsdən çıxmış, yeddi vaqon atəşə tutulmuşdur. Qəza nəticəsində 18 nəfər həlak olmuş, 254 nəfər isə yaralanmışdır.
== Qəza ==
4 yanvar 2018-ci il tarixində, yerli vaxtla 09:15 (07:15 UTC) radələrində "Shosholoza Meyl" nəqliyyat şirkəti tərəfindən idarə olunan sərnişin qatarının Cənubi Afrikanın Krunstad şəhəri və Hennenman qəsəbəsi arasında yerləşən dəmiyol keçidində bir yük maşınıyla toqquşmüşdür. Qəza Yohannesburq şəhərindən təxminən 200 kilometr (120 mil) uzaqda baş vermişdir. Lokomotiv və 12 vaqon relsdən çıxmışdır. Vaqonların 7-i yanmışdır. Qatarda 429 sərnişin var idi. Qəza nəticəsində 18 nəfər ölmüş, 254 nəfər isə yaralanmışdır.
Hennenman–Krunstad qatar qəzası
Hennenman–Krunstad qatar qəzası (ing. Hennenman–Kroonstad train crash) — 4 yanvar 2018-ci il tarixində "Shosholoza Meyl" nəqliyyat şirkəti tərəfindən idarə olunan sərnişin qatarının Cənubi Afrikanın Krunstad şəhəri yaxınlığındakı dəmiyol keçidində bir yük maşınıyla toqquşması. Qatar relsdən çıxmış, yeddi vaqon atəşə tutulmuşdur. Qəza nəticəsində 18 nəfər həlak olmuş, 254 nəfər isə yaralanmışdır.
== Qəza ==
4 yanvar 2018-ci il tarixində, yerli vaxtla 09:15 (07:15 UTC) radələrində "Shosholoza Meyl" nəqliyyat şirkəti tərəfindən idarə olunan sərnişin qatarının Cənubi Afrikanın Krunstad şəhəri və Hennenman qəsəbəsi arasında yerləşən dəmiyol keçidində bir yük maşınıyla toqquşmüşdür. Qəza Yohannesburq şəhərindən təxminən 200 kilometr (120 mil) uzaqda baş vermişdir. Lokomotiv və 12 vaqon relsdən çıxmışdır. Vaqonların 7-i yanmışdır. Qatarda 429 sərnişin var idi. Qəza nəticəsində 18 nəfər ölmüş, 254 nəfər isə yaralanmışdır.
Jozef Kruskal
Josef Bernard Kruskal (29 yanvar 1928, Nyu-York, Nyu-York ştatı – 19 sentyabr 2010) amerikalı riyaziyyatçı, statistika mütəxəssisi, kompüter üzrə alim və psixometrik. O, Çikaqo Universitetində və Prinston Universitetində təhsil almış. 1954-cü ildə Prinston Universitetində formal olaraq Albert V.Tuker və Roger Lindonun rəhbərliyi altında, de fakto olaraq Paul Erdosun rəhbərliyi altında "Fəlsəfə doktoru" (Ph.D) dərəcəsi almışdır. Kruskal well-quasi-orderings və çoxölçülü miqyas üzərində işləyib.
O, Amerika Statistika Assosiasiyasının Dostu, Psixometriya Cəmiyyətinin sabiq prezidenti və Şimali Amerika Klasifikasiya Cəmiyyətinin sabiq prezidenti olub.
== Elmi töhfələri ==
Statistika sahəsində Kruskalın ən önəmli fəaliyyəti çoxölçülü miqyaslamanın formullaşdırılmasına verdiyi töhfələrdir.
== Həyatı ==
Kruskal Nyuyork şəhərində anadan olub. Anası Lillian Roz Vorhauz Kruskal televiziyanın yarandığı ilk vaxtlarda tanınmış Oriqami himayədarı olmuşdur.
Karlos Kruz-Diez
Karlos Kruz-Diez (17 avqust 1923[…], Karakas – 27 iyul 2019[…], Nöyi-sür-Sen) — Optik sənət qurucularından sayılan venesuelalı rəssam; kinetik rəsm sənətinin böyük qabaqcıllarından biri.
== Həyatı ==
Karlos Kruz-Diez 1923-cü ildə Karakasda anadan olub. O, 1957-ci ildə Əsrarəngiz Sənətlər Məktəbini yaradıb. 1960-cı ildə Parisə köçüb.
Əsərləri Nyu-Yorkda Müasir İncəsənət Muzeyində, Londonda Teyt Qalereyasında, Parisdə Pompidu Mərkəzində nümayiş etdirilməkdədir. Karakasda, Parisdə və Panamada, habelə Hyustonda rəssamlıq sənət studiyaları olan rəssam 2012-ci ildə Fransanın ən yüksək mükafatı – "Fəxri Legion" ordeni ilə təltif edilib.
27 iyul 2019-cu ildə Parisdə vəfat edib.
Kruassan
Kruassan (fr. croissant) — içərisinə yağ və ya yağlı krem qoyulan aypara şəklində çörək. Kruassanı cem, pendir və ətlə də hazırlayırlar.
== Yaranması ==
Osmanlı imperiyası Vyana mühasirəsində uğursuzluğa düçar olub, geri qayıtdıqdan sonra (12 sentyabr 1683) avropalılar sevinc dolu hisslərlə türkləri məğlub etmiş Polşa kralı Sobieskiyə təşəkkürünü müxtəlif formalarda bildirirdi. Yerli Vyana şirniyyatçıları isə o vaxtadək dümdüz hazırlanan kruassanı Osmanlı bayrağı üzərindəki aypara formasında bişirib, Sobieskini təbrik etmişdi.
Krubay bulağı
Krubay bulağı — Şərqi Serbiyada, Pemorav dairəsində su bulağı. Krupay çayının sağ axarında, 220 metr (720 ft) yüksəklikdə yerləşir.
Krubay bulağı Serbiyanın şərqində, Pemarov rayonundakı karst bulaqlarına daxildir. Suyun temperaturu 9-11 °C-dir. 435 metr uzunluğunda olan bulaq axını əvvəlcə şimala doğru axır və 130 metrdən sonra Krupay çayı ilə birləşmədən 300 metr daha davam etmək üçün istiqamətini qərbə dəyişir. Anbar tikildikdən sonra, hündürlüyü 3 m olan Krupay bulağı 40 m uzunluğunda və 17 m enində yeni göl görünüşünü qazandı. Onun suyu çox cəlbedici şəlalə ilə göldən axır.
1998-ci ildə aparılan hərtərəfli speleoloji tədqiqatlar mağarada əhəngdaşının əriməsinə səbəb olan süsusi bölmə aşkar etdi. Bənddən çay üzərində qurulmuş qurğulara axan su dik astana və şəlalələr üzərindən keçir. Bulağın hidroloji rejimi və su həcmi kifayət qədər sınaqdan keçirilməmişdir.
Krubera-Voronya
Krubera mağarası və ya Voronya — Dünyanın ən dərin mağarası. Dərinliyi 2212 metrdir. Gürcüstan ərazisində yerləşir. Hal-hazırda Gürcüstan Respublikasının torpaqlarında yerləşir.
Krubera mağarası
Krubera mağarası və ya Voronya — Dünyanın ən dərin mağarası. Dərinliyi 2212 metrdir. Gürcüstan ərazisində yerləşir. Hal-hazırda Gürcüstan Respublikasının torpaqlarında yerləşir.
Kruds ailəsi (cizgi filmi, 2013)
Kruds ailəsi (ing. The Croods) 2013-cü ilin animasiya və macəra filmidir.
== Məzmun ==
Kruds adlı mağara ailəsi inadkar ata Qruqun qida taplamaq üçün qısa müddət istisna olmaqla heç kəsin mağaranı tərk etməsinə icazə verməməsi nəticəsində bir neçə təbii fəlakətdən xilas olur. Yeniyetməlik dövründə olan evin qızı Yip ailəsini sevir, amma yenə də qaranlıqda tez-tez mağaranı tərk edir. Bir gecə işıq görən Yip yenə də mağaradan çıxır və məşəl yandıran müasir insan Qay və onun əhlilləşmiş heyvanı ilə tanış olur. Qay Yipi yaxınlaşan fəlakətə görə xəbərdarlıq edir və qaçması üçün ona kömək təklif edir. Ancaq Yip ailəsi ilə birlikdə qalmağı seçir. Qay kömək lazım olanda onu çağırması üçün Yipə dənizqabığı verir. Ancaq Yip evə qayıdanda çılğın ailəsi onu məhv edir. Səbəb onların yeni olan hər şeydən qorxmaları idi.
Krugosvet
"Krugosvet" — rus dilində universal elektron ensiklopediyadır. Ensiklopediya 2000 -ci ildən inkişaf edir və 2010-cu ilin məlumatlarına görə, 12.700-dən çox məqalə (bunun 7.100-ü tərcümeyi-halı), 12.100-dən çox illüstrasiya, 600 siyasi, tarixi və iqtisadi xəritə, habelə bir sıra tarixi və siyasi sənədlərdən ibarətdir . 1952-1998-ci illərdə ABŞ -da nəşr olunan üç aparıcı ingilisdilli universal ensiklopediyadan biri ( Amerika Ensiklopediyası və Britannica Ensiklopediyası ilə birlikdə) Ensiklopediya Collier əsasında.
"Krugosvet" ensiklopediyası http://www.krugosvet.ru saytında pulsuz olaraq mövcuddur. Tam elektron surəti iki CD və ya bir DVD -də almaq olar. Kağız üzərində "Krugosvet" nəşr olunmur.
== Tarixi ==
23 may 2000-ci ildə "Ətrafımızdakı dünya" adlı CD-də Açıq Cəmiyyət İnstitutu"nun (Soros Fondu) yardımı ilə ensiklopediyanın ilk elektron nəşrinin təqdimatı keçirilib. 24 cildlik "American Collier" Ensiklopediyasının tərcüməsi əsas götürüldü, ona 187 rus müəllifi tərəfindən xüsusi olaraq bu nəşr üçün yazılmış orijinal materialın xeyli miqdarı əlavə edildi, yeni məqalələr əlavə edildi, rus biblioqrafiyası verildi, aşkar edilmiş səhvlər Amerika orijinalında düzəlişlər edildi və sonrakı Amerika nəşrləri ilə də nəzərə alındı. 2000-ci ilin lüğəti təxminən 60 min sözdən ibarət idi, diskdəki ensiklopediyada 7 min böyük tematik məqalə, 3 min bioqrafik məqalə, ətraflı astronomik atlas, 600 xəritə və 8 min illüstrasiya var idi. Printerdə çap etmək imkanı da təmin edilib.
Kruiz turizmi
Kruiz — baza qiymətinin tərkibinə gəmi göyərtəsində kompleks xidmət: gəmidə gediş, kayutda yerləşmə (seçilmiş kayut sinfindən asılı olaraq), 3 dəfə qidalanma, əyləncə və adətən gəmidə təşkil olunan bir çox xüsusi tədbirlərdə (bayram, festival, konkurs, konsert və s.) iştirakı özündə birləşdirən dəniz və ya çay turu.
Kruiz marşrutları 24 saatdan daha artıq müddət üçün nəzərdə tutulur. Gəmi bir neçə nöqtədə (bir ölkənin limanları, yaxud bir neçə ölkənin limanları) dayanır və turistlərin fərqli ərazilərlə daha yaxından tanış olmaları üçün imkan yaradılır. Kruiz turizmi Avropa və Amerikada çox böyük rəğbət görür. Kruiz turizmi ən təhlükəsiz turizm növlərindən biridir.
Kruiz turizminin iki əsas yarımnövü var: dəniz kruizi və çay kruizi.
== Çay kruizi ==
Çay ilə kruiz bahalı turizm növlərinə aid edilir və müasir iqtisadi vəziyyətdə turist marşrutlarında sərnişin daşıma həcminin azalmasına səbəb olur. Çay kruizləri üçün aşağıdakılar xarakterikdir:
Dayanıqlı tələbatı formalaşdırmağa imkan verən rəqabət qabiliyyətli qiymətlərin olması;
Yüksək xidmətin təşkili;
İstirahət, idman, işgüzar gəzinti-seminarlar və s.-ə istiqamətləndirilməsinin mümkünlüyü;
Qısa vaxtda təbii və tarixi yerlərlə tanışlığın mümkünlüyü.
== Tarixi ==
Kruiz tarixi uzun və dinamik tarixə malikdir. İlk diqqətəlayiq istirahət kruizlərindən bir neçəsi 1822-ci ildə Peninsular & Oriental Steam Navigation Company-nin yaranması ilə başladı.
Kruk (Vayominq)
Kruk rayonu (ing. Crook County) -Vayominq, ABŞ-də yerləşən rayon. ABŞ Siyahıyaalma Bürosunun verdiyi statistik məlumatlara görə 2000-ci ildə bu rayonun əhalisi 5 887 nəfər olmuşdur. 2005-ci ildə əhalinin sayı 6 182 nəfərə çatmışdır.
Rayonun paytaxtı Sandens şəhəridir.
Kruked-Aylend (Baham adaları)
Kruked-Aylend (ing. Crooked Island) — Baham adalarında adalar qrupu. Aklins körfəzində yerləşir, cənub-şərqin Aklins adası yerləşir.
== Tarixi ==
Adalar 1780-ci illərin axırlarında mindən çox kölənin çalışdığı pambıq plantasiyaları quran loyalistlər tərəfindən məskunlaşdırılmışdır. Britaniya imperiyasında köləliyin ləğvindən sonra plantasiyalar əlverişsiz hala düşmüş, sualtı süngər hasilatının gəlir mənbəyi kimi əhəmiyyəti azalmışdır. Adanın sakinləri indiki dövrdə balıqçılıq və kiçik miqyaslı kənd təsərrüfatı ilə məşğuldur.
Baham adalarında ilk poçt şöbəsi Kruked-Aylenddə, Pitts-Taun şəhərində açılmışdır.
== İnzibati bölgü ==
Kruked-Aylend Baham adalarının 32 rayonundan biridir. Ərazinin mahal mərkəzi Kolonel-Hill şəhəridir. Rayonun sahəsi 261 km2, əhalisi 330 nəfərdir.
Krum xan
Qorxunc Krum xan (bolq. Крум Страшни; 755, İdil Bulqar xanlığı – 13 aprel 814, Pliska) — Bulqar xanı. 803-814cü illərdə hakimiyyətdə olmuşdur. Onun dövründə mərkəzi hakimiyyət güclənmiş, qayda-qanun işlənib hazırlanmışdır.
== İlk illəri ==
Krum xan hakimiyyətə gələndən sonra ilk işi Avar xaqanlığına qarşı hücuma keçmək oldu. Ölkənin ərazisi iki dəfə genişlənərək Bulqar dövləti Frankların qonşusu halına gəldi.
== I Nikiforla münasibətlər ==
Krum xan işğalçılıq siyasəti yeridirdi. Buna görə 807-ci ildə, 809-cu ildə ardıcıl hücumlar edərək Sofiya şəhərini ələ keçirmişdi. 11 iyul 811-ci ildə I Nikiforla danışıqlara cəhd etsə də alınmadı, imperator tarixçi Mixailin sözləri ilə bu dərəcədə qəddar idi:
Nikifor, Bizans imperatoru, Bulqarların torpağına getdi: Qalib gəldi və çoxunu öldürdü.Onların paytaxtına çatdı, ələ keçirdi və dağıtdı. Onun vəhşiliyi o dərəcəyə çatdı ki, kiçik uşaqları torpağa bərkidib başlarını daşla əzdirtdi.
Krumlov qəsri
Krumlov qəsri və ya Çeski Krumlov qəsri (çex. Zámek Český Krumlov) — Çexiyanın Cənubi Bohemiya vilayətində, Praqadan 170 km cənub-qərbdə yerləşən qəsr. Öz böyüklüyünə görə, Praqa qəsrindən sonra Çexiyada 2-ci sayılır.
== Qəsrin tarixi ==
Qəsr çox güman ki, Krumlovlu Vitkoviçlər sülaləsindən olan feodal II Böyük Vitek tərəfindən salınmışdır. Krumlov qəsri haqqda ilk yazılı qeyd 1240-cı ilə təsadüf edir. 1253-cü ildə isə qəsr əsaslı şəkildə rekonstruksiya edilmişdi. 1274-cü ildə onun ətrafında Çeski Krumlov şəhərinin əsası qoyulmuşdur.
1302-ci ilin başlaması ilə əlaqədar qəsr bütün vərəsəlik hüquqları ilə Krumlovlu Vitkoviç sülaləsindən miras şəklində Rojmberkli (Rozenberqli) Vitkoviçlərin istifadəsinə verilmişdir. I Yindrjix Rozenberq sülaləsindən olan qəsrin ilk sahibi idi; məhz onun dövründə Aşağı qəsr genişləndirilmişdir. Onun oğlu Rojmberkli I Pyotr († 1347) Yuxarı qəsri inşa etdirmişdir, Rojmberkli II Oldrjix isə onu yenidən qurmuşdur.
Kruna (Nevena Bojoviç mahnısı)
Kruna (azərb. Tac) — Serbiyanın 2019 Avroviziya Mahnı Müsabiqəsindəki mahnısı.
Nevena Bojoviç "Kruna" mahnısı ilə Serbiyanı İsrailin Tel-Əviv şəhərində keçirilən Avroviziya 2019-da təmsil etmişdir. Mahnının musiqisi və sözləri Bojoviçə aiddir.
Kruni buxtası
Kruni buxtası (bolq. залив Круни, ‘Zaliv Kruni’ \'za-liv 'kru-ni\) — 900 m uzunluğu olan və Antarktidanın Cənubi Şetland adalarının Robert adası sahillərindən 1.15 km şərqdə yerləşmişdir. Qaliçe qayasından, Somovit burnundan şimalda, Kitçen burnundan cənubda yerləşmişdir.
Buxta şimal-şərqi Bolqarıstanda yerləşən qədim Frakiya şəhəri olan Kruninin adını daşıyır.
== Yerləşməsi ==
Kruni buxtası 62°23′34″ c. e. 59°21′20″ q. u. koordinatlarında yerləşmişdir. Bolqarıstan xəritəsinə 2009-cu ildə daxil edilmişdir.
Krunk
Krunk (erm. Կռունկ - durna) — Abxaziyada yaradılan erməni mədəni və xeyriyyə cəmiyyəti. Krunk Suxumi və şərqi Abxaziyada erməni maraqlarını təmsil edən əsas təşkilat idi.
== Tarixi ==
1989-cu ildə Krunk hərəkatının fəalları Ermənistana səfər edib və Ermənistan dini lideri katolikos I Vazgen tərəfindən qəbul edilib. Siyasi partiyalar Erməni İnqilabi Federasiyası (Daşnaksütun) ilə əlaqələri yaradıb, öz növbəsində Daşnaksütun də strukturlarını qurmaq üçün Krunka dəstək verib. Məhz bundan sonra Krunk yaradılıb.
1990-cı il yanvarın 27-də təşkilat ilk təsis qurultayını keçirib. 1991-ci il fevralın 21-də Krunk Soyuz ictimai-siyasi təşkilatlar blokunun qurucu üzvü idi. 2004-cü il 15 apreldə, Krunk Ermənistan Mədəniyyət Mərkəzi və Maştots cəmiyyəti ilə birləşib, Abxaziya erməni cəmiyyətini yaratmışdır.
Abxaziyada Krunk erməni mədəni və xeyriyyə cəmiyyəti kimi sosial, hüquqi və digər ictimai sahələrdə erməni icmasına qarşı ayrı-seçkilik fonunda narazı cəmiyyət formalaşdırırdı.
Krunk PUA
Krunk (tərcümədə Leylək) - Ermənistanda istehsal olunan pilotsuz uçuş aparatı. Ermənistanda ilk dəfə PUA layihəsinin həyata keçirilməsinə 2006-cı ildə başlanıb, daha sonra isə layihə A.Hamperyants adına Hərbi Aviasiya Universitetində davam etdirilib. 2009-cu ildə Ermənistan Silahlı Qüvvələri ilk “Krunk” tipli PUA-ları silahlanmaya qəbul edib. Ermənistan Silahlı Qüvvələri nisbətən böyük “Azniv”, “Krunk-25-1” və “Krunk-25-2” PUA-larına da sahibdir. “Krunk” ailəsi 3 modeldə istehsal edilir. “Krunk” PUA-ları İsrail Ordusunun silahlanmasında 80-ci illərdən etibarən mövcud olan, A, B və C seriyalarında istehsal edilən RQ-2 “Pioneer” PUA-larına bənzəyir. Bəzi mənbələrin məlumatına görə Krunk PUA-ları Serbiya ilə müştərək istehsal olunur.
== Tarixi ==
Krunk PUA 2011-ci ildən istehsal edilir. “Krunk” PUA-ları İsrail Ordusunun silahlanmasında 80-ci illərdən etibarən mövcud olan, A, B və C seriyalarında 1986-cı ildən bəri istehsal edilən RQ-2 “Pioneer” PUA-larına bənzəyir. Onların Rusiyanın əlinə keçməsi tarixi təxminən 1990-cı ildə baş verib.
Krunq-Yuryax çayı
Krunq-Yuryax çayı (arx. Курунг-Юрэх) — Lena çayının qolu. Yakutiya çayı.
== Əsas xüsusiyyətləri ==
Yakutiyanın Jiqan rayonunun çayı olub, uzunluğu 16 km təşkil edir. 534 km yüksəklikdən Lena çayına tökülür.
Krunq Tay
Ayutiya krallığı (tay อาณาจักรอยุธยา) — 1351–1767-ci illərdə indiki Tailand ərazisində hökmranlıq etmiş tay feodal buddist dövləti. Ayutiya xarici tüccarlarla səmimi idi. Bu tüccarlara çinlilər, vyetlər, portuqaliyalılar, hindlilər, yaponlar, koreyalılar, farslar, ispanlar, niderlandlılar, ingilislər və fransızlar daxil idi. Yerli hakimiyyət bu tüccarlara paytaxt Ayutiya şəhərinin qala divarlarının ətrafında kəndlər qurmağa icazə vermişdir.
Xarici tüccarlar XVI əsrdə Ayutiyanı şərqdəki ən böyük və ən zəngin şəhərlərdən biri olaraq təsvir etmişdir. Kral I Ramatxibodin (1656–1688) Fransa kralı XIV Lüdovik ilə yaxın əlaqəli var idi. Dövlətdə olan fransız nümayəndəlar Ayutiyanın Paris qədər böyük və zəngin olduğunu qeyd etmişdir.
1550-ci ildən etibarən krallığın vassallarına Malay yarımadasında yerləşən bir neçə şəhər dövlətləri, Sukxotay, Lannatay və indiki Birma və Kamboca dövlətlərinin bir hissəsi aid idi. Krallığa bu dövrdə daha çox Ayutiya imperiyası deyilirdi.
Avropa mənbələrində Ayutiya krallığı Siam adlandırılırdı, ancaq bir çox mənbə Ayutiyanın yerli əhalisinin özünü tay adlandırdığını, krallıqlarına isə tay dövləti mənasını verən Krunq Tay (tay กรุงไท) dediklərini sübut edir.
Krunstad
Krunstad (afrik. Kroonstad) — Cənubi Afrika Respublikasının 3-cü ən böyük şəhəri. Krunstad Free State-də 2-ci ən böyük ticarət və kommersiya mərkəzidir. Keyptaundan Yohannesburqa gedən dəmiryolu üzərində əsas dəmiryolu qovşağıdır.
== Tarixi ==
Krunstad, 1855-ci ildə İrlandiyalı qabaqcıl Jozef Orpen tərəfindən qurulmuşdur və Orange Free State-in müstəqilliyindən sonra qurulan ilk şəhər olmuşdur. İkinci Boer müharibəsi zamanı, 13 mart-11 may 1900-cü il tarixləri arasında şəhər, Orange Free State-in paytaxtı oldu və daha sonra Boer qadın və uşaqları yerləşdirmək üçün ingilis konqres düşərgəsinin sahəsi oldu.
== İqtisadiyyatı ==
Krunstadın əsas sənaye sahəsi kənd təsərrüfatıdır. Zəngin bir əkinçilik bölgəsinin mərkəzidir, budaq, buğda, süd və ət məhsulları və yun istehsal edir. Bloemhoek bəndi şəhərin şərqində yerləşir və su ehtiyacının çoxunu təmin edir. Bir karvan parkı və daha çox düşərgə sahələri, çəmənli Vals çayı (Valsrivier) sahillərində balıqçılar və su idmanı həvəskarlarını görmək olar.
Kruoya Pakruoyis FK
Kruoya Pakruoyis FK (FK Kruoja Pakruojis) — Litvanın Pakruoyis şəhərini təmsil edən futbol klubudur. Litvanın A Liqasında mübarizə aparır. Bu klub 2009-cu ildə A Liqasında 8-ci yeri tutaraq B Liqasında mübarizə aparmağa başlamışdır. A Liqasına yenidən qayıtmaq üçün əvvəlcə Kaunas FBK klubuna, sonra isə Atlantas Klaypeda FK klubuna qalib gəldilər. 2015-ci ildə Kruoja yenidən A Liqasına geri döndü.
Krupatı
Krupatı (belar. Курапаты ) — Belarusun paytaxtı Minsk şəhəri ətrafında meşəlik ərazi. SSRİ dövründə SSRİ Xalq Daxili İşlər Komissarlığı tərəfindən 1937–1941-ci arasında icra edilmiş Böyük təmizləmə siyasəti zamanı çox saylı insan burada qətlə yetirilmişdir.
Qurbanların dəqiq sayı bəlli deyil, çünki NKVD arxivləri Belarusiyada təsnif edilmişdir. Müxtəlif mənbələrə görə Kurapatıda həlak olanların sayı ən azı 30.000 nəfər (BSSR Tarnaŭski'nin baş prokuroruna görə), 100.000 nəfərə qədər (“Belarusiya” istinad kitabına görə), 102.000–250.000 nəfər ( Zianon Pazniakın "Litaratura i mastactva" qəzetindəki məqaləsinə görə), 250.000 nəfər (Polşa tarixçisi və Vrotslav Universitetinin professoru Zdzislavav Julian Vinnikiyə görə), və daha çox (İngilis tarixçisi Norman Deviesə görə) ola bilər.
2004-cü ildə Kurapatıdakı kütləvi məzarlar birinci kateqoriyalı mədəni irs kimi Belarusiyanın Mədəni Xüsusiyyətləri reyestrinə daxil edildi.
== Kəşfi ==
Ərazinin Zyanon Paznyak tərəfindən kəşfi və 1988-ci ildə qalıqların ekshümasiyası Sovet İttifaqının dağılmasından əvvəlki son illərində Belarusda demokratiya və müstəqillik hərəkatına əlavə bir təkan verdi. Həm Sovet, həm də Belarus hökumətləri tərəfindən Sovet NKVD-sindən olan günahkarlarla əlaqəli araşdırmalar aparılmışdır. Keçmiş NKVD üzvlərinin etiraflarına və Cna, Cna-Yodkava, Drazdova, Padbaloccie və digər kəndlərdən olan 55 kəndlinin şahid ifadələrinə əsaslanaraq, NKVD-nin yük maşınlarında insanların gətirildiyi və 1937-1941-ci illərdə edam edildiyi sübut olundu.
Amerika Birləşmiş Ştatları Prezidenti Bill Klinton, Belarusiya post-sovet nüvə silahlarını Rusiyaya təhvil verməyə razı olduqdan sonra "təşəkkür" ziyarəti ilə Belarusa gələndə Kurapatı meşəsini ziyarət etdi.
La Krua-syur-Rudul
La Krua-syur-Rudul (fr. La Croix-sur-Roudoule) — Fransanın cənub-şərqində yerləşən kommuna, Provans-Alp-Kot-d'Azur regionu, Dənizkənarı Alplar departamenti, Nitsa dairəsi və Vans kantonuna aiddir. 2015-ci ilin mart ayına qədər kommuna inzibati olaraq ləğv edilmiş Pyuje-Tenye (Nits dairəsi) kantonunun bir hissəsi idi.
Kommunanın sahəsi 30,06 km²-dır, əhalisi 94 nəfər (2012) sabitləşmə meyli ilə 86 nəfərdir (2006), əhalinin sıxlığı 3,1 nəfər / km²-dır.
== Əhalisi ==
Kommunanın əhalisi 2011-ci ildə 91 nəfər idi, 2012-ci ildə isə 94 nəfər.Əhali sayı dinamikası:
== İqtisadiyyatı ==
2010-cu ildə əmək qabiliyyətli 47 nəfərdən (15-64 yaş arasında) 30 nəfəri iqtisadi cəhətdən fəal, 17 nəfər fəaliyyətsiz idi (fəaliyyət göstəricisi 63.8%, 1999-cu ildə 56.4% idi). 30 fəal əmək qabiliyyətli sakindən 27 nəfər (14 kişi və 13 qadın) işləyir, 3 nəfər işsizdir (1 kişi və 2 qadın).
